بھارت سرکار کی وزارتِ ماہی پروری، مویشی پروری اور ڈیری کے مطابق، تامل ناڈو سرکار سے موصولہ معلومات کے مطابق، تھنجاور ضلع میں ضلعی ماہی پرور ترقیاتی ایجنسی (ڈی ایف ایف ڈی اے) میں کل 1,480 اندرونِ ملک ماہی پرور رجسٹر شدہ ہیں اور کل 1,234 اندرونِ ملک ماہی گیر اندرونِ ملک ماہی گیر کوآپریٹیو سوسائٹیوں میں رجسٹر شدہ ہیں۔ گذشتہ تین برسوں (2021-22 سے 2023-24) کے دوران، وزیرِ اعظم متسیہ سمپدا یوجنا (پی ایم ایم ایس وائی) کے تحت منصوبوں، یعنی میٹھے پانی کی فِن فِش ہیچری کی تعمیر (2 یونٹس)، بیج پرورش تالابوں کی تعمیر (07 ہیکٹیئر)، نئے گرو آؤٹ تالابوں اور ان پٹ معاونت کی تعمیر (25 ہیکٹیئر)، گرو آؤٹ تالابوں کے لیے ان پٹ سبسڈی معاونت (25 ہیکٹیئر)، چھوٹے بائیوفلوک یونٹس کا قیام (09 یونٹس) اور ری-سرکیولیٹری ایکواکلچر سسٹم (01 یونٹ) کے قیام کے نفاذ کے لیے 196.30 لاکھ روپے کی رقم جاری کی گئی ہے۔

(ب) بھارتی زرعی تحقیقاتی کونسل (آئی سی اے آر) کے مطابق، مرکزی اندرونِ ملک ماہی پروری تحقیقاتی ادارے (سی آئی ایف آر آئی) نے تامل ناڈو کے تھنجاور ضلع میں کاویری دریا کے متصل ایک مطالعہ کیا ہے۔ مطالعے سے معلوم ہوا کہ زرعی مقاصد کے لیے دریا کے پانی کی وسیع پیمانے پر موڑ، ایک ترقی یافتہ نہری نیٹ ورک کے ذریعے، سال کے زیادہ تر حصے میں اس علاقے میں بہاؤ میں کمی کا باعث بنی ہے۔ دریا کا یہ علاقہ بنیادی طور پر مانسون کے موسم میں اور اوپری حصے کے ذخائر سے منظم طور پر چھوڑے گئے پانی سے پانی حاصل کرتا ہے۔ نتیجتاً، تھنجاور علاقے میں ریورین کیپچر ماہی پروری موسمی رہتی ہے، جس کی شدت محدود ہے۔

بھارت سرکار کی وزارتِ ماہی پروری، مویشی پروری اور ڈیری کے ذریعے نافذ کردہ وزیرِ اعظم متسیہ سمپدا یوجنا (پی ایم ایم ایس وائی) کے تحت، تامل ناڈو میں دریا رانچنگ پروگرام نافذ کیا گیا، جس کے تحت ریاست بھر کے دریائی علاقے (بشمول کاویری دریائی نظام میں 59.76 لاکھ) میں 176 لاکھ اعلیٰ فنگرلنگز چھوڑی گئیں تاکہ ماہی پروری کے وسائل کو بڑھایا جا سکے اور مقامی مچھلیوں کی حیاتیاتی تنوع کو محفوظ کیا جا سکے، مچھلیوں کی گرفتاری میں اضافہ کیا جا سکے اور اندرونِ ملک ماہی گیروں کی معاش کو تحفظ دیا جا سکے۔ اس اسٹاکنگ سے توقع ہے کہ کاویری دریا نظام میں مچھلیوں کی پیداوار 220 ٹن تک بڑھ جائے گی، جس سے اندرونِ ملک مچھلیوں کی پیداوار میں اضافہ ہوگا اور اندرونِ ملک ماہی گیروں کی معاش کو سہارا ملے گا۔

(ج) بھارت سرکار کی وزارتِ ماہی پروری، مویشی پروری اور ڈیری نے 2015 سے، تامل ناڈو کے ڈیلٹا اضلاع (تھنجاور، تروارور، ناگاپٹنم، مائلادوتھرائی اور کڈلور) سمیت ملک میں ماہی پروری کے شعبے، اندرونِ ملک ایکواکلچر اور ماہی گیروں کی بہبود کے جامع ترقی کے لیے مختلف اس کیموں کے ذریعے سرمایہ کاری میں کافی اضافہ کیا ہے۔ تامل ناڈو سرکار نے مچھلیوں کی پیداوار میں اضافہ، ایکواکلچر کے تحت رقبے کی توسیع، پائیدار ذریعہ معاش کی فروغ اور بائیوفلوک سسٹمز اور ریسرکیولیٹنگ ایکواکلچر سسٹمز (آر اے ایس) جیسی ٹیکنالوجیز کو اپنا کر شدید ایکواکلچر کو بڑھانے کے لیے پی ایم ایم ایس وائی اور ریاستی اس کیموں کے تحت کئی سرگرمیاں نافذ کی ہیں۔ اس کے علاوہ، اندرونِ ملک ماہی گیروں کے آپریشنل اخراجات کو کم کرنے کے لیے ماہی گیری کے سامان کے لیے پی ایم ایم ایس وائی کے تحت سبسڈی معاونت فراہم کی جاتی ہے۔

تامل ناڈو سرکار نے اطلاع دی ہے کہ پی ایم ایم ایس وائی کے تحت سبسڈی معاونت ڈیلٹا اضلاع کے 355 فائدہ اٹھانے والوں کو ان پٹ معاونت اور میٹھے پانی کی فِن فِش ہیچریوں کی تعمیر، نئے بیج پرورش تالابوں، گرو آؤٹ تالابوں، بائیوفلوک یونٹس، آر اے ایس، آرنامینٹل یونٹس کے قیام اور ماہی گیری کے سامان کی خریداری جیسی سرگرمیوں کے لیے فراہم کی گئی ہے۔ ریاست نے 2024-25 اور 2025-26 کے دوران ڈیلٹا اضلاع میں 450 ہیکٹیئر کے رقبے کو محیط پنچایت ٹینکوں میں 9.00 لاکھ فنگرلنگز کے اسٹاکنگ کو بھی ممکن بنایا ہے۔

یہ معلومات ماہی پروری، مویشی پروری اور ڈیری کے مرکزی وزیر جناب راجیو رنجن سنگھ عرف للن سنگھ نے لوک سبھا میں ایک سوال کے جواب میں دیں۔

***

(ش ح - ع ا)

U.No. 278

(रिलीज़ आईडी: 2287382) आगंतुक पटल : 4