مرگاؤ، کنکولم اور پناجی شہروں کے جائیداد مالکان کے لیے خوشخبری ہے، کیونکہ محکمۂ اراضی وسائل (ڈی ایل آر) کا شہری نقشہ سازی کا اہم پائلٹ منصوبہ 'نقشہ'اپنے اگلے اہم مرحلے میں داخل ہو رہا ہے۔ جائیداد کی حدود اور زمین کی ملکیت سے متعلق گمراہ کن افواہوں کے باوجود مصدقہ حقائق سے واضح ہوتا ہے کہ یہ منصوبہ ڈجیٹل انڈیا لینڈ ریکارڈز ماڈرنائزیشن پروگرام (ڈی آئی ایل آر ایم پی) کے تحت متعارف کرائے گئے شہری دوست ڈجیٹل گورننس پروگراموں میں سے ایک ہے۔ شہری علاقوں کی نقشہ سازی میں انتہائی درستگی لا کر، 'نقشہ' منصوبہ حدود سے متعلق ابہام کو ختم کرنے اور مقامی زمین مالکان کو طویل مدتی تحفظ فراہم کرنے کے لیے تیار ہے۔

اس جدید جی آئی ایساور ڈرون پر مبنی نقشہ سازی کے نظام کا سب سے بڑا فائدہ یہ ہے کہ یہ شہریوں کو مستقبل میں زمین کی حدود سے متعلق تنازعات سے محفوظ رکھنے میں مدد دیتا ہے۔ گراؤنڈ ٹروتھنگ(جی ٹی) کے عمل کے ذریعے الیکٹرانک نقشوں کا زمینی حقائق سے موازنہ اور تصدیق کی جاتی ہے، تاکہ زمین کی اصل حدود سرکاری ریکارڈ سے مکمل طور پر مطابقت رکھیں۔ اس سے مستقبل میں تنازعات کے امکانات نمایاں طور پر کم ہو جاتے ہیں، شہریوں کو ذہنی اطمینان حاصل ہوتا ہے اور مقامی بلدیاتی اداروں کو محلوں کے لیے بہتر عوامی سہولیات اور بنیادی ڈھانچے کی منصوبہ بندی میں مدد ملتی ہے۔

اس منصوبے میں عوامی تصدیق کے ایسے مراحل شامل کیے گئے ہیں جو خاص طور پر ان مالکان کے حقوق کے تحفظ کے لیے بنائے گئے ہیں جو سروے کے وقت موجود نہ ہوں۔ اس لیے سروے کے دوران جسمانی طور پر غیر حاضر رہنے سے کسی شخص کی قانونی ملکیت پر کوئی اثر نہیں پڑے گا۔

16 جولائی سے 14 اگست 2026 تک انسپکٹر آف سروے اینڈ لینڈ ریکارڈز (آئی ایس ایل آر) کے دفتر، اوسیا کمرشل آرکیڈ، ایس جی پی ڈی اے مارکیٹ، مرگاؤ میں باضابطہ جانچ اور تصدیق کا عمل جاری رہے گا۔ یہ مقامی شہریوں کے لیے ایک بہترین موقع ہے کہ وہ اپنی ملکیت سے متعلق دستاویزات پیش کریں اور انہیں درست طریقے سے ڈجیٹل ریکارڈ کا حصہ بنائیں۔ اس کے لیے کسی تکنیکی مہارت کی ضرورت نہیں، کیونکہ سروے کے اہلکار ہر مرحلے پر رہنمائی فراہم کریں گے۔ آئیے افواہوں کو مسترد کریں، شفافیت کو اپنائیں اور مل کر گوا کے شہری علاقوں کو آنے والی نسلوں کے لیے مزید محفوظ بنائیں۔

 

******

UR- 435

ش ح۔ ظ الف – ر ض

 

(रिलीज़ आईडी: 2289071) आगंतुक पटल : 5