پردھان منتری سکلنگ اینڈ ایمپلائبلٹی ٹرانسفارمیشن تھرو اپ گریڈڈ آئی ٹی آئیز (پی ایم-سیٹو) اسکیم کا مقصد ملک میں پیشہ ورانہ تربیت کے مجموعی معیار اور مطابقت کو بہتر بنانا ہے۔ اسکیم کا کل آؤٹ لے 60,000 کروڑ روپے ہے (مرکزی حصہ – 30,000 کروڑ روپے، ریاستی حصہ – 20,000 کروڑ روپے اور صنعتی حصہ – 10,000 کروڑ روپے)۔

اسکیم میں دو اجزا شامل ہیں:

i. جزو اول – 1,000 سرکاری آئی ٹی آئیز (200 ہب آئی ٹی آئیز اور 800 اسپاک آئی ٹی آئیز) کو ہب اور اسپاک ماڈل میں اپ گریڈ کرنا، جس میں اپ گریڈیشن میں اسمارٹ کلاس رومز، جدید لیبارٹریز، ڈیجیٹل مواد، اور صنعت کی ضروریات کے مطابق نئے کورسز شامل ہیں۔

ii. جزو دوم – بھونیشور، چنئی، حیدرآباد، کانپور، اور لدھیانہ میں واقع پانچ این ایس ٹی آئیز کی صلاحیت میں اضافہ، جس میں عالمی شراکت داری کے ساتھ تربیت دہندگان کی اعلیٰ تربیت پر توجہ مرکوز کرتے ہوئے، اور نصاب کی ترقی کے ساتھ، ہنرمندی کے لیے شعبہ جاتی قومی مراکز کا قیام شامل ہے۔

پردھان منتری سکلنگ اینڈ ایمپلائبلٹی ٹرانسفارمیشن تھرو اپ گریڈڈ آئی ٹی آئیز (پی ایم-سیٹو) اسکیم کو ریاستوں/مرکز کے زیر انتظام علاقوں، بشمول مہاراشٹر اور مدھیہ پردیش میں، صنعتی تربیتی اداروں (آئی ٹی آئیز) کے معیار اور مطابقت کو بہتر بنانے کے لیے لاگو کیا جا رہا ہے۔ قومی اسٹیئرنگ کمیٹی (این ایس سی) نے اینکر انڈسٹری پارٹنرز (اے آئی پیز) کی طرف سے پیش کردہ چھ (6) اسٹریٹجک انویسٹمنٹ پلانز (ایس آئی پیز) کی منظوری دی ہے، جن میں تلنگانہ سے تین، آندھرا پردیش سے ایک، اوڈیشہ سے ایک اور گجرات سے ایک شامل ہیں۔ منظور شدہ کلسٹرز کی تفصیلات، اینکر انڈسٹری پارٹنرز کے ناموں کے ساتھ، ذیل میں ٹیبل 1 میں فراہم کی گئی ہیں۔

ٹیبل 1: قومی اسٹیئرنگ کمیٹی کے ذریعے منظور شدہ کلسٹر کی تفصیلات

این ایس ٹی آئیز (NSTIs) کی اپ گریڈیشن کے لیے، دل چسپی کا اظہار (Expression of Interest) جاری کیا گیا ہے۔

مہاراشٹر کی ریاستی حکومت نے پی ایم-سیتو(PM-SETU) اسکیم کے تحت تین (3) کلسٹرز کی شناخت کی ہے، جن میں حب آئی ٹی آئیز (Hub ITIs) ناگپور، چھترپتی سمبھاجی نگر اور پونے اضلاع میں واقع ہیں۔ مہاراشٹر ریاست نے صنعتی تجاویز طلب کرنے کے لیے ایک تجاویز کی درخواست (Request for Proposal - RFP) جاری کی ہے۔ فی الحال، ریاستی حکومت کی کوئی تجویز یا اسٹریٹجک انویسٹمنٹ پلان (Strategic Investment Plan - SIP) قومی اسٹیئرنگ کمیٹی (National Steering Committee - NSC) کے غور یا منظوری کے لیے زیر التوا نہیں ہے۔

مدھیہ پردیش نے پی ایم-سیتو(PM-SETU) اسکیم کے تحت بیس (20) کلسٹرز کی شناخت کی ہے، جن میں 20 حب آئی ٹی آئیز (Hub ITIs) اور 81 اسپوک آئی ٹی آئیز (Spoke ITIs) شامل ہیں۔ مدھیہ پردیش ریاست نے صنعتی تجاویز طلب کرنے کے لیے ایک تجاویز کی درخواست (Request for Proposal - RFP) جاری کی ہے۔ فی الحال، ریاستی حکومت کی کوئی تجویز یا اسٹریٹجک انویسٹمنٹ پلان (Strategic Investment Plan - SIP) قومی اسٹیئرنگ کمیٹی (National Steering Committee - NSC) کے غور یا منظوری کے لیے زیر التوا نہیں ہے۔

36 ریاستوں/مرکز کے زیر انتظام علاقوں نے چیف سیکرٹری آف دی اسٹیٹ/یو ٹی (Chief Secretary of the State/UT) کی سربراہی میں اپنی ریاستی اسٹیئرنگ کمیٹی (State Steering Committee - SSC) تشکیل دی ہے، جو اسکیم کے نفاذ کی رہ نمائی اور نگرانی کے لیے ریاستی/مرکز کے زیر انتظام علاقے کی سطح پر ایک اعلیٰ ترین ادارہ ہے۔ 23 ریاستوں/مرکز کے زیر انتظام علاقوں نے صنعتوں کی دل چسپی طلب کرنے کے لیے اپنی تجاویز جاری کی ہیں۔

قومی سطح پر کل 06 ایس آئی پیز (SIPs) منظور کیے گئے ہیں۔ مزید برآں، مہاراشٹر ریاست کے ذریعے کوئی تجویز زیر التوا نہیں ہے۔ اسکیم کو پانچ (5) سال کی مدت میں مرحلہ وار لاگو کرنے کا منصوبہ ہے۔

یہ معلومات ہنرمندی کی ترقی اور انٹرپرینیورشپ کی وزارت (Ministry of Skill Development and Entrepreneurship - MSDE) کے وزیر مملکت (آزادانہ چارج)، جناب جیانت چودھری نے آج لوک سبھا میں ایک تحریری جواب میں فراہم کی۔

***

(ش ح - ع ا)

U.No. 178

 

(रिलीज़ आईडी: 2286661) आगंतुक पटल : 13