కేంద్ర ప్రభుత్వ గనుల శాఖ కార్యదర్శిగా శ్రీ కేశవ్ చంద్ర, ఐఏఎస్ (1995: ఏజీఎమ్‌యూటీ) ఈ రోజు పదవీ బాధ్యతలు స్వీకరించారు.

వెంటనే మంత్రిత్వ శాఖ సీనియర్ అధికారులతో ఆయన సమావేశమయ్యారు. మంత్రిత్వశాఖ కీలక కార్యక్రమాలతో పాటు కార్యకలాపాలను ఈ సందర్భంగా సమీక్షించారు.

మంత్రిత్వ శాఖకు చెందిన వివిధ ప్రధాన కార్యక్రమాల గురించి సీనియర్ అధికారులు ఈ సమావేశంలో కార్యదర్శికి తెలియజేశారు. ఖనిజాన్వేషణ, ఖనిజ బ్లాకుల వేలం, ఆ బ్లాకుల నిర్వహణ, కీలక ఖనిజాలు, వ్యూహాత్మక ఖనిజాలు, గనుల తవ్వకం, ఖనిజ రంగానికి సంబంధించిన ఇతర రంగాలను గురించి వారు ఆయనకు వివరించారు.

భారత ఖనిజ రంగాన్ని పటిష్ఠపరచడానికి మంత్రిత్వ శాఖకు చెందిన కీలక కార్యక్రమాలను సమన్వయంతోనూ, ప్రభావవంతంగానూ అమలు చేయడానికి ప్రాధాన్యాన్ని ఇవ్వాలని గనుల శాఖ నూతన కార్యదర్శి స్పష్టం చేశారు.

***