சமீபத்தில் மேற்கொள்ளப்பட்ட 6-வது தேசிய குடும்ப சுகாதாரக் கணக்கெடுப்பின் (NFHS-6: 2023-24) முக்கியக் கண்டுபிடிப்புகள் குறித்து மத்திய அரசு மக்களவையில் தெரிவித்துள்ள விவரங்கள்:

மருத்துவமனைப் பிரசவங்கள் 88.6%-லிருந்து 90.6% ஆக உயர்ந்துள்ளன. முழுமையான தடுப்பூசி செலுத்திய குழந்தைகளின் எண்ணிக்கை 83.8%-லிருந்து 87.1% ஆக அதிகரித்துள்ளது. குறிப்பாக, 'ரோட்டாவைரஸ்' தடுப்பூசி பயன்பாடு 36.4%-லிருந்து 85.4% ஆக இருமடங்கு உயர்ந்துள்ளது.

நாட்டின் மொத்தக் கருவுறுதல் விகிதம் (TFR) தொடர்ந்து 2.0 என்ற அளவிலேயே நிலைப்புடன் பராமரிக்கப்படுகிறது. இது மாற்று நிலையை விட (2.1) குறைவாகும்.

5 வயதிற்குட்பட்ட குழந்தைகளிடையே வளர்ச்சிப் பாதிப்பு (Stunting) 35.5%-லிருந்து 29.3% ஆகக் குறைந்துள்ளது. 15-49 வயதுடைய ஆண்களில் 27.3% பேரும், பெண்களில் 30.7% பேரும் உடல் பருமனால் பாதிக்கப்பட்டுள்ளனர். இரத்தச் சர்க்கரை அளவு (High Blood Sugar) பெண்களிடம் 17.8% ஆகவும், ஆண்களிடம் 20.9% ஆகவும் அதிகரித்துள்ளது.

உயர் இரத்த அழுத்தப் (Hypertension) பாதிப்பு பெண்களிடம் 19.4% ஆகவும், ஆண்களிடம் 22.1% ஆகவும் சரிந்துள்ளது. தமிழ்நாட்டின் சுகாதாரக் கட்டமைப்பின் தொடர் பங்களிப்பால், இத்தகைய தாய்-சேய் நலக் குறியீடுகள் தேசிய சராசரியை விடத் தென் மாநிலங்களில் சீரான முன்னேற்றத்தைக் காட்டியுள்ளன.

இத்தகவலைச் சுகாதார மற்றும் குடும்ப நலத் துறை இணையமைச்சர் திரு. பிரதாப்ராவ் ஜாதவ் எழுத்துப்பூர்வமாகத் தெரிவித்துள்ளார்.

 

மேலும் விவரங்களுக்கு இந்த ஆங்கிலச் செய்திக்குறிப்பைக் காணவும்: https://www.pib.gov.in/PressReleasePage.aspx?PRID=2288850&reg=48&lang=1

****

TV/NB/SH

(रिलीज़ आईडी: 2289091) आगंतुक पटल : 13