آج لوک سبھا میں ایک سوال کا جواب دیتے ہوئے قبائلی امور کے مرکزی وزیر مملکت جناب درگا داس اویکے نے بتایا کہ وزارت میں اتراکھنڈ ، ہماچل پردیش اور اتر پردیش کی وان گجر برادریوں کی طرف سے درج فہرست قبائل اور دیگر روایتی جنگلاتی باشندوں (جنگلاتی حقوق کی شناخت) ایکٹ ، (ایف آر اے) 2006 کے تحت  حاصل حقوق سے متعلق امورپر موصول ہونے والی نمائندگی کا جائزہ لیا گیا ۔ چونکہ ایف آر اے کے نفاذ کی ذمہ داری ریاستی حکومتوں اور مرکز کے زیر انتظام علاقوں کی انتظامیہ کے پاس ہے ، اس لیے ان درخواستوں  کو متعلقہ ریاستی حکومتوں اور متعلقہ ضلعی انتظامیہ کو جانچ پڑتال اور ایف آر اے اور دیگر قابل اطلاق قوانین کی دفعات کے مطابق ضروری کارروائی کرنے کے لیے بھیج دیاگیا ہے ۔

قبائلی امور کی وزارت تمام ریاستی حکومتوں/مرکز کے زیر انتظام علاقوں کی انتظامیہ کو ایف آر اے میں موجود دفعات کی پابندی کرنے کی ترغیب دیتی رہی ہے ۔ ایف آر اے وغیرہ سے متعلق پیش رفت کا جائزہ لینے کے لیے ریاستی حکومتوں/مرکز کے زیر انتظام علاقوں کی انتظامیہ کے ساتھ باقاعدہ جائزہ میٹنگیں منعقد کی جاتی ہیں ۔ مزید برآں ، ایف آر اے کی دفعات کی خلاف ورزی سے متعلق وزارت میں موصول ہونے والی شکایات/نمائندگی متعلقہ ریاستوں/مرکز کے زیر انتظام علاقوں کو ارسال کی جاتی ہیں ، تاکہ یہ یقینی بنایا جا سکے کہ جائز دعویداروں کو ان کے جنگلاتی حقوق سے محروم نہ کیا جائے ۔

قبائلی امور کی وزارت نے ریاستوں/مرکز کے زیر انتظام علاقوں کو مشورہ دیا ہے کہ وہ ذیلی ڈویژنل سطح کی کمیٹی (ایس ڈی ایل سی)/ضلعی سطح کی کمیٹی (ڈی ایل سی) کے اراکین کی وقتا فوقتا تربیت کا اہتمام کریں اور ایف آر اے کے تحت مناسب کارروائی کی پابندی کو یقینی بنائیں ۔ تمام تربیتی ماڈیولز/پمفلٹ ریاستوں/مرکز کے زیر انتظام علاقوں کے ساتھ باقاعدگی سے شیئر کیے جاتے ہیں ۔ ریاستی حکومتوں/مرکز کے زیر انتظام علاقوں کی انتظامیہ کی طرف سے صلاحیت سازی اور تربیتی اقدامات کیے جا رہے ہیں ۔

******

ش ح۔ م ش ا  ۔ اش ق  

 (U: 933)