শিপ্পিং মন্ত্রালয়
ভারত, পনামানা লোজিস্তিক্স, দিজিতেল ইনোভেসন অমসুং গ্লোবেল কন্নেক্তিবিতীদা য়ুম্ফম ওইবা অনৌব মেরিতাইম পার্ত্নরসিপ শেম্লে
प्रविष्टि तिथि:
22 JUL 2026 8:38PM by PIB Imphal
- ভারত অমসুং পনামানা মেরিতাইম সিক্যুরিতী, লোজিস্তিক্স, স্কিল্লিং অমসুং দিজিতেল ত্রান্সফোর্মেসনবু নাকল অনিগী তেংবাংনবগী মরীগী মরুওইবা য়ুম্বীশিং ওইনা শকখঙলি।
- পনামা অসি লেতিন অমেরিকাগী স্ত্রেতেজিক গেতৱে অমনি, ভারতনা সিপ্পিং, হিথাংফম অমসুং মেরিতাইম ইনফ্রাস্ত্রকচরগী লমদা হেন্না চেৎনা খুৎশম্ননা চৎমিন্নবা পাম্লি।
পোর্ত, সিপ্পিং অমসুং ৱাতরৱেজ (MoPSW) কী কেন্দ্র মন্ত্রী, সর্বনন্দ সোনোৱালনা পনামাগী ফোরেন এফ্যার্স মন্ত্রী জেবিয়র মার্তিনেজ-এচা ভাস্কুএজকা নাকল অনিমক্না লোজিস্তিক্স, সিপ্পিং, মেরিতাইম সিক্যুরিতী, স্কিল দিভেলপমেন্ত অমসুং দিজিতেল ত্রান্সফোর্মেসনশিংনা পাকথোক চাউথোরক্লিবা স্ত্রেতেজিক পার্ত্নরসিপকী মরুওইবা য়ুম্বীশিংনি হায়বা শকখঙলদুনা লৈবাক অনিগী মরক্তা মেরিতাইমগী তেংবাংনবগী মরী হেন্না চেৎশিলহন্নবা নাকল অনিগী ওইবা ৱারী শানখ্রে।
“ভারত অমসুং পনামা মহৌশাগী মেরিতাইম খোঙবুনি। পনামাগী স্ত্রেতেজিক লোজিস্তিক্সকী মপাঙ্গলগা ভারতকী মপাঙ্গল কনখৎলক্লিবা মেরিতাইমগী মতিংগা পুনশিল্লগা, ঐখোয়না রেজিলিএন্ত ওইবা সপ্লাই চেন শেমগৎপা, গ্লোবেল কন্নেক্তিবিতীী মপাঙ্গল কনখৎহনবা অমসুং ত্রেদ, ইনভেস্তমেন্ত, ইনোভেসন অমসুং সস্তেনেবল গ্রোথকী অনৌবা খুদোংচাবশিং শেমগৎপা ঙমগনি। ঐখোয়গী মান্নবা মঙলান্দি খোঙবু অসিবু ভারতনা লেতিন অমেরিকা অমসুং কেরিবিয়নগা লৈনরিবা মরীগী মরুওইবা য়ুম্বীশিংগী অমনি,” হায়না পোর্ত, সিপ্পিং অমসুং ৱেতরৱেজকী কেন্দ্র মন্ত্রী সর্বনন্দ সোনোৱালনা হায়খি।
খন্ন-নৈনখিবা অদুদা ১৯শুবা চহিচাদগী লৈরক্লিবা ভারত অমসুং পনামাগী মেরিতাইম মরীবু হেন্না চেৎশিনহনখি, অমসুং নাকল অনিগী মরীবু হেন্না মপাঙ্গল কনখৎহনবদা ভারতকী দাইস্পোরানা লৌরিবা মরুওইবা থৌদাংশিংবু শকখঙখি। ভারতনা মালেমগী হিথাংফমগী লুচিংবা ওইরকপা অমসুং পনামানা মালেমগী খ্বায়দগী মাঙজিল থাবা মেরিতাইম লোজিস্তিক্স হব ওইবগা লোয়ননা, লৈবাক অনিমক্না হেন্না নকশিন্ননা থবক তৌমিন্নবা অমসুং খ্বায়দগী ফবা থৌওংশিং তাথোক তাশিন তৌমিন্নবনা অমেরিকা শিনবা থুংনা ত্রেদ, কন্নেক্তিবিতী অমসুং ইনভেস্তমেন্তকী অনৌবা খুদোংচাবশিং পুরক্কনি হায়বা য়ানখি।
মীফম অদুদা, মন্ত্রী জেবিয়র মার্তিনেজ-এচা ভাস্কুএজনা মেরিতাইম সিক্যুরিতী, ভারতকী দিরেক্তোরেত জেনেরেল ওফ সিপ্পিং অমসুং পনামা মেরিতাইম ওথোরিতীগী মরক্তা তেক্নিকেল ওইবা মরী শাগৎপা, মেরিতাইম এজুকেসন অমসুং স্কিল্লিং, অমসুং আর্তিফিসিএল ইন্তলিজেন্স, স্মার্ত পোর্ত লোজিস্তিক্স অমসুং মেরিতাইম সিঙ্গল-ৱিন্দো সিস্তেমশিং য়াওনা দিজিতেল মেরিতাইম ত্রান্সফোর্মেসনগী লমদা তুংদা মীৎয়েঙ থমদুনা তেংবাংনবা হায়রিবা মরুওইবা লম মরিবু লৈবাক অনিগী মরক্তা মেরিতাইমগী লমদা তেংবাংনবগী থৌওং পাকথোক চাউথোকহন্নবা লম্বী ওইনা য়াৎখি।
মন্ত্রী সোনোৱালনা পোর্ত, সিপ্পিং, ইনলেন্দ ৱাতরৱেজ, লোজিস্তিক্স, সিপবিল্দিং, ক্রুজ তুরিজম অমসুং গ্রীন মেরিতাইম থৌশিলশিংদা লেপ্পা লৈতনা শেল থাদদুনা প্রধান মন্ত্রী নরেন্দ্র মোদীগী লুচিং মখাদা ভারতনা খোঙলৈ থুনা অওনবা পুরক্লিবশিং থমখি। মহাক্না পনামা অসি সেন্ত্রেল অমেরিকা, লেতিন অমেরিকা অমসুং কেরিবিয়নদা ভারতকী মহৌশাগী গেতৱেনি হায়রদুনা, সিপ্পিং কন্নেক্তিবিতী ফগৎহন্নবা, লোজিস্তিক্স পার্ত্নরসিপ মরা চেৎশিলহন্নবা অমসুং নাকল অনিগী ত্রেদকী মতিং লোকশিন্নবা ইন্সতিত্যুস্নেল কোওপরেসন খোঙজেল য়াঙ্খৎহন্নবা ৱাফম থমখি।
“প্রধান মন্ত্রী শ্রী নরেন্দ্র মোদীগী মীৎয়েঙ শানবা লুচিং মখাদা, ভারতকী মেরিতাইম সেক্তরতা মালেমগী থাক্কী ইনফ্রাস্ত্রকচর, মতমগা চুনবা লোজিস্তিক্স, গ্রীন সিপ্পিং অমসুং দিজিতেল ইনোভেসন্না থৌদুনা অওনবা খোঙচৎ অমদা চঙশিল্লি। ঐখোয়গী মঙলান্দি হিথাংফমশিংখক্তা শাবা নত্তে, শেন্মিৎলোন শেমগৎপা অমসুং অনিমক্কী নুংঙাই য়াইফমিন্ননবা খোঙবু শেমগৎপনি। পনামানা মাগী স্ত্রেতেজিক মেরিতাইম মপাঙ্গলগা লোয়ননা, খোঙচৎ অসিদা মহৌশাগী ওইবা খোঙবু অমনি, অমসুং ঐখোয় পুন্না হেন্না রেজিলিএন্ত ওইবা, মতিং লৈবা অমসুং তুংলমচৎকীদমক শেম শারবা গ্লোবেল মেরিতাইম ইকোসিস্তেম অমা শেমগৎপা ঙমগনি,” হায়না সর্বনন্দ সোনোৱালনা হায়খি।
সিপ রিসাইক্লিংগী লমদা তেংবাংনবা হেনগৎহন্নবা, সমুদ্রদা চৎলিবশিংগী য়াইফ-থৌরাং মপাঙ্গল কনখৎহন্নবা, অমসুং পোর্ত মোদর্নাইজেসন, ৱ্যারহাউজিং, দিজিতেল ইনোভেসন অমসুং মেরিতাইম ইনফ্রাস্ত্রকচরগী লমদা তেংবাংননবা মেরিতাইম ত্রান্সপোর্তেসন অমসুং পোর্ত দিভেলপমেন্তকী নাকল অনিগী ওইবা য়ানচে অমগী মতাঙদা খন্ন-নৈনবগী খোঙজেল য়াঙ্খৎহন্নবা ৱাফমসু হৌদোকখি। নাকল অনিনা হেন্না মপাঙ্গল কনবা ইন্সতিত্যুস্নেল পার্ত্নরসিপকী খুত্থাঙদা মখশ তানা খন্ন-নৈননবা য়ানখিবগা লোয়ননা, মন্ত্রী সোনোৱালনা পনামাগী মেরিতাইম এফ্যার্স মন্ত্রীবু নই দিল্লীদা পাঙথোক্কদবা ইন্দিয়া মেরিতাইম ৱীক ২০২৬ তা শরুক য়াননবা পাউজেল পীরমখি।
***
(रिलीज़ आईडी: 2288390)
आगंतुक पटल : 3