نیشنل کول گیسیفیکیشن مشن نے 2030 تک 100 ملین ٹن (ایم ٹی) کوئلہ گیسیفیکیشن صلاحیت حاصل کرنے کا بلند ہدف مقرر کیا ہے۔ موجودہ وقت تک تقریباً 22.6 ملین ٹن سالانہ (ایم ٹی پی اے) کوئلہ گیسیفیکیشن صلاحیت یا تو فعال ہے یا عمل درآمد کے مرحلے میں ہے، جس کی تفصیل درج ذیل ہے:

(i) جندل اسٹیل لمیٹڈ (جے ایس ایل): تقریباً 8 ایم ٹی پی اے (فعال)

(ii) تلچر فرٹیلائزرز لمیٹڈ (ٹی ایف ایل): تقریباً 2.6 ایم ٹی پی اے (عمل درآمد کے مرحلے میں)

(iii) 8,500 کروڑ روپے کی مالی ترغیبی اسکیم کے تحت منظور کیے گئے 8 منصوبے: تقریباً 12 ایم ٹی پی اے (عمل درآمد کے مرحلے میں)

ملک میں 100 ملین ٹن کوئلہ گیسیفیکیشن کے ہدف کے حصول کی جانب مزید پیش رفت کے لیے حکومت نے 13 مئی 2026 کو سطحی کوئلہ/ لگنائٹ گیسیفیکیشن منصوبوں کے فروغ کی اسکیم کی منظوری دی، جس کے لیے 37,500 کروڑ روپے کا مالیاتی بجٹ مختص کیا گیا ہے۔ توقع ہے کہ اس نئی اسکیم کے تحت تقریباً 75 ایم ٹی پی اے کوئلہ استعمال کیا جائے گا، جو 100 ملین ٹن کوئلہ/ لگنائٹ گیسیفیکیشن کے قومی ہدف کے حصول میں نمایاں کردار ادا کرے گا۔

حکومت نے حال ہی میں منظور شدہ اس اسکیم کے تحت ترغیبی ڈھانچے کو مزید مضبوط بنایا ہے تاکہ کوئلہ گیسیفیکیشن کے شعبے میں نجی اور سرکاری سرمایہ کاری کو فروغ دیا جا سکے۔ 24 جنوری 2024 کو منظور کی گئی 8,500 کروڑ روپے کی سابقہ اسکیم کے تحت مقررہ حدود کے تابع سرمایہ جاتی اخراجات کا 15 فیصد مالی ترغیب کے طور پر فراہم کیا جاتا تھا، جبکہ 37,500 کروڑ روپے کی نئی اسکیم کے تحت کوئلہ/ لگنائٹ گیسیفیکیشن منصوبوں کے قیام کے لیے مقررہ حدود کے تابع پلانٹ اور مشینری کی اہل لاگت کا 20 فیصد تک مالی ترغیب فراہم کی جائے گی۔

حکومت مالی ترغیبات کی فراہمی، کوئلے کی دستیابی کو یقینی بنانے، ضابطہ جاتی معاونت کو مضبوط بنانے، منظوریوں کے عمل کو آسان بنانے، مقامی ٹیکنالوجیوں کو فروغ دینے اور سازگار پالیسی فریم ورک تشکیل دینے کے ذریعے کوئلہ گیسیفیکیشن کے ذریعے کول ٹو کیمیکل، میتھانول اور مصنوعی قدرتی گیس کی پیداوار کو فروغ دے رہی ہے، تاکہ بھارت کی توانائی کی سلامتی کو مزید مضبوط بنایا جا سکے۔

مرکزی وزیر مملکت برائے کوئلہ و کان کنی، جناب ستیش چندر دوبے نے آج راجیہ سبھا میں ایک تحریری جواب میں یہ معلومات فراہم کیں۔

                                               **************

ش ح۔ ف ش ع

20-07-2026

                                                                                                                                          U: 185