ರೈಲ್ವೆ ಮೂಲಸೌಕರ್ಯವನ್ನು ಬಲಪಡಿಸುವ ಮತ್ತು ಹೆಚ್ಚಿನ ದಟ್ಟಣೆಯ ಮಾರ್ಗಗಳಲ್ಲಿ ಸಾಮರ್ಥ್ಯವನ್ನು ಹೆಚ್ಚಿಸುವ ನಿಟ್ಟಿನಲ್ಲಿ ಒಂದು ಪ್ರಮುಖ ಹೆಜ್ಜೆಯಾಗಿ, ಭಾರತೀಯ ರೈಲ್ವೆಯು ದಕ್ಷಿಣ ಮಧ್ಯ ರೈಲ್ವೆಯ ವಾಡಿ-ರಾಯಚೂರು ವಿಭಾಗದಲ್ಲಿ ವಿದ್ಯುತ್ ಟ್ರ್ಯಾಕ್ಷನ್ ವ್ಯವಸ್ಥೆಯನ್ನು 1×25 ಕೆವಿಯಿಂದ 2×25 ಕೆವಿಗೆ ಮೇಲ್ದರ್ಜೆಗೇರಿಸಲು ₹220 ಕೋಟಿ ಯೋಜನೆಯನ್ನು ಅನುಮೋದಿಸಿದೆ. ಈ ಯೋಜನೆಯು 102 ರೂಟ್ ಕಿಲೋಮೀಟರ್ (204 ಟ್ರ್ಯಾಕ್ ಕಿಲೋಮೀಟರ್) ದ್ವಿಪಥ ವಿಭಾಗವನ್ನು ಒಳಗೊಂಡಿದ್ದು, ಪ್ರಮುಖ ರೈಲು ಕಾರಿಡಾರ್‌ ಗಳಲ್ಲಿ ಟ್ರ್ಯಾಕ್ಷನ್ ಮೂಲಸೌಕರ್ಯವನ್ನು ಆಧುನೀಕರಿಸುವ ಭಾರತೀಯ ರೈಲ್ವೆಯ ನಿರಂತರ ಪ್ರಯತ್ನಗಳ ಭಾಗವಾಗಿದೆ.

ಮೇಲ್ದರ್ಜೆಗೇರಿಸಲಾದ ಟ್ರ್ಯಾಕ್ಷನ್ ವ್ಯವಸ್ಥೆಯು ಟ್ರ್ಯಾಕ್ಷನ್ ಮೂಲಸೌಕರ್ಯವನ್ನು ಬಲಪಡಿಸುತ್ತದೆ ಮತ್ತು ರೈಲ್ವೆ ಜಾಲದ ಪ್ರಮುಖ ವಿಭಾಗಗಳಲ್ಲೊಂದಾದ ಈ ಮಾರ್ಗದಲ್ಲಿ ಹೆಚ್ಚಿನ ಸಂಚಾರ ಅಗತ್ಯತೆಗಳಿಗೆ ಬೆಂಬಲ ನೀಡುತ್ತದೆ. ವಾಡಿ-ರಾಯಚೂರು ವಿಭಾಗವು ಮುಂಬೈ-ಪುಣೆ-ವಾಡಿ-ರಾಯಚೂರು-ಗುಂತಕಲ್-ಕಡಪ-ರೇಣಿಗುಂಟ-ಚೆನ್ನೈ ಅನ್ನು ಸಂಪರ್ಕಿಸುವ ಹೆಚ್ಚಿನ ದಟ್ಟಣೆಯ ಜಾಲ (ಹೈ ಡೆನ್ಸಿಟಿ ನೆಟ್‌ವರ್ಕ್) ರೂಟ್-7 ರ ಭಾಗವಾಗಿದೆ.

2×25 ಕೆವಿ ವಿದ್ಯುತ್ ಟ್ರ್ಯಾಕ್ಷನ್ ವ್ಯವಸ್ಥೆಯ ಅಳವಡಿಕೆಯು ಪ್ರಸ್ತುತ ಇರುವ ವಿದ್ಯುತ್ ಟ್ರ್ಯಾಕ್ಷನ್ ಮೂಲಸೌಕರ್ಯವನ್ನು ಬಲಪಡಿಸುತ್ತದೆ ಮತ್ತು ಹೆಚ್ಚುತ್ತಿರುವ ಪ್ರಯಾಣಿಕ ಹಾಗೂ ಸರಕು ಸಾಗಣೆ ಸಂಚಾರವನ್ನು ನಿಭಾಯಿಸಲು ಈ ವಿಭಾಗದ ಸಾಮರ್ಥ್ಯವನ್ನು ಸುಧಾರಿಸುತ್ತದೆ. ಮೇಲ್ದರ್ಜೆಗೇರಿಸಲಾದ ವ್ಯವಸ್ಥೆಯು ಕಾರ್ಯಾಚರಣೆಯ ದಕ್ಷತೆಯನ್ನು ಹೆಚ್ಚಿಸುವುದರ ಜೊತೆಗೆ, ಕಾರ್ಯತಂತ್ರದ ದೃಷ್ಟಿಯಿಂದ ಅತ್ಯಂತ ಪ್ರಮುಖವಾದ ಈ ಕಾರಿಡಾರ್‌ ನಲ್ಲಿ ರೈಲುಗಳ ವಿಶ್ವಾಸಾರ್ಹ ಕಾರ್ಯಾಚರಣೆಗೆ ಬೆಂಬಲ ನೀಡುತ್ತದೆ.

ಈ ಯೋಜನೆಯು ಪ್ರಮುಖ ಮೂಲಸೌಕರ್ಯವನ್ನು ಆಧುನೀಕರಿಸುವ ಮತ್ತು ಜಾಲದಾದ್ಯಂತ ಹೆಚ್ಚಿನ ದಟ್ಟಣೆಯ ಮಾರ್ಗಗಳಲ್ಲಿ ಸಾಮರ್ಥ್ಯವನ್ನು ಬಲಪಡಿಸುವ ಭಾರತೀಯ ರೈಲ್ವೆಯ ನಿರಂತರ ಪ್ರಯತ್ನಗಳಿಗೆ ಅನುಗುಣವಾಗಿದೆ. ಈ ಅನುಮೋದನೆಯು ನಿರ್ಣಾಯಕ ರೈಲ್ವೆ ಮೂಲಸೌಕರ್ಯವನ್ನು ಮೇಲ್ದರ್ಜೆಗೇರಿಸಲು, ಕಾರ್ಯಾಚರಣೆಯ ದಕ್ಷತೆಯನ್ನು ಸುಧಾರಿಸಲು ಮತ್ತು ಪ್ರಯಾಣಿಕರಿಗೆ ಹಾಗೂ ಸರಕು ಸಾಗಣೆ ಗ್ರಾಹಕರಿಗೆ ಆಧುನಿಕ, ವಿಶ್ವಾಸಾರ್ಹ ಮತ್ತು ಭವಿಷ್ಯಕ್ಕೆ ಸಿದ್ಧವಾಗಿರುವ ರೈಲ್ವೆ ಜಾಲವನ್ನು ಅಭಿವೃದ್ಧಿಪಡಿಸಲು ಭಾರತೀಯ ರೈಲ್ವೆ ಹೊಂದಿರುವ ನಿರಂತರ ಬದ್ಧತೆಯನ್ನು ಪ್ರತಿಬಿಂಬಿಸುತ್ತದೆ.

 

*****

(रिलीज़ आईडी: 2292089) आगंतुक पटल : 7