ہاؤسنگ و شہری امور کے وزیر مملکت  جناب توکھن ساہو نے آج لوک سبھا میں ایک تحریری جواب کے دوران بتایا کہ   ہاؤسنگ و شہری امور کی وزارت نے 15 اپریل 2026ء کو شہری چیلنج فنڈ (یو سی ایف) کے نفاذ کے لیے رہنما خطوط جاری کیے ہیں۔ اس اسکیم کی ہدایت نامہ عوامی ڈومین میں دستیاب ہے اور اسے درج ذیل لنک پر دیکھا جا سکتا ہے:

https://www.mohua.gov.in/static/uploads/2026/04/7950afb9b2d5cb773ba3d6c64bde9726.pdf

شہری ترقی میں ایک انقلابی تبدیلی لانے کے مقصد سے یو سی ایف کا آغاز کیا گیا تھا، تاکہ شہروں کو مارکیٹ پر مبنی مالی اعانت اور مربوط علاقائی ترقی کی طرف پیش قدمی کی ترغیب دی جا سکے۔ اس فنڈ کا مقصد ہدف شدہ اصلاحات، ادارہ جاتی صلاحیت کو مضبوط بنانے، گورننس اور منصوبہ بندی کے فریم ورک کو بہتر بنانے اور مسلسل آمدنی پیدا کرنے والے شہری بنیادی ڈھانچے کی ترقی کے ذریعے شہروں کو ایک قابلِ اعتماد اور سرمایہ کاری کے قابل اثاثہ جات کی زمرہ بندی میں قائم کرنا ہے۔

یو سی ایف کے تحت، نجی شعبے کی شمولیت متعلقہ ریاستوں/ وفاقی علاقوں (یو ٹی) کی حکومتوں اور شہری مقامی اداروں (یو ایل بی) کے ذریعے کنٹرول ہوتی ہے۔ رہنما خطوط کے مطابق، اس فنڈ کے تحت منصوبوں کا نفاذ ریاست/ وفاقی علاقہ جات کی حکومت کی طرف سے منظور شدہ نجی اداروں کے ذریعے کیا جا سکتا ہے۔ اس کے ساتھ ہی، شہری مقامی ادارے اپنے انتظامی دائرہ اختیار میں بڑے پیمانے پر ترقیاتی منصوبوں میں رہائش، بنیادی ڈھانچے (انفراسٹرکچر) اور آپریشنز و دیکھ بھال کے مربوط انتظام کے لیے نجی اداروں کو "خصوصی مقصد والے شہری بنیادی ڈھانچے کے منتظم (ایس پی یو آئی ایم)" کے طور پر نامزد کر سکتے ہیں۔

یو سی ایف کے عملی رہنما خطوط کے آغاز کے بعد سے، مرکزی حکومت ریاستوں اور وفاقی علاقوں کے ساتھ فعال طور پر رابطے میں ہے۔ اس سلسلے میں، ہاؤسنگ  و شہری امور کے وزیر نے 25 اپریل 2026ء کو نئی دہلی میں ریاستوں اور وفاقی علاقوں کے شہری ترقی کے شعبوں کے انچارج وزراء کے ساتھ ایک حکمتِ عملی اجلاس منعقد کیا۔ اس گفتگو کا بنیادی موضوع ریاستوں اور وفاقی علاقوں کو اس فنڈ کے تحت مختص کیے گئے  ایک لاکھ کروڑ روپے کی مرکزی امداد کے موثر استعمال میں مدد فراہم کرنا تھا۔

۔۔۔۔۔۔۔۔۔۔۔

ش ح۔م م ع۔ن م۔

U-494

                          

(रिलीज़ आईडी: 2288788) आगंतुक पटल : 5