ગતિ શક્તિ વિશ્વવિદ્યાલય (GSV) નો ચોથો દીક્ષાંત સમારોહ 17 જુલાઈ 2026 ના રોજ ભારતના માનનીય નાગરિક ઉડ્ડયન મંત્રી શ્રી કિંજરાપુ રામ મોહન નાયડુના મુખ્ય અતિથિ પદે અને પ્રતિષ્ઠિત અતિથિઓ શ્રી ઈ. શ્રીધરન (ભારતના મેટ્રો મેન તરીકે લોકપ્રિય, દિલ્હી મેટ્રો રેલ કોર્પોરેશન લિમિટેડના ભૂતપૂર્વ એમડી), ડૉ. હેમાંગ જોશી (સાંસદ, વડોદરા), વડોદરાના રાજમાતા હર હાઈનેસ શુભાંગીનીરાજે ગાયકવાડ, શ્રી સમીર કુમાર સિન્હા (સચિવ, નાગરિક ઉડ્ડયન, ભારત સરકાર) અને શ્રી સુકરણ સિંહ (સીઈઓ અને એમડી, ટાટા એડવાન્સ સિસ્ટમ્સ લિમિટેડ) ની ઉપસ્થિતિમાં યોજાયો હતો.

અભ્યાસના બી.ટેક. અને એમબીએ કાર્યક્રમો સાથે સંબંધિત કુલ 121 વિદ્યાર્થીઓને તેમની ડિગ્રી એનાયત કરવામાં આવી હતી. યુનિવર્સિટીએ પ્રથમ વખત મેટ્રો રેલ મેનેજમેન્ટમાં એમબીએની ડિગ્રી પણ એનાયત કરી હતી. આ પ્રસંગે, જીએસવીએ દેશમાં પરિવહન અને ઇન્ફ્રાસ્ટ્રક્ચર ક્ષેત્રે તેમના ઉત્કૃષ્ટ યોગદાન બદલ શ્રી ઈ. શ્રીધરનને 'ઓનરિસ કોઝા' (માનદ) ના આધારે તેની સૌપ્રથમ પીએચ.ડી. ડિગ્રી એનાયત કરી હતી.

અભ્યાસની વિવિધ શાખાઓમાં શૈક્ષણિક શ્રેષ્ઠતા માટે વિવેક યાદવ, સંદીપ પટેલ, અભિનંદન ગુપ્તા, રિષભ ત્રિપાઠી અને સુરેશ સેનગુંદરમુદલિયારને ગોલ્ડ મેડલ આપવામાં આવ્યા હતા. આઉટસ્ટેન્ડિંગ પ્રોજેક્ટ એવોર્ડ 2026 દુર્ગેશ કુમાર અને સંદીપ પટેલને આપવામાં આવ્યો હતો, જ્યારે 2026 નો બેસ્ટ ગ્રેજ્યુએટિંગ સ્ટુડન્ટ એવોર્ડ વિવેક કુમારને એનાયત કરવામાં આવ્યો હતો.

મુખ્ય અતિથિ તરીકે દીક્ષાંત પ્રવચન આપતા શ્રી કિંજરાપુ રામમોહન નાયડુએ 'થ્રી એમ' (Three Ms): મૂવમેન્ટ (ચળવળ), મોમેન્ટમ (વેગ) અને મિશન (લક્ષ્ય) પર ધ્યાન કેન્દ્રિત કર્યું હતું - જે અનુક્રમે દિશા, ગતિ અને હેતુનું પ્રતિનિધિત્વ કરે છે. તેમણે પરિવહન ક્ષેત્રે અને ખાસ કરીને ઉડ્ડયન ક્ષેત્ર, પીએમ ગતિ શક્તિ વગેરેમાં દેશની પ્રગતિ પર પ્રકાશ પાડ્યો હતો. તેમણે આ દેશમાં યુવાનો માટે તકો ઊભી કરવામાં મેન્ટેનન્સ, રિપેર એન્ડ ઓવરહોલ (MRO) ક્ષેત્ર જે ભૂમિકા ભજવશે તેના પર ભાર મૂક્યો હતો. તેમણે ડિરેક્ટોરેટ જનરલ ઓફ સિવિલ એવિએશન (DGCA) ની જીએસવી સાથેની ભાગીદારીના 4 મહિનાની અંદર વિકસાવવામાં આવેલા એરક્રાફ્ટ મેન્ટેનન્સ એન્જિનિયરિંગ અભ્યાસક્રમની પ્રશંસા કરી હતી અને જીએસવીને નાગરિક ઉડ્ડયન મંત્રાલયના સંપૂર્ણ સમર્થનની ખાતરી આપી હતી. તેમણે સમગ્ર ઉચ્ચ શિક્ષણ ક્ષેત્ર માટે બેન્ચમાર્ક ટેમ્પલેટ તરીકે યુનિવર્સિટીના ઉદ્યોગ-સંચાલિત અભિગમની સખત પ્રશંસા કરી હતી.

ડૉ. ઈ. શ્રીધરને અતિથિ વિશેષ તરીકે આ પ્રસંગને ગૌરવ અપાવ્યું હતું અને જીવનમાં સફળ થવા માટે યોગ્ય વલણની સાથે સમયપાલન, અખંડિતતા અને વ્યાવસાયિક યોગ્યતા ધરાવતી મૂલ્ય પ્રણાલી અને સતત શિક્ષણના મહત્વ પર ભાર મૂક્યો હતો. તેમણે યુવા શ્રોતાઓને સમાજ અને દેશને પરત આપવા માટે પ્રોત્સાહિત કર્યા હતા અને તે માટે તેઓ સારું ચરિત્ર અને સ્વાસ્થ્ય ધરાવતા હોવા જોઈએ.

વડોદરાના સાંસદ ડૉ. હેમાંગ જોશીએ જણાવ્યું હતું કે, માનનીય પ્રધાનમંત્રી દ્વારા ભારતમાં પ્રથમ સ્વદેશી રીતે વિકસિત હાઇડ્રોજન-ટ્રેન લોન્ચ કરવામાં આવી છે તે જ દિવસે વિદ્યાર્થીઓને તેમની ડિગ્રી એનાયત કરવામાં આવે તે તેનાથી વધુ સારો સંયોગ હોઈ શકે નહીં. તેમણે યુનિવર્સિટીના 100% પ્લેસમેન્ટ રેકોર્ડની પ્રશંસા કરી હતી અને વિદ્યાર્થીઓને મેળવેલી આ ડિગ્રીનો મહત્તમ ઉપયોગ કરવા જણાવ્યું હતું, કારણ કે આ કોઈ ગંતવ્ય સ્થાન નથી પરંતુ તેમની યાત્રાનો માત્ર એક મહત્વનો તબક્કો છે.

હર હાઈનેસ શુભાંગીનીરાજે ગાયકવાડે સ્નાતક થતા વિદ્યાર્થીઓને "મૂલ્યોમાં અડગ" રહેવા અને ટકાઉ વિકાસ પ્રત્યે સંવેદનશીલ બનવા સખત સલાહ આપી હતી, જ્યારે શ્રી સુકરણ સિંહે ટાટાની એરોસ્પેસ અને ડિફેન્સ મેન્યુફેક્ચરિંગ પહેલો પર પ્રકાશ પાડતા મજબૂત પરીક્ષણ ઇકોસિસ્ટમ અને સહાયક નિયમોની જરૂરિયાત પર ભાર મૂક્યો હતો અને પડકારોને સ્વીકારીને તથા નવીનતા લાવીને સ્નાતકોને "પરિવર્તન બનવા" પ્રોત્સાહિત કર્યા હતા. જીએસવીના વાઇસ ચાન્સેલર પ્રો. મનોજ ચૌધરીએ યુનિવર્સિટીનો પ્રગતિ અહેવાલ રજૂ કર્યો હતો.

રેલવે મંત્રાલય હેઠળની એક કેન્દ્રીય યુનિવર્સિટી અને ચાન્સેલર શ્રી અશ્વિની વૈષ્ણવ (કેન્દ્રીય રેલવે, માહિતી અને પ્રસારણ, ઇલેક્ટ્રોનિક્સ અને માહિતી તકનીક મંત્રી) ના નેતૃત્વ હેઠળની ગતિ શક્તિ વિશ્વવિદ્યાલયની સ્થાપના 06 ડિસેમ્બર 2022 ના રોજ સંસદના અધિનિયમ દ્વારા કરવામાં આવી હતી અને હાલમાં તે રેલ એન્જિનિયરિંગ, એવિએશન એન્જિનિયરિંગ એન્ડ ઓપરેશન્સ, મેરિટાઇમ એન્જિનિયરિંગ, લોજિસ્ટિક્સ એન્ડ સપ્લાય ચેઈન મેનેજમેન્ટ, મેટ્રો રેલ મેનેજમેન્ટ, પોર્ટ્સ એન્ડ શિપિંગ લોજિસ્ટિક્સ અને રોડ એન્ડ હાઇવે એન્જિનિયરિંગ વગેરેમાં બેચલર્સ, માસ્ટર્સ અને ડોક્ટરલ સ્તરના કાર્યક્રમો ઓફર કરે છે, જે સમગ્ર પરિવહન ઇન્ફ્રાસ્ટ્રક્ચર અને લોજિસ્ટિક્સ ક્ષેત્રને આવરી લે છે. નિયમિત શૈક્ષણિક કાર્યક્રમો ઉપરાંત, જીએસવી તેના વિશેષજ્ઞતા ધરાવતા ક્ષેત્રોમાં રેલવે (પ્રોબેશનર્સ તેમજ સેવા આપતા અધિકારીઓ), સંરક્ષણ દળો (આર્મી, એરફોર્સ, નેવી) અને સિવિલ સર્વિસીસના અધિકારીઓની એક્ઝિક્યુટિવ ટ્રેનિંગ પર ખૂબ જ મોટો ભાર મૂકે છે.

રાષ્ટ્રીય શિક્ષણ નીતિ 2020 સાથે સુસંગત રહીને, જીએસવી દેશના વિકાસ માટે શ્રેષ્ઠ માનવ સંસાધનો અને સંશોધન તૈયાર કરવા માટે "ઉદ્યોગ-સંચાલિત અને નવીનતા પ્રેરિત" યુનિવર્સિટી બનવાના વિઝન સાથે માંગ-આધારિત અભ્યાસક્રમનું પાલન કરે છે. સમગ્ર ઇકોસિસ્ટમનું "કેન્દ્રબિંદુ" બનવાના મિશન સાથે, જીએસવીએ ઉદ્યોગ-લક્ષી અભ્યાસક્રમ, પ્રાયોગિક શિક્ષણ, જ્ઞાનની વહેંચણી અને ઇન્ટર્નશિપ માટે વિશ્વભરની અગ્રણી સંસ્થાઓ અને ઉદ્યોગો સાથે સહયોગ પર કામ કર્યું છે જે નોકરી માટે તૈયાર સ્નાતકો તૈયાર કરવામાં મદદ કરે છે. આ યુનિવર્સિટી પીએમ ગતિ શક્તિ નેશનલ માસ્ટર પ્લાન માટે ક્ષમતા નિર્માણ અને તાલીમ માટે કેન્દ્રીય નોડલ એજન્સી તરીકે કામ કરી રહી છે, જેણે તેના ક્યુરેટેડ કોર્સ દ્વારા 2.4 લાખથી વધુ અધિકારીઓને તાલીમ આપી દીધી છે.

SM/JY/JD