অৱাং নোংপোক লমদমগী চাউখৎ-থৌরাং মন্ত্রালয়
কেন্দ্র মন্ত্রী জ্যোতিরাদিত্য এম. সিন্দিয়ানা মেঘালয়গী লকাদোং য়াইঙংগী মিশন "গোল্দন স্পাইস" হৌদোকখ্রে
প্রধান মন্ত্রী নরেন্দ্র মোদীগী আত্মনির্ভর অৱাং-নোংপোক্কী মংলান অসিনা মিশন গোল্দন স্পাইসনা ময়েক শেংনা ফোংদোক্লি - মেঘালয়গী GI-তেগ তৌরবা লকাদোং য়াইঙংবু মালেমগী থাক্কী লকজরী স্পাইস ব্রান্দ ওইহল্লে
মেঘালয়দা কুর্কুমিন য়াম্না য়াওবা ওর্গানিক য়াইঙংগী মালেমগী খ্বাইদগী মকোক থোংবা হৌরকফম ওইবগী মতিং লৈ
কেন্দ্র মন্ত্রীনা GI-তেগ তৌরবা লকাদোং য়াইঙংবু মালেমগী থাক্কী প্রেমিয়মগী মতিং লৈবা ফ্লেগসিপ "ব্রান্দ নোর্থ ইস্ত” অমনি হায়না ফোংদোকখ্রে
प्रविष्टि तिथि:
21 JUL 2026 5:35PM by PIB Imphal
কম্ম্যুনিকেসন্স অমসুং দিভেলপমেন্ত ওফ নোর্থ ইস্তর্ন রীজন (MDoNER) গী কেন্দ্র মন্ত্রী শ্রী জ্যোতিরাদিত্য এম. সিন্দিয়ানা মেঘালয়গী ইকায়-খুম্নরবা মুখ্য মন্ত্রী শ্রী কোনরাদ কে. সংমাগা লোয়ননা ঙসি মেঘালয় স্তেত্তা য়াইঙং থাবগী অমসুং ভেল্যু-চেন চাওখৎহনবগী কনভর্জেন্স-লেদ ইনিসিএতিব অমা ওইরিবা লুপা করোর ১৭৫.৪৫ গী “মিসন গোল্দন স্পাইস – ইন্তিগ্রেতেদ লকাদোং তর্মরিক ভেল্যু চেন এনহেন্সমেন্ত প্রোজেক্ত” হৌদোকখ্রে। মিসন অসি মেঘালয়গী য়ুনিক সেল্লিং প্রোপোজিসন (USP), GI-তেগ তৌরবা লকাদোং য়াইঙং য়োকখৎনবগীদমক — ভেল্যু চেন মপাঙ্গল কনখৎহনবা (ফেজ 1) অমসুং মসিগী মতুংদা পাকথোক চাউথোকহনবা অমসুং স্কেল-অপ তৌবা (ফেজ 2) – হায়বা ফেজ অনি থোক্না চহি মঙাগী (2025–2030) লম্বী পরিং অমা ওইনা শেমগৎপনি।
MDoNER অমসুং নোর্থ ইস্তর্ন কাউন্সিলনা (NEC) না চৈঙাক ওইরিবা মিসন অসি স্তেত অসিদা ইন্তিগ্রেতেদ তর্মরিক ভেল্যু-চেন ইকোসিস্তেম অমা শেমগৎনবগীদমক লৌউ-শিংউ অমসুং লৌমীশিংগী য়াইফ-থৌরাং, ফুদ প্রোসেসিং ইন্দস্ত্রিজ অমসুং কমর্স মন্ত্রালয়শিংগগী স্কীমশিং অমসুং ইন্তরভেন্সিশিংগা লোয়ননা APEDA, স্পাইসেস বোর্দ, নেস্নেল তুর্মরিক বোর্দ, ICAR, MeitY, NABARD, SFAC অমসুং মেঘালয় লৈঙাক্কা পুন্না চৎমিন্নদুনা পায়খৎপনি।
MDoNER গী সেক্রেতরী, শ্রীমতী নিবেদিতা শুক্লা বর্মানা মহাক্কী ৱাহৌদোক্তা মিসন অসিগী ইমপ্লিমেন্তেসন ফ্রেমৱর্কগী মতাংদা শন্দোক্না তাকখি অমসুং মেঘালয়গী লকাদোং য়াইঙংগী শেন্মিৎলোনগী মতিং পুম্নমক ফংহন্নবগীদমক মিসন-মোদ পরম অমা মথৌ তাই হায়না ফোঙদোকখি। মসিদা কুর্কুমিন চাং ৱাংনা (৭–১০%) য়াওজরবসু, তোপ-তোপ্পা মনম অমসুং হিদাক্কী মতিং য়াম্না লৈরবশু, প্রোসেসিং ফেসিলিতী মরাঙ কায়দবা, ইনফ্রাস্ত্রকচর ৱাৎপা, মার্কেৎ লিঙ্কেজ শোনবা অমসুং হায় ভেল্যু এদিসন লৈতবনা অপিকপা লৌমীশিংনা ফংলিবা শেনথোক অসি হন্থনা লৈরি হায়না মহাক্না ফোঙদোকখি। প্রোসেস তৌরবা অমসুং এক্সপোর্ত-গ্রেদকী পোৎথোকশিংনা লৈবাক মনুং অমসুং মালেমগী কৈথেল অনিমক্তা মমল ৱাংনা য়োনবগী মতিং লৈ হায়না মহাক্না হায়খি।
মিসন অসিনা লৌরোক মতুংগী অমাঙ অতা, ইন্তিগ্রেতেদ কোল্দ চেন ইনফ্রাস্ত্রকচর ৱাৎপা, কম্মর্সিএল-স্কেল প্রোসেসিং ফেসিলিতী লৈতবা, ব্রান্দিং শোনবা, অমসুং মওং মরিল নাইবা জি.আই. মোনিতাইজেসন অমসুং বাইয়র লিঙ্কেজ সিস্তেম ৱাৎপা য়াওনা সেক্তর অসিদা লৈরিবা স্ত্রকচরগী অচৌবা অহোবা মওং মরিল নাইনা মেনশিন্নবা পান্দম থম্লি হায়না সেক্রেতরীনা মখা তানা ফোঙদোকখি।
হৌদোকপগী থৌরমগী শরুক অমা ওইনা, গোল্দন স্পাইস মিসনগী অতেনবা ফিল্ম অমা কাপখি, মতুং তারকপদা মেঘালয়গী য়াইঙং থাবা লৌমীশিং অমসুং ইনভেস্তর অমসুং ইন্দস্ত্রী রিপ্রেজেন্তেতিবশিংগা ৱারী ৱাতায় শানখি।
MDoNER গী কেন্দ্র মন্ত্রী শ্রী জ্যোতিরাদিত্য এম. সিন্দিয়ানা হৌদোক্লিবা মিসন অসি হৌখিবা চহি তরানিথোয় অসিদা ভারতকী চাওখৎ-থৌরাংনা ময়ায়দগী মতাইদা থোরকপনি হায়খিবা ফোঙদোকখিবা প্রধান মন্ত্রী মোদীগী "অস্তলক্ষ্মী" — ভারতকী অৱাং-নোংপোক্কী স্তেত নিপান — গীদমক থম্লিবা মংলানগী শরুক অমনি হায়না ফোংদোকখি। মহাক্না মন্ত্রালয় অসিনা অৱাং নোংপোক্কী স্তেত ৮ গী মুখ্য মন্ত্রীশিংগা লোয়ননা স্তেত খুদিংগী য়ুনিক সেল্লিং প্রপোজিসন (USP) লেপ্নবা অমসুং USP খুদিংবু "মথক্তগী মখারোমদা নত্তবা মওংদা মখাদগী মথক্তা" শৌগৎনবা পুন্না থবক তৌমিন্নখি হায়না ফোংদোকখি। মহাক্না লকাদোং য়াইঙংগী কুর্কুমিন কন্তেন্ত অসি মালেমগী চাংচত্তগী শরুক মরি হেন্না হেল্লি হায়বা খঙহনখি অমসুং য়াইঙং পুথোকপা অমসুং প্রোসেস তৌবদা নুপীশিংগী থোইদোক-হেনদোকপা থৌদাংবু শিংথাখি।
প্রধান মন্ত্রীনা হন্দক্তা G7 সমিৎতা মেঘালয়গী লকাদোং য়াইঙং উৎখিবা অদুবু নীংশিংলদুনা, শ্রী সিন্দিয়ানা সস্পাস অসিনা মালেমগী লুচিংবশিংগী মরক্তা চাউনা ইন্তরেস্ত পোকহনখি হায়খি, অমসুং মিসন অসিগী স্তেকহোল্দরশিংগী মফমদা মহৈ মরোংগী মতিং, অচুম্বা মশক, চাং অমসুং তুং কোইগদবা ফীভম ঙাক্না থমদুনা মালেমগী ফম্পাক্তা মফম ৱাংনা কলহন্নবা ৱাফম থমখি। মহাক্না মিসন অসিগী পান্দমদি লৌমীশিংগী শেন্থোক শরুক অনি হেনগৎহন্দুনা — ঙসি কিলোদা লুপা ৩০–৪০ পীরিবা অসিদগী ২০৩০ ফাওবদা কিলোদা লুপা ৮০ ফাওবা হেনগৎহনবা — অমসুং থারিবা মফম অসি চাউরাক্না হেক্তর ২,৫০০ দগী হেক্তর ৭,৫০০ ফাওবা পাকথোক চাউথোকহনবনি হায়খি।
লকাদোং য়াইঙংবু মেঘালয়গী USP ওইনা য়োকখৎপা অসিনা স্তেত অসিগী চাংদম্নবগী অমসুং হিদান্নবগী খুদোংচাবশিং উৎলি অমসুং মসি মফম অসিগী চৎনবী অমসুং লৌউ-শিংউগী অইং-অশাগী ফীভমদা মরা তাদুনা লৈরবনি হায়ন মহাক্না মখা তানা ফোঙদোকখি।
মেঘালয়গী মুখ্য মন্ত্রী শ্রী কোনরাদ কে. সংমানা হায়খি মিসন অসি স্তেত লৈঙাক, ওফিসিএলশিং অমসুং লৌমীশিংনা চহি কয়া চঙনা শেমগৎলকপা ইন্সতিত্যুসনেল ওইবা য়ুম্ফমদা শেমগৎপনি অমসুং অৱাং নোংপোক স্তেত খুদিংগী তোপ-তোপ্পা পোৎথোক অমমম খঙদোক্তুনা মসিদা মপুং ফাবা, মতৌ তম্বা য়াবা মোদেল অমা শেমগৎনবা কেন্দ্র লৈঙাক্কী "মিসন মোদ্" পরমগী মমি তারি হায়খি। মহাক্না মেঘালয়গী মপানদা লকাদোং য়াইঙং থানবা হোৎনবদা কুর্কুমিন কন্তেন্ত হন্থরকখিবা অদুবু নীংশিংলদুনা, লমদম অসিগী য়াইঙংবু তোপ-তোপ্পা ওইহল্লিবা "মেঘালয়গী লৈপাক লৈহাওদা অঙকপা মতিং অমা লৈ" হায়বা অকনবা ৱাফম থমখি। মহাক্না অৱাং নোংপোক লমদমদা লেপ্তনা পুক্নিং চংবগীদমক প্রধান মন্ত্রী নরেন্দ্র মোদীবু থাগৎখি অমসুং কিহোম, শিং, থৈবোং, খোয়হী অমসুং চেংগুমগুম্বা মেঘালয়গী অতোপ্পা পোত্থোকশিংগীদমক মোদেল অসিগা মান্ননা শেমগৎনবগীদমক কেন্দ্র লৈঙাক্কা লোয়ননা থবক তৌমিন্ননবা স্তেত লৈঙাক্না খোঙফম চেৎনা লেপ্লি হায়না নৌহৌননা ফোঙদোকখি।
মেঘালয় লৈঙাক্কী এগ্রিকলচর এন্দ ফারমর্স ৱেলফ্যারগী মন্ত্রী, শ্রী তীমোথী দি. শিরানা হায়খি লকাদোং য়াইঙং অসি “মহৈ মরোং অমখক্তা নত্তে” — মসি স্তেত অসিগী পারী পুরীগী লৌশিং, চৎনবী অমসুং লৌউ-শিংউগী লন-থুমগী খুদম অমনি হায়খি। চহি কয়া, লৌমীশিংনা পোত্থোক অসি মপুং ওইনা রো ওইনা অমসুং হাইরপ প্রোসেস তৌরগা য়োন্দুনা লাক্লি, মসিনা খুঙ্গংগী শেন্থোক হন্থহনখি, অমসুং মিসন গোল্দন স্পাইস অসি লৌউ-শিংউ পাকথোক চাউথোকহন্নবা, অৱাং-নোংপোক্কী খ্বাইদগী চাউবা ইন্তিগ্রেতেদ ওর্গানিক তর্মরিক প্রোসেসিং অমসুং কুর্কুমিন এক্সত্রেক্সন ফেসিলিতী লিংখৎনবা, অমসুং ভেল্যু চেনগী অশেঙবা “ঙাকশেল্লোয়শিং” ওইরিবা নুপীশিংবু মিসন অসিগী লৌমীশিংগী ইন্সতিত্যুসন্স অমসুং এন্তরপ্রাইজশিংগী ময়ায়দা থমদুনা অহোংবা পুরক্নবা শেমগৎপনি হায়না মহাক্না ফোঙদোকখি।
হৌদোকপগী থৌরম অদুদা ইস্ত অমসুং ৱেস্ত জেন্সিয়া হিল্সকী লৌমীশিংগা ৱারী-ৱাতায় শানখি। লকাদোং য়াইঙং অসি চুম্নগী স্পাইসখক্তা নত্তনা মমল তাঙবা ওর্গানিক পোত্থোক অমনি অমসুং মিসন গোল্দন স্পাইস অসিনা য়াইঙং থাবদা মতেং পাংবতা নত্তনা লৌমীশিংগীদমক অনৌবা খুদোংচাবশিং শেমগৎকনি হায়না মখোয়না ফোঙদোকখি।
হৌদোকপগী থৌরম অদুদা দোক্তর ইমানুএল কুমার, ইন্দস্ত্রীগী মীহুৎ অমসুং নেচরেল প্রোদক্তস এক্সপর্তশিং, লৌউ-শিংউ অমসুং লৌমীশিংগী য়াইফ-থৌরাং মন্ত্রালয়, নোর্থ ইস্তর্ন কাউন্সিল (NEC), APEDA অমসুং মেঘালয় লৈঙাক্কী মকোক থোংবা ওফিসিএলশিং, লোয়ননা ফারমর প্রদ্যুসর্স ওর্গনাইজেসনগী লুচিংবশিং, ইন্দস্ত্রী খোঙবুশিং অমসুং জেন্সিয়া হিল্সতগী ভর্চুএলগী খুত্থাঙদা য়াওরকপা য়াইঙং থাবা লৌমী লিশিং কয়ানা শরুক য়াখি।
***
(रिलीज़ आईडी: 2287622)
आगंतुक पटल : 3