மதிப்புக்கூட்டப்பட்ட உணவுப் பதப்படுத்துதல் மற்றும் தாவர அடிப்படையிலான ஊட்டச்சத்தில் இந்தியாவின் தற்சார்புக்கான உறுதிப்பாட்டை வலுப்படுத்தும் வகையில், மத்திய அரசின் அறிவியல் மற்றும் தொழில்நுட்பத் துறையின்  கீழ் இயங்கும் தொழில்நுட்ப மேம்பாட்டு வாரியம், மத்தியப் பிரதேச மாநிலம் இந்தூரைச் சேர்ந்த சோனிக் பயோகெம் எக்ஸ்ட்ராக்சன்ஸ்  நிறுவனத்திற்கு நிதியுதவி வழங்கியுள்ளது.

“செயல்பாட்டு மற்றும் அமைக்கப்பட்ட சோயா புரதச் செறிவுகளின் உருவாக்கம் மற்றும் வர்த்தகமயமாக்கல்” என்ற திட்டத்திற்காக இந்த உதவி வழங்கப்பட்டுள்ளது. இந்நிறுவனத்தால் உள்நாட்டிலேயே உருவாக்கப்பட்ட தொழில்நுட்பத்தைப் பயன்படுத்தி, செயல்பாட்டு சோயா புரதச் செறிவு  மற்றும் அமைக்கப்பட்ட சோயா புரதச் செறிவு  ஆகியவற்றின் வணிகரீதியான உற்பத்திக்கான ஒரு அதிநவீன உற்பத்தி மையத்தை அமைப்பதே இத்திட்டத்தின் நோக்கமாகும்.

ஆரோக்கியமான, நிலையான மற்றும் தூய்மையான உணவுப் பொருட்களுக்கான நுகர்வோரின் விருப்பம் அதிகரித்து வருவதன் காரணமாக, உயர்தர மற்றும் மரபணு மாற்றப்படாத  தாவர அடிப்படையிலான புரதப் பொருட்களுக்கு உலகளவில் வளர்ந்து வரும் தேவையை இந்த முயற்சி பூர்த்தி செய்கிறது.

மரபணு மாற்றப்படாத சோயா உணவுப் பொருட்களை தயாரிப்பதிலும் ஏற்றுமதி செய்வதிலும் 20 ஆண்டுகளுக்கும் மேலான அனுபவத்தைக் கொண்டுள்ள சோனிக் பயோகெம் நிறுவனம், சோயா புரதச் செறிவை முதன்மை மூலப்பொருளாகப் ஒரு உள்நாட்டு செயல்முறையை உருவாக்கியுள்ளது.

மேலும் விவரங்களுக்கு இந்த ஆங்கிலச் செய்திக்குறிப்பைக் காணவும் https://www.pib.gov.in/PressReleasePage.aspx?PRID=2291532&reg=3&lang=1

***

TV/PKV/SH

 

(रिलीज़ आईडी: 2291644) आगंतुक पटल : 7