طبی تحقیق کے محکمے (ڈی ایچ آر)کی بجٹی تخصیص  جی ڈی پی کے 0.012 فیصد کے بقدر ہے۔ تاہم، حالیہ برسوں میں حکومت نے تحقیق کو مزید مسابقتی اور قابل رسائی بنانے کی غرض سے نئے پروگراموں/ پہل قدمیوں کے ساتھ طبی تحقیق کے بجٹ میں اضافہ کیا ہے۔ ڈی ایچ آر کے لیے بجٹی تخصیص  میں پانچ گنا اضافہ کیا گیا ہے- یعنی جو بجٹ 2014-15 (آر ای) میں 932.00 کروڑ روپے کے بقدر تھا وہ 2026-27 میں بڑھ کر 4821.21 کروڑ روپے کے بقدر ہوگیا۔ سال 2025-26 کے لیے نظر ثانی شدہ تخمینے (3900.69) کے مقابلے میں 2026-27 میں بجٹی تخصیص میں تقریباً 24 فیصد اضافہ رونما ہوا ہے، جس سے ملک میں طبی تحقیق کے لیے مرکزی حکومت کی مضبوط عہد بستگی کا اشارہ ملتا ہے۔

حکومت نے طبی تحقیق کے فنڈنگ فریم ورک کے دائرہ کار کو وسیع اور مضبوط بنانے کے لیے اقدامات کیے ہیں۔ انڈین کونسل آف میڈیکل ریسرچ (آئی سی ایم آر) نے اپنے انٹرا میورل اور ایکسٹرا میورل گرانٹ آرکیٹیکچر کو معقول اور وسیع کیا ہے تاکہ مالیاتی امداد کو کسی بھی تحقیقی تجویز کے پیمانے، پختگی، خطرے اور عملی منتقلی کے مطابق ترتیب دیا جا سکے۔ آئی سی ایم آر نے ابتدائی ریسرچ گرانٹس سے حاصل ہونے والے نتائج اور کامیابیوں کو آگے بڑھانے کے لیے نئی 'فالو اپ گرانٹس'  کا آغاز کیا ہے۔ اس کی تفصیلات باقاعدگی سے آئی سی ایم آر کے 'ای پی ایم ایس' پورٹل پر شائع کی جاتی ہیں۔

موجودہ ڈھانچے میں 2 کروڑ روپے تک کی چھوٹی یا 'انویشن' گرانٹس، 2 کروڑ سے 8 کروڑ روپے تک کی درمیانی یا 'نِشچائیک انویشن' گرانٹس، 8 کروڑ روپے تک کے مرحلہ وار تعاون پر مشتمل 'فرسٹ ان دی ورلڈ چیلنج'، اور 15 کروڑ روپے تک کی امداد کے حامل 'سینٹرز فار ایڈوانسڈ ریسرچ' شامل ہیں۔ یہ ذرائع محققین کی جانب سے شروع کی گئی تحقیق، تصور کی توثیق کے مطالعے، طبی مداخلتوں کی تصدیق، بڑا خطرہ اور اعلیٰ منافع والی ایجادات، کثیر الشعبہ تحقیق اور اعلیٰ تحقیقی پروگراموں کو مالی مدد فراہم کرتے ہیں۔

صحت و خاندانی بہبود کے مرکزی وزیر مملکت جناب پرتاپ راؤ جادھو نے آج لوک سبھا میں ایک تحریری جواب میں بتایا۔

**********

 

(ش ح –ا ب ن)

U.No:521

(रिलीज़ आईडी: 2289107) आगंतुक पटल : 5