ریلوے کے بنیادی ڈھانچے کو مضبوط بنانے اور زیادہ گنجان راستوں پر صلاحیت بڑھانے کی سمت میں ایک اہم قدم کے طور پر، بھارتی ریلوے نے جنوبی وسطی ریلوے کے وادی-رائچور سیکشن پر الیکٹرک ٹریکشن سسٹم کو 1×25 کے وی سے 2×25 کے وی میں اپ گریڈ کرنے کے لیے 220 کروڑ روپے کے پروجیکٹ کو منظوری دی ہے۔ یہ پروجیکٹ 102 روٹ کلومیٹر (204 ٹریک کلومیٹر) ڈبل لائن سیکشن کا احاطہ کرتا ہے اور اہم ریل کوریڈورز پر ٹریکشن کے بنیادی ڈھانچے کو جدید بنانے کے بھارتی ریلوے کی جاری کوششوں کا حصہ ہے۔

اَپ گریڈ شدہ ٹریکشن سسٹم ٹریکشن کے بنیادی ڈھانچے کو مضبوط کرے گا اور ریلوے نیٹ ورک کے اہم حصوں میں سے ایک پر ٹریفک کی بڑھتی ہوئی ضروریات کو پورا کرے گا۔ وادی-رائچور سیکشن ممبئی-پونے-وادی-رائچور-گنٹاکل-کڈاپا-رینی گنٹا-چنئی کو جوڑنے والے ہائی ڈینسٹی نیٹ ورک (ایچ ڈی این) روٹ-7 کا حصہ ہے۔

2×25 کلو وولٹ الیکٹرک ٹریکشن سسٹم کو اپنانے سے موجودہ الیکٹرک ٹریکشن کا بنیادی ڈھانچہ مضبوط ہوگا اور بڑھتے ہوئے مسافروں اور مال برداری کی نقل و حمل کو سنبھالنے کے لیے سیکشن کی صلاحیت میں بہتری آئے گی۔ اَپ گریڈ شدہ سسٹم اس حکمتِ عملی کے مطابق اہم کوریڈور پر قابلِ بھروسا ٹرین آپریشنز کو سپورٹ کرتے ہوئے آپریشنل کارکردگی میں اضافہ کرے گا۔

یہ پروجیکٹ پورے نیٹ ورک میں زیادہ گنجان راستوں پر بنیادی ڈھانچے کو جدید بنانے اور صلاحیت کو مضبوط کرنے کے لیے بھارتی ریلوے کی جاری کوششوں سے ہم آہنگ ہے۔ یہ منظوری بھارتی ریلوے کے اہم ریلوے بنیادی ڈھانچے کو اَپ گریڈ کرنے، آپریشنل کارکردگی کو بہتر بنانے اور مسافروں اور مال برداری کے صارفین کے لیے یکساں طور پر ایک جدید، قابلِ بھروسا اور مستقبل کے لیے تیار ریلوے نیٹ ورک تیار کرنے کے عزم کی عکاسی کرتی ہے۔

***

(ش ح - ع ا)

U.No. 984

(रिलीज़ आईडी: 2292062) आगंतुक पटल : 11