প্রধানমন্ত্রীগী লোইশঙ
প্রধান মন্ত্রীনা জুলাই ২৬তা ভিক্সিত ভাইব্রেন্ত ভিলেজ প্রোগ্রাম ২০২৬কী শরুক য়ারিবশিংগা ৱারী শানগনি
রাজ্য অমসুং য়ুনিয়ন তেরিতোরী খুদিংমক্কী মহুৎ শিন্দুনা নহা ওইরিবা শরুক য়ারিবা মীওই ৪০০ হেন্না লৈবাক শীনবা থুংনা চৎথবা ওনলাইন ক্বিজ কম্পিতিসনগী খুত্থাংদা ভিক্সিত ভাইব্রান্ত ভিলেজ প্রোগ্রাম ২০২৬গীদমক খনগৎখ্রে
লদাখ, হিমাচল প্রদেশ অমসুং উত্তরাখন্দগী ভাইব্রেন্ত বোর্দর ভিলেজ ৭৪গা নহারোলশিংগা শম্নহন্দুনা ভিক্সিত ভাইব্রেন্ত ভিলেজ প্রোগ্রাম ২০২৬ অসি জুন ৪দগী জুন ৩০ ফাওবা পাংথোকখ্রে
প্রোগ্রাম অসিনা শরুক য়ারিবশিংদা ভারতকী ঙমখৈগী লমদমশিংগী সোসিও-ইকোনোমিক লেন্দস্কেপ, কলচরেল হেরিতেজ অমসুং দিবেলপমেন্তকী এস্পিরেসনশিংগা হকথেংননা খংননবা খুদোংচাবা পীখ্রে
प्रविष्टि तिथि:
25 JUL 2026 11:10AM by PIB Imphal
প্রধান মন্ত্রী শ্রী নরেন্দ্র মোদীনা ২০২৬গী জুলাই ২৬গী নুংথিল পুং ৪:৩০ তাবদা ভিদিও কনফরেন্সিংগী খুত্থাংদা ভিক্সিত ভাইব্রান্ত ভিলেজ প্রোগ্রাম ২০২৬গী শরুক য়ারিবশিংগা ৱারী শানগনি।
মাই ভারতকী খুত্থাংদা ইমপ্লিমেন্ত তৌরিবা ভিক্সিত ভাইব্রেন্ত ভিলেজ প্রোগ্রাম অসি, ভারতকী ঙমখৈদা লৈবা খুঙ্গংশিংবু লৈবাক অসিগী অহানবা খুঙ্গংশিং ওইনা লৌনবা অমসুং মখোয়বু ভিক্সিত ভারতকী মায়কৈদা চংশিল্লিবা খোঙচৎ অসিদা এক্তিব পার্তনর ওইহন্নবা প্রধান মন্ত্রীগী মঙলান অদু মঙফাওনহন্নবা হৌদোকখিবনি।
ভিক্সিত ভাইব্রেন্ত ভিলেজ প্রোগ্রাম ২০২৬ অসি জুন ৪দগী জুন ৩০, ২০২৬ ফাওবা ফেজ অনি থোক্না লদাখ, হিমাচল প্রদেশ অমসুং উত্তরাখন্দগী ভাইব্রেন্ত ভিলেজ ৭৪দা পাংথোকখি। রাজ্য অমসুং য়ুনিয়ন তেরিতোরী খুদিংমক্কী মহুৎ শিন্দুনা নহাশিংগী শরুক য়ারিবা মীওই ৪০০ হেন্না লৈবাক শিনবা থুংনা পাংথোকপা ওনলাইন ক্বিজ কম্পিতিসনগী খুত্থাংদা খনখি।
প্রোগ্রাম অসিগী শরুক অমা ওইনা, শরুক য়ারিবশিংনা মফম অদুগী মীয়ামগা লোয়ননা লৈমিন্নখি অমসুং স্বচ্ছতা দ্রাইব, সরকারগী স্কিমশিংগী মতাংদা এৱেরনেস কেম্পেন, য়ুভা সম্মেলন, কলচরেল একচেঞ্জ প্রোগ্রাম, ত্রী প্লান্তেসন দ্রাইব, মিনি মোদেল পঞ্চায়ত সিমুলেসনশিংদা শরুক য়াখি, লোকেল আর্তিসানশিংগা ৱারী শানখি অমসুং স্ত্রেতেজিক ওইবা মরুওইবা ইন্সতিত্যুসনশিংদা চৎখি। প্রোগ্রাম অসিনা শরুক য়ারিবশিংদা ভারতকী ঙমখৈগী লমদমশিংগী সোসিও-ইকোনোমিক লেন্দস্কেপ, কলচরেল হেরিতেজ অমসুং দিবেলপমেন্তেল এস্পিরেসনশিংগা লোয়ননা কম্ম্যুনিতী পার্তিসিপেসন, নেস্নেল ইন্তিগ্রেসন অমসুং ঙমখৈগী খুঙ্গংশিংগী স্ত্রেতেজিক ইন্তিগ্রেসনগী মতাংদা হেন্না হকথেংননা খঙবা ঙমহনখি।
***
(रिलीज़ आईडी: 2289442)
आगंतुक पटल : 11
इस विज्ञप्ति को इन भाषाओं में पढ़ें:
Telugu
,
Malayalam
,
Marathi
,
Bengali
,
Assamese
,
Odia
,
English
,
Urdu
,
हिन्दी
,
Gujarati
,
Tamil
,
Kannada