অৱাং-নোংপোক লমদমদা মগুন লৈবা এপ্রেন্তিসশিপকী খুদোংচাবশিং পাকথোক-চাউথোকহন্নবা অমসুং নহারোলশিংগী থবক ফংহনবগী মতিক ময়াই হেনগৎহন্নবা ফিরেপ অদু মপাঙ্গল কনখৎহন্দুনা, স্কিল দিবেলপমেন্ত অমসুং ওন্তোপ্রিনরশিপ মন্ত্রালয় (এম.এস.দি.ই.) না গুৱাহাতিদা লৈবা ইন্দিয়ন ইন্সতিত্যুৎ ওফ ওন্তোপ্রিনরশিপ (আই.আই.ই.) না ইমপ্লিমেন্ত তৌগদবা ২০২৬-২৭কী ওইনা প্রধান মন্ত্রীগী নেস্নেল এপ্রেন্তিসশিপ প্রমোসন স্কিম (পি.এম.-এন.এ.পি.এস.) গী মখাদা অৱাং-নোংপোক লমদমদা এপ্রেন্তিসশিপ প্রমোসনগীদমক স্পিসিএল ইন্তরভেন্সনগী এক্সতেন্সন হৌদোকখ্রে। ২০২৫গী মে থাদা হৌদোকখিবা পাইলোৎ ইনিসিএতিবকী মায় পাকপগী মখাদা চাউখৎলক্লিবা ইন্তরভেন্সন অসিনা অৱাং নোংপোক্কী রাজ্য নিপানদা এপ্রেন্তিসশিপ পীনেত্রেসন হেঙ্গৎহনবা, ইন্দস্ত্রী অমসুং সরকারগী ইষ্টাব্লিসমেন্তশিংগী শরুক য়াবা হেনগৎহনবা অমসুং লমদম অসিগী নহারোলশিংগীদমক্তা স্কিল ইন্দিয়া মিসনগী মখাদা তুং কোইনা হিংনবগী লম্বী শেমগৎনবা পান্দম থম্লি।

শেনবা চহি ২০২৬-২৭গী ইন্তর্ভেন্সনগী স্কোপ অসি মন্ত্রালয়না পাইলোত ফেজতগী চাদা ১৫ হেনগৎতুনা এপ্রেন্তিস ৩০,০০০গী হেন্না য়াম্বা তার্গেৎ অমগা লোয়ননা পাকথোক চাউথোকহনখ্রে। মসিগী মনুংদা, এপ্রেন্তিস ১৫,০০০দি সরকারগী দিপার্তমেন্তশিং অমসুং পব্লিক সেক্তর ইন্তরপ্রাইজশিং (পি.এস.য়ু.শিং) য়াওনা অৱাং-নোংপোক্কী মপান্দা খুদোংচাবশিং ফংহন্নবা মতেং পাংগনি। অতোপ্পা এপ্রেন্তিস ১৫,০০০দি মখোয়গী মশাগী রাজ্যশিং য়াওনা লমদম অসিগী মনুংদা থবক তৌগনি।

সরকারনা ফাইনান্সিএল ইনিসিয়েতিব অসিগীদমক ২০২৬-২৭কী মনুংদা লুপা করোর ৫৭.৫৮গী শেল থাদনবা লেপখ্রে। এলোকেসন অসি পি.এম.-এন.এ.পি.এস.কী অৱাং-নোংপোক লমদমগী কম্পোনেন্তগী খুত্থাংদা ফংহনগনি।

ভারত সরকারগী স্কিল দিবেলপমেন্ত অমসুং ওন্তোপ্রিনরশিপকী রাজ্য মন্ত্রী (আই/সি) অমসুং এজুকেসনগী রাজ্য মন্ত্রী শ্রী জয়ন্ত চৌধরীনা হায়খি, " অৱাং-নোংপোক লমদম অসি ভারতকী খ্বাইদগী চাউবা মপাঙ্গল অমনি, মসিদা নহা ওইরিবা, হৈথোই-শিংথোইরবা অমসুং এস্পিরেস্নেল পোপুলেসন অমা লৈবাক্কী চাউখৎপগী ৱারীদা মতেং পাংনবা শেম-শারি। পাইলোত ইনিসিএতিবকী শিংথানিংঙাই ওইবা মায় পাকপা অসিনা উৎলি মদুদি অচুম্বা খুদোংচাবশিং অমসুং মতেংগা লোয়ননা ঐখোয়গী নহাশিংনা মখোয়গী অপুনবা তৌবা ঙম্বশিং অদু ফংহনবা ঙম্মি। পি.এম.-এন.এ.পি.এস.কী মখাদা ইন্তরভেন্সন অসি পাকথোক চাউথোকহন্দুনা, ঐখোয়না ক্বালিতী লৈবা এপ্রেন্তিসশিপকী খুদোংচাবশিং ফংহনবা, লোকেল ইকোসিস্তেমশিং মপাঙ্গল কনখৎহনবা, ইন্দস্ত্রীদা শরুক য়ানবা পুক্নিং থৌগৎপা অমসুং লমদম অসিগী নহাশিংবু অৱাং-নোংপোক অমসুং লৈবাক শিনবা থুংনা কান্নরবা থবক্কী এক্সপরিয়েন্স ফংহনবদা মতেং পাংলি।"

শাংদোক্লবা ইন্তরভেন্সন অসিনা পি.এম.-এন.এ.পি.এস.কী মখাদা ফংলিবা মতেং অদুগী মথক্তা থা খুদিংগী লুপা ১,৫০০গী অহেনবা শেলগী ইন্সেন্তিবকী কভরেজসু পাকথোক চাউথোকহল্লি। পাইলোত অসিনা মরুওইনা মখোয়গী দোমিশিল স্তেৎকী মপান্দা চৎপা এপ্রেন্তিসশিংদা মতেং পাংবগা লোয়ননা, নৌনা শেমদোক্লবা ইনিসিয়েতিব অসিদা হৌজিক অৱাং-নোংপোক্কী মখোয়গী ময়ুম ওইরিবা রাজ্যশিংদা থবক তৌরিবা এপ্রেন্তিসশিংসু য়াওরগনি।

শেলগী মতেং পীবগী মথক্তা, ইনিসিএতিব অসিনা ৱর্কশোপশিং, এৱারনেস কেম্পেনশিং, এমপ্লোয়র এনগেজমেন্ত প্রোগ্রামশিং অমসুং লমদম অসিদা লৈরিবা এজুকেস্নেল ইন্সতিত্যুসনশিং অমসুং ইন্দস্ত্রী স্তেকহোল্দরশিংগা খুৎশম্নদুনা এপ্রেন্তিসশিপ ইকোসিস্তেম মপাঙ্গল কনখৎহনবদা মিৎয়েং থমখিগনি।

পাইলোত ইনিসিএতিব অসিনা মসিগী অহানবা চহিগী মনুংদা পুক্নিং থৌগৎনিংঙাই ওইবা মহৈশিং ফংখি। এপ্রেন্তিস ২৬,০০০গী পান্দম থম্বা অদুগা চাংদম্নবদা, প্রোগ্রাম অসিনা এপ্রেন্তিস ২৩,৪৭০বু থবক তৌহনবদা মতেং পাংখি অমসুং পান্দমগী চাদা ৯০ হেন্না ফংখি। লমদম অসিদা এপ্রেন্তিসশিপ এঙ্গেজমেন্ত অসি চাদা ৫১ হেনগৎখি। শেনবা চহি ২০২৪-২৫দা ওইবা ১৫,৫৬২দগী শেনবা চহি ২০২৫-২৬দা ২৩,৪৭০দা হেনগৎখি। ইনিসিয়েতিব অসিনা মোলিবিলিতীসু মায় পাক্না প্রমোৎ তৌখি। এপ্রেন্তিস ১৩,৬৭৩না মখোয়গী দোমিশাইল স্তেতকী মপান্দা খুদোংচাবশিং ফংখি অদুগা এপ্রেন্তিস ৯,৭৯৭না অৱাং-নোংপোক লমদমগী মনুংদা থবক তৌখি।

পাইলোৎ ইন্তরভেন্সন অসিনা অৱাং-নোংপোক লমদম পুম্বদা এপ্রেন্তিসশিপ্তা শরুক য়াবগী চাং হেনগৎলকপা উবা ফংখি। মেঘালয়দা চাদা ৯৫ হেনগৎলকপা থেংনখি। নুপীশিং অসি মরুওইবা বেনিফিসরীশিং ওইনা উবা ফংখি, নুপীশিংগী এপ্রেন্তিসশিপ এঙ্গেজমেন্তদা মশক থোকপা হেনগৎলকপা উবা ফংখি। এমপ্লোয়রশিংনা শরুক য়াবা হেনগৎলকখি। সরকারগী ইষ্টাব্লিসমেন্তশিংগী খুত্থাংদা এপ্রেন্তিসশিপ্তা শরুক য়াবা হেনগৎলকখি অমসুং প্রাইবেৎ সেক্তরদা শরুক য়াবশু হেনগৎলকখি।

ইন্দস্ত্রীগা মরী লৈনবা ত্রেনিং অমসুং থবক্কী খুদোংচাবশিং ফংহন্দুনা, খোংথাং অসিনা অৱাং-নোংপোক লমদমগী নহারোলশিংবু মপাঙ্গল কনখৎহন্নবা অমসুং স্কিল ইন্দিয়া মিসনগী খুত্থাংদা ইনক্লুসিব গ্রোথ হেনগৎহন্নবা সরকারগী অচেৎপা ফিরেপ অদু অমুক হন্না ফোংদোক্লি।

***