مرکزی اور ریاستی حکومتوں کے درمیان تال میل، عمل درآمد میں حائل رکاوٹوں کو دور کرنے، وقتاً فوقتاً نگرانی اور جائزہ لینے وغیرہ کے لیے قومی سطح پر "پالیسی عمل درآمد اور نگرانی کمیٹی" قائم کی گئی ہے۔ اس کمیٹی کا پہلا اجلاس 09 جون 2026 کو منعقد ہوا، جس میں مرکزی وزارتوں اور محکموں، قومی فیڈریشنوں، قومی کوآپریٹو سوسائٹیوں، ریاستی حکومتوں کے نمائندوں اور سینئر افسران نے شرکت کی۔ اجلاس میں بتایا گیا کہ قومی تعاون پالیسی 2025 پر پوری حکومت کے نقطۂ نظر اور تعاونی وفاقیت کے جذبے کے تحت عمل درآمد کیا جا رہا ہے۔

قومی تعاون پالیسی 2025 میں پالیسی پر عمل درآمد کی نگرانی کے لیے درج ذیل ادارہ جاتی نظام تجویز کیا گیا ہے:

9.5.1 مرکزی وزیر تعاون کی سربراہی میں "قومی تعاون پالیسی اسٹیئرنگ کمیٹی" تشکیل دی جائے گی، جو مجموعی رہنمائی، بین وزارتی رابطہ، پالیسی کا وقتاً فوقتاً جائزہ اور دیگر امور کی ذمہ دار ہوگی۔ اس کمیٹی میں متعلقہ مرکزی وزارتوں کے وزراء کو بھی رکن کے طور پر شامل کیا جا سکتا ہے۔

9.5.2 مرکزی سکریٹری برائے تعاون کی سربراہی میں قومی سطح پر "پالیسی عمل درآمد اور نگرانی کمیٹی" قائم کی جائے گی، جو مرکز اور ریاستوں کے درمیان تال میل، عمل درآمد میں درپیش رکاوٹوں کے ازالے، وقتاً فوقتاً نگرانی اور جائزہ لینے جیسے امور انجام دے گی۔ اس میں حکومت ہند کی متعلقہ وزارتوں کے سکریٹری، تمام ریاستوں اور مرکز کے زیر انتظام علاقوں کے محکمہ تعاون کے سکریٹری، پرنسپل سکریٹری یا ایڈیشنل چیف سکریٹری، نیتی آیوگ کا ایک نمائندہ، اور قومی کوآپریٹو فیڈریشنوں، یونینوں اور سوسائٹیوں، نابارڈ، این ڈی ڈی بی، این سی ڈی سی، این ایف ڈی بی، این سی سی ٹی، وامنیکوم وغیرہ کے چیئرمین یا منیجنگ ڈائریکٹر شامل ہو سکتے ہیں۔

مذکورہ بالا دونوں کمیٹیاں تشکیل دی جا چکی ہیں۔

قومی تعاون پالیسی، 2025، کوآپریٹو شعبے کی منظم اور ہمہ جہت ترقی کے لیے ایک واضح روڈ میپ فراہم کرتی ہے۔ اس پالیسی میں 6 اسٹریٹجک ستون، 16 مقاصد اور 83 سفارشات شامل ہیں۔ اس میں آئندہ 10 برسوں کے لیے ایک وژن، ایک مشن اور 16 مخصوص اہداف طے کیے گئے ہیں۔

وزارت تعاون نے ریاستوں اور مرکز کے زیر انتظام علاقوں کے تعاون سے ایک جامع قومی کوآپریٹو ڈیٹا بیس تیار کیا ہے۔ یہ ڈیٹا بیس ملک کے 30 اقتصادی شعبوں میں سرگرم 8.5 لاکھ سے زائد کوآپریٹو سوسائٹیوں اور ان کے تقریباً 30 کروڑ اراکین سے متعلق معلومات ایک ہی پلیٹ فارم پر فراہم کرتا ہے۔

ریاستوں اور مرکز کے زیر انتظام علاقوں کی جانب سے مقرر کردہ نوڈل افسران قومی کوآپریٹو ڈیٹا بیس پورٹل پر کوآپریٹو سوسائٹیوں کا ڈیٹا باقاعدگی سے جمع اور تازہ کرتے ہیں۔ ملک بھر میں ریاست وار کوآپریٹو سوسائٹیوں کی تفصیلات ضمیمہ-الف میں دی گئی ہیں۔

قومی کوآپریٹو ڈیٹا بیس نہ صرف نئی پالیسیوں کی تشکیل میں بلکہ ان پر مؤثر عمل درآمد میں بھی اہم کردار ادا کرتا ہے۔ یہ ڈیٹا بیس کوآپریٹو اداروں کی جغرافیائی رسائی، مالی کارکردگی اور دیگر اہم پہلوؤں سے متعلق معلومات فراہم کرتا ہے، جس سے پالیسی سفارشات پر بہتر انداز میں عمل کیا جا سکتا ہے۔

اس کے علاوہ یہ ڈیٹا بیس ان علاقوں میں، جہاں کوآپریٹو اداروں کی کمی یا عدم موجودگی ہے، نئی پرائمری ایگریکلچرل کریڈٹ سوسائٹیز، ڈیری اور ماہی پروری سے متعلق بنیادی کوآپریٹو سوسائٹیوں کے قیام میں معاون ثابت ہوتا ہے، کوآپریٹو اداروں کی درجہ بندی کا نظام تیار کرنے میں مدد دیتا ہے، اور ہندوستانی معیشت میں کوآپریٹو شعبے کے اقتصادی کردار کا تخمینہ لگانے میں بھی اہم ذریعہ ہے۔

*****

Annexure-A

State-wise details of cooperative societies.

Sr. No.	State/UT	Number of Societies
1	ANDAMAN AND NICOBAR ISLANDS	2,244
2	ANDHRA PRADESH	18,165
3	ARUNACHAL PRADESH	1,547
4	ASSAM	12,838
5	BIHAR	27,288
6	CHANDIGARH	476
7	CHHATTISGARH	11,957
8	DELHI	5,827
9	GOA	5,611
10	GUJARAT	88,119
11	HARYANA	35,040
12	HIMACHAL PRADESH	5,844
13	JAMMU AND KASHMIR	10,735
14	JHARKHAND	12,207
15	KARNATAKA	47,288
16	KERALA	19,479
17	LADAKH	273
18	LAKSHADWEEP	65
19	MADHYA PRADESH	53,216
20	MAHARASHTRA	2,27,177
21	MANIPUR	11,655
22	MEGHALAYA	3,599
23	MIZORAM	1,559
24	NAGALAND	7,497
25	ODISHA	8,667
26	PUDUCHERRY	464
27	PUNJAB	20,332
28	RAJASTHAN	43,723
29	SIKKIM	3,750
30	TAMIL NADU	23,034
31	TELANGANA	60,680
32	THE DADRA AND NAGAR HAVELI AND DAMAN AND DIU	571
33	TRIPURA	3,280
34	UTTARAKHAND	6,442
35	UTTAR PRADESH	40,591
36	WEST BENGAL	32,190
	TOTAL	8,53,430

Source:- NCD portal as of 15.07.2026.

 

یہ اطلاع امور داخلہ اور امداد باہمی کے مرکزی وزیر جناب امت شاہ نے راجیہ سبھا میں ایک تحریری جواب میں دی۔

************

ش ح ۔   م  د ۔  م  ص

(U : 400 )

(रिलीज़ आईडी: 2287945) आगंतुक पटल : 6