• انتخابی کمیشن (ECI) نے پہلی آل انڈیا میڈیا کانفرنس 2026 کا انعقاد کیا، جس میں ملک بھر کی ریاستوں/مرکز کے زیر انتظام علاقوں سے 380 سے زائد میڈیا پیشہ ور شریک ہوئے، جس کا موضوع تھا ”اسٹیک ہولڈروں کو جوڑنا، جمہوریت کو مضبوط بنانا: انتخابات میں میڈیا کا کردار“۔
• چیف الیکشن کمشنر جناب گیانیش کمار نے شرکا سے کانفرنس کے دوران خطاب کیا۔ انھوں نے اس بات پر زور دیا کہ بھارت میں انتخابات بھارت کے آئین، انتخابی قوانین اور انتخابی کمیشن کے ذریعے وقتاً فوقتاً جاری کردہ ہدایات کے مطابق منعقد کیے جاتے ہیں۔ انھوں نے مزید کہا کہ بھارت میں انتخابی عمل میں شامل اسٹیک ہولڈروں کے ذریعے پورے انتخابی عمل کا بیک وقت آڈٹ کیا جاتا ہے۔
• سی ای سی گیانیش کمار نے کہا کہ بھارت کی انتخابی فہرستیں، جن میں تقریبا 95 کروڑ بھارتی شامل ہیں، ایک زندہ دستاویز ہے جو وقت کے ساتھ ساتھ متحرک طور پر ترقی کر رہی ہے۔ انتخابی فہرستوں کی تیاری کے پس پردہ موجود قانونی تحفظات کا حوالہ دیتے ہوئے، انھوں نے مزید کہا کہ 12 لاکھ سے زائد بوتھ لیول افسران (BLOs) اور 15 لاکھ سے زائد بوتھ لیول ایجنٹ (BLAs) ”بیک وقت آڈیٹرز“ کے طور پر اس عمل میں سرگرمی سے شامل ہیں۔
• جناب گیانیش کمار نے مزید کہا کہ حالیہ اسمبلی انتخابات میں اب تک کی سب سے زیادہ پولنگ کی شرح بھارتی ووٹروں کے ملک کے انتخابی نظام پر اعتماد اور بھارتی جمہوریت کی جانفشانی کا ثبوت ہے۔ انھوں نے خصوصی طور پر انتخابی فہرستوں کی نظرثانی (SIR) کے عمل میں ان کی شرکت کے لیے بھارت کے تمام ووٹروں کا شکریہ ادا کیا۔
• کانفرنس کا مقصد انتخابی عمل کے مختلف پہلوؤں کی باخبر سمجھ کو فروغ دینا ہے اور یہ کہ بھارت میں انتخابات کس طرح انتہائی شفافیت کے ساتھ منعقد کیے جاتے ہیں جس میں سیاسی جماعتوں اور امیدواروں کے کلیدی اسٹیک ہولڈر شامل ہوتے ہیں۔
• کانفرنس کا آغاز آئین، 1950 اور 1951 کے نمائندگی ایکٹ اور انتخابی کمیشن کے ذریعے وقتاً فوقتاً جاری کردہ ہدایات، ECINET پلیٹ فارم اور انتخابات میں ٹیکنالوجی کے کردار، انتخابات کے دوران میڈیا کے معاملات سے متعلق اہم آئینی دفعات اور قوانین میں فراہم کردہ شفافیت کے اقدامات کے وسیع جائزہ کے ساتھ ہوا۔
• شرکا کو بوتھ لیول ایجنٹس (BLAs)، پولنگ ایجنٹس اور کاؤنٹنگ ایجنٹس کے کردار اور ذمہ داریوں کے بارے میں تفصیل دی، جس میں شفافیت کو یقینی بنانے، سیاسی جماعتوں کی شرکت کو سہولت فراہم کرنے اور انتخابات کے مختلف مراحل میں بیک وقت آڈیٹرز کے طور پر انتخابی عمل کو مضبوط بنانے میں ان کے کردار کو اجاگر کیا گیا۔
• پروگرام کے ایک حصے کے طور پر، شرکا کو گروپس میں انتخابی فہرست کی تیاری، پولنگ کے عمل اور گنتی کے عمل کی ایک نمائش بھی دکھائی گئی۔ ان نمائشوں نے میڈیا پیشہ ور افراد کو مختلف قانونی فارموں کا عملی تجربہ حاصل کرنے کا موقع فراہم کیا جو اسٹیک ہولڈروں کے ذریعے بیک وقت آڈٹ کی بنیاد فراہم کرتے تھے۔
• اجلاس کے بعد سی ای سی جناب گیانیش کمار کے ساتھ شرکا کا ایک سوال و جواب (Q&A) کا سیشن بھی ہوا۔

***

(ش ح - ع ا)

U.No. 106

(रिलीज़ आईडी: 2285982) आगंतुक पटल : 13