ਕੇਂਦਰੀ ਕਿਰਤ ਅਤੇ ਰੁਜ਼ਗਾਰ ਅਤੇ ਯੁਵਾ ਮਾਮਲਿਆਂ ਅਤੇ ਖੇਡ ਮੰਤਰੀ ਡਾ. ਮਨਸੁਖ ਮਾਂਡਵੀਆ 14 ਜੁਲਾਈ, 2026 ਨੂੰ ਤੇਲੰਗਾਨਾ ਦੇ ਸਨਥਨਗਰ ਵਿੱਚ ਕਰਮਚਾਰੀ ਰਾਜ ਬੀਮਾ ਨਿਗਮ (ਈਐੱਸਆਈਸੀ) ਹਸਪਤਾਲ ਤੋਂ ਦੇਸ਼ ਭਰ ਵਿੱਚ ਸੱਤ ਕਰਮਚਾਰੀ ਰਾਜ ਬੀਮਾ (ਈਐੱਸਆਈ) ਸਿਹਤ ਸੰਭਾਲ ਪ੍ਰੋਜੈਕਟਾਂ ਦਾ ਉਦਘਾਟਨ ਕਰਨਗੇ। ਕੇਂਦਰੀ ਮੰਤਰੀ ਸਨਥਨਗਰ ਵਿੱਚ ਈਐੱਸਆਈਸੀ ਹਸਪਤਾਲ ਦੇ ਨਵੇਂ ਓਪੀਡੀ ਬਲੌਕ ਦਾ ਉਦਘਾਟਨ ਕਰਨਗੇ ਅਤੇ ਛੇ ਪ੍ਰੋਜੈਕਟਾਂ ਦਾ ਵਰਚੁਅਲ ਉਦਘਾਟਨ ਕਰਨਗੇ: ਜਿਨ੍ਹਾਂ ਦੇ ਨਾਮ ਹਨ ਅਸਾਮ ਦੇ ਬੇਲਟੋਲਾ ਵਿੱਚ ਅੱਪਗ੍ਰੇਡ ਕੀਤਾ ਗਿਆ 200-ਬਿਸਤਰਿਆਂ ਵਾਲਾ ਈਐੱਸਆਈਸੀ ਹਸਪਤਾਲ; ਤਮਿਲ ਨਾਡੂ ਦੇ ਸ਼੍ਰੀਪੇਰੰਬੁਦੁਰ ਵਿੱਚ 100-ਬਿਸਤਰਿਆਂ ਵਾਲਾ ਈਐੱਸਆਈਸੀ ਹਸਪਤਾਲ; ਆਂਧਰਾ ਪ੍ਰਦੇਸ਼ ਦੇ ਰਾਜਮਹੇਂਦਰਵਰਮ ਵਿੱਚ ਈਐੱਸਆਈਸੀ ਹਸਪਤਾਲ; ਗੁਜਰਾਤ ਦੇ ਸੁਰੇਂਦਰਨਗਰ, ਵਿੱਚ ਈਐੱਸਆਈ ਡਿਸਪੈਂਸਰੀ ਅਤੇ ਸ਼ਾਖਾ ਦਫ਼ਤਰ; ਕੋਟਾ ਦੇ ਉਦਯੋਗ ਨਗਰ ਵਿੱਚ ਈਐੱਸਆਈ ਡਿਸਪੈਂਸਰੀ ਅਤੇ ਸ਼ਾਖਾ ਦਫ਼ਤਰ; ਅਤੇ ਰਾਜਸਥਾਨ ਦੇ ਭਵਾਨੀ ਮੰਡੀ ਵਿੱਚ ਈਐੱਸਆਈ ਡਿਸਪੈਂਸਰੀ। ਲਗਭਗ ₹668 ਕਰੋੜ ਦੀ ਲਾਗਤ ਨਾਲ ਬਣੀਆਂ ਇਹ ਡਾਕਟਰੀ ਸਹੂਲਤਾਂ ਦੇਸ਼ ਭਰ ਵਿੱਚ ਲਗਭਗ 53 ਲੱਖ ਲਾਭਪਾਤਰੀਆਂ ਦੀਆਂ ਸਿਹਤ ਸੰਭਾਲ ਜ਼ਰੂਰਤਾਂ ਨੂੰ ਪੂਰਾ ਕਰਨਗੀਆਂ।

ਕੇਂਦਰੀ ਕਿਰਤ ਅਤੇ ਰੁਜ਼ਗਾਰ ਅਤੇ ਸੂਖਮ, ਛੋਟੇ ਅਤੇ ਦਰਮਿਆਨੇ ਉੱਦਮ ਰਾਜ ਮੰਤਰੀ, ਸ਼੍ਰੀਮਤੀ ਸ਼ੋਭਾ ਕਰੰਦਲਾਜੇ ਵੀ ਇਸ ਸਮਾਗਮ ਵਿੱਚ ਸ਼ਾਮਲ ਹੋਣਗੇ। ਇਸ ਸਮਾਗਮ ਦੇ ਅੰਤਰਗਤ, ਡਾ. ਮਾਂਡਵੀਆ ਤੇਲੰਗਾਨਾ ਦੇ ਸਨਥਨਗਰ ਵਿੱਚ ਈਐੱਸਆਈਸੀ ਹਸਪਤਾਲ ਦੇ ਓਪੀਡੀ ਬਲੌਕ ਦੇ ਵਿਕਾਸ ਵਿੱਚ ਯੋਗਦਾਨ ਪਾਉਣ ਵਾਲੇ ਨਿਰਮਾਣ ਕਾਮਿਆਂ ਨੂੰ ਸਨਮਾਨਿਤ ਕਰਨਗੇ ਅਤੇ ਰਾਸ਼ਟਰ ਨਿਰਮਾਣ ਵਿੱਚ ਉਨ੍ਹਾਂ ਦੇ ਯੋਗਦਾਨ ਨੂੰ ਮਾਨਤਾ ਦੇਣਗੇ। ਉਹ ਈਐੱਸਆਈ ਲਾਭਪਾਤਰੀਆਂ ਨੂੰ ਨਕਦੀ ਵੀ ਵੰਡਣਗੇ, ਜੋ ਕਿ ਵਰਕਰ ਭਲਾਈ ਪ੍ਰਤੀ ਸਰਕਾਰ ਦੀ ਵਚਨਬੱਧਤਾ ਨੂੰ ਦਰਸਾਉਂਦਾ ਹੈ।

ਈਐੱਸਆਈਸੀ ਹਸਪਤਾਲ, ਸਨਾਥਨਗਰ; ਤੇਲੰਗਾਨਾ

ਸਨਾਥਨਗਰ ਵਿਖੇ ਈਐੱਸਆਈਸੀ ਮੈਡੀਕਲ ਕਾਲਜ ਅਤੇ ਹਸਪਤਾਲ ਵਿੱਚ ਨਵਾਂ ਓਪੀਡੀ ਬਲੌਕ ਇੱਕ ਇਤਿਹਾਸਕ ਸਿਹਤ ਸੰਭਾਲ ਸਹੂਲਤ ਹੈ ਜੋ ਹੈਦਰਾਬਾਦ, ਮੇਡਚਲ-ਮਲਕਾਜਗਿਰੀ, ਸੰਗਰੇਡੀ, ਰੰਗਾ ਰੈਡੀ ਅਤੇ ਮਹਿਬੂਬਨਗਰ ਜ਼ਿਲ੍ਹਿਆਂ ਸਮੇਤ ਪੂਰੇ ਤੇਲੰਗਾਨਾ ਵਿੱਚ 12,30,183 ਬੀਮਾਯੁਕਤ ਵਿਅਕਤੀਆਂ ਅਤੇ ਲਾਭਪਾਤਰੀਆਂ ਨੂੰ ਆਧੁਨਿਕ, ਵਿਆਪਕ ਆਊਟਪੇਸ਼ੈਂਟ ਸੇਵਾਵਾਂ ਪ੍ਰਦਾਨ ਕਰੇਗਾ।

43,611.04 ਵਰਗ ਮੀਟਰ ਦੇ ਬਿਲਟ-ਅੱਪ ਖੇਤਰ ਵਿੱਚ 211.13 ਕਰੋੜ ਰੁਪਏ ਦੀ ਕੁੱਲ ਲਾਗਤ ਨਾਲ ਫੈਲੇ ਇਸ ਹਸਪਤਾਲ ਵਿੱਚ ਜਨਰਲ ਮੈਡੀਸਨ, ਈਐਨਟੀ, ਦੰਦਾਂ ਦਾ ਇਲਾਜ, ਪ੍ਰਸੂਤੀ ਅਤੇ ਗਾਇਨੀਕੋਲੋਜੀ, ਨੇਤਰ ਵਿਗਿਆਨ, ਆਰਥੋਪੀਡਿਕਸ, ਮਨੋਰੋਗ ਵਿਗਿਆਨ, ਚਮੜੀ ਵਿਗਿਆਨ, ਪਲਮੋਨੋਲੋਜੀ, ਬਾਲ ਰੋਗ ਵਿਗਿਆਨ, ਜਨਰਲ ਸਰਜਰੀ ਅਤੇ ਆਯੁਸ਼ ਲਈ ਓਪੀਡੀ ਕੰਪਲੈਕਸ ਹਨ, ਇਸ ਤੋਂ ਇਲਾਵਾ ਸਰੀਰਕ ਦਵਾਈ ਅਤੇ ਪੁਨਰਵਾਸ, ਰੇਡੀਓਲੋਜੀ, ਯੋਗਾ, 180 ਜਨਰਲ ਬੈੱਡ (ਤਿੰਨ 60-ਬਿਸਤਰਿਆਂ ਵਾਲੇ ਵਾਰਡਾਂ ਵਿੱਚ), 25 ਇੰਟੈਂਸਿਵ ਕੇਅਰ ਯੂਨਿਟ (ਆਈਸੀਯੂ) ਅਤੇ 20 ਨਿਓਨੇਟਲ ਇੰਟੈਂਸਿਵ ਕੇਅਰ ਯੂਨਿਟ (ਐਨਆਈਸੀਯੂ) ਬੈੱਡ, ਮੈਡੀਕਲ ਸਟੋਰ ਅਤੇ ਇੱਕ ਕਲੀਨਿਕਲ ਲੈਕਚਰ ਥੀਏਟਰ ਹੈ।

ਇਹ ਉਦਘਾਟਨ ਨਾਲ ਤੇਲੰਗਾਨਾ ਦੀ ਵਿਆਪਕ ਈਐੱਸਆਈ ਸਿਹਤ ਸੰਭਾਲ ਪ੍ਰਣਾਲੀ ਨੂੰ ਹੋਰ ਮਜ਼ਬੂਤ ​​ਮਿਲੇਗੀ, ਜੋ ਕਿ ਪਹਿਲਾਂ ਉਸ ਸਮੇਂ ਦੇ ਸੰਯੁਕਤ ਰਾਜ ਆਂਧਰਾ ਪ੍ਰਦੇਸ਼ ਅਤੇ ਤੇਲੰਗਾਨਾ ਲਈ ਜੁੜਵੇਂ ਸ਼ਹਿਰਾਂ ਹੈਦਰਾਬਾਦ ਅਤੇ ਸਿਕੰਦਰਾਬਾਦ ਵਿੱਚ ਲਾਗੂ ਕੀਤਾ ਗਿਆ ਸੀ। ਇਸ ਯੋਜਨਾ ਨੂੰ 30 ਮਾਰਚ, 1975 ਤੋਂ ਈਐੱਸਆਈ ਐਕਟ ਦੇ ਅਧੀਨ ਆਉਣ ਵਾਲੀਆਂ ਸੰਸਥਾਵਾਂ ਨੂੰ ਸ਼ਾਮਲ ਕਰਨ ਲਈ ਵਧਾਇਆ ਗਿਆ ਸੀ, ਅਤੇ ਬਾਅਦ ਵਿੱਚ ਸਾਲਾਂ ਦੌਰਾਨ ਹੋਰ ਭੂਗੋਲਿਕ ਖੇਤਰਾਂ ਵਿੱਚ ਵੀ ਫੈਲਾਇਆ ਗਿਆ ਸੀ। ਅੱਜ, ਈਐੱਸਆਈਸੀ 2.0 ਸੁਧਾਰਾਂ ਦੇ ਤਹਿਤ, ਇਹ ਯੋਜਨਾ ਤੇਲੰਗਾਨਾ ਦੇ ਸਾਰੇ 33 ਜ਼ਿਲ੍ਹਿਆਂ (9 ਪੁਰਾਣੇ ਜ਼ਿਲ੍ਹਿਆਂ ਤੋਂ ਵਿਭਾਜਿਤ) ਵਿੱਚ ਲਾਗੂ  ਹੈ, ਜਿਸ ਨਾਲ ਰਾਜ ਵਿੱਚ 19,15,700 ਬੀਮਾਯੁਕਤ ਵਿਅਕਤੀਆਂ ਅਤੇ 74,32,916 ਲਾਭਪਾਤਰੀਆਂ ਨੂੰ ਸਮਾਜਿਕ ਸੁਰੱਖਿਆ ਲਾਭ ਮਿਲ ਰਿਹਾ ਹੈ।

ਈਐੱਸਆਈਸੀ ਹਸਪਤਾਲ, ਬੇਲਟੋਲਾ, ਅਸਾਮ

ਬੇਲਟੋਲਾ ਵਿਖੇ ਈਐੱਸਆਈਸੀ ਹਸਪਤਾਲ ਅਸਾਮ ਅਤੇ ਮੇਘਾਲਿਆ ਦੇ 47 ਜ਼ਿਲ੍ਹਿਆਂ ਦੇ ਨਾਲ-ਨਾਲ ਤ੍ਰਿਪੁਰਾ, ਮਿਜ਼ੋਰਮ, ਮਨੀਪੁਰ, ਨਾਗਾਲੈਂਡ ਅਤੇ ਅਰੁਣਾਚਲ ਪ੍ਰਦੇਸ਼ ਦੇ 41 ਜ਼ਿਲ੍ਹਿਆਂ ਦੇ ਲੋਕਾਂ ਦੀ ਸੇਵਾਵਾਂ ਪ੍ਰਦਾਨ ਕਰਦਾ ਹੈ। ਇਸ ਸਹੂਲਤ ਤੋਂ 3.42 ਲੱਖ ਬੀਮਾਯੁਕਤ ਵਿਅਕਤੀਆਂ ਅਤੇ ਕੁੱਲ ਲਗਭਗ 13.27 ਲੱਖ ਲਾਭਪਾਤਰੀਆਂ ਨੂੰ ਲਾਭ ਮਿਲਣ ਦੀ ਉਮੀਦ ਹੈ।

ਈਐੱਸਆਈਸੀ ਹਸਪਤਾਲ, ਸ਼੍ਰੀਪੇਰੰਬੁਦੂਰ, ਤਮਿਲ ਨਾਡੂ

100 ਬਿਸਤਰਿਆਂ ਵਾਲਾ ਈਐੱਸਆਈਸੀ ਹਸਪਤਾਲ ਸ਼੍ਰੀਪੇਰੰਬਦੂਰ ਵਿੱਚ ਸਥਿਤ ਹੈ, ਜੋ ਕਿ ਭਾਰਤ ਦੇ ਪ੍ਰਮੁੱਖ ਨਿਰਮਾਣ ਅਤੇ ਇਲੈਕਟ੍ਰੋਨਿਕਸ ਹੱਬਾਂ ਵਿੱਚੋਂ ਇੱਕ ਵਜੋਂ ਉਭਰਿਆ ਹੈ। ਇਹ ਹਸਪਤਾਲ ਆਊਟਪੇਸ਼ੈਂਟ ਵਿਭਾਗ (ਓਪੀਡੀ), ਐਮਰਜੈਂਸੀ ਰੂਮ, ਲੇਬਰ ਰੂਮ, ਓਪਰੇਟਿੰਗ ਥੀਏਟਰ, ਇੰਟੈਂਸਿਵ ਕੇਅਰ ਯੂਨਿਟ (ਆਈਸੀਯੂ), ਇੰਟੈਂਸਿਵ ਕੇਅਰ ਯੂਨਿਟ (ਆਈਪੀਡੀ), ਐਕਸ-ਰੇ ਲੈਬ ਅਤੇ ਫਾਰਮੇਸੀ ਵਰਗੀਆਂ ਸਹੂਲਤਾਂ ਪ੍ਰਦਾਨ ਕਰੇਗਾ, ਜਿਸ ਨਾਲ ਕਾਂਚੀਪੁਰਮ ਅਤੇ ਤਿਰੂਵੱਲੂਰ ਜ਼ਿਲ੍ਹਿਆਂ ਵਿੱਚ 5.5 ਲੱਖ ਤੋਂ ਵੱਧ ਬੀਮਾਯੁਕਤ ਵਿਅਕਤੀਆਂ ਨੂੰ ਡਾਕਟਰੀ ਸੇਵਾਵਾਂ ਪ੍ਰਾਪਤ ਕਰਨ ਵਿੱਚ ਆਸਾਨੀ ਹੋਵੇਗੀ।

ਈਐੱਸਆਈਐੱਸ ਹਸਪਤਾਲ, ਰਾਜਾਮਹੇਂਦਰਵਰਮ, ਆਂਧਰਾ ਪ੍ਰਦੇਸ਼

ਰਾਜਮਹੇਂਦਰਵਰਮ ਵਿੱਚ ਈਐੱਸਆਈਐੱਸ ਹਸਪਤਾਲ 1,31,190 ਬੀਮਾਯੁਕਤ ਵਿਅਕਤੀਆਂ ਅਤੇ ਕੁੱਲ ਮਿਲਾ ਕੇ ਲਗਭਗ 252,717 ਲਾਭਪਾਤਰੀਆਂ ਦੀ ਸੇਵਾ ਪ੍ਰਦਾਨ ਕਰੇਗਾ। ਇਸ ਵਿੱਚ ਵੱਡੀ ਗਿਣਤੀ ਵਿੱਚ ਮਰੀਜ਼ਾਂ ਨੂੰ ਸੰਭਾਲਣ ਲਈ। 26 ਸਮਰਪਿਤ ਆਊਟਪੇਸ਼ੈਂਟ ਵਿਭਾਗ ਕਮਰੇ ਅਤੇ ਤਿੰਨ ਅਤਿ-ਆਧੁਨਿਕ ਮਾਡਿਊਲਰ ਆਪ੍ਰੇਸ਼ਨ ਥੀਏਟਰ ਸਮੇਤ ਹੋਰ ਪ੍ਰਮੁੱਖ ਸਹੂਲਤਾਂ ਮੌਜੂਦ ਹਨ। 

ਈਐੱਸਆਈ ਡਿਸਪੈਂਸਰੀ ਅਤੇ ਬ੍ਰਾਂਚ ਦਫ਼ਤਰ, ਸੁਰੇਂਦਰਨਗਰ, ਗੁਜਰਾਤ

ਸੁਰੇਂਦਰਨਗਰ ਜ਼ਿਲ੍ਹੇ ਵਿੱਚ ਈਐੱਸਆਈਸੀ ਯੋਜਨਾ ਦੇ ਅਧੀਨ ਲਗਭਗ 9,192 ਬੀਮਾਯੁਕਤ ਵਿਅਕਤੀ ਸ਼ਾਮਿਲ ਹਨ। ਈਐੱਸਆਈ ਡਿਸਪੈਂਸਰੀ ਅਤੇ ਬ੍ਰਾਂਚ ਦਫ਼ਤਰ ਲਗਭਗ 35,000 ਲਾਭਪਾਤਰੀਆਂ ਨੂੰ ਈਐੱਸਆਈਸੀ ਦੀ ਡਾਕਟਰੀ ਦੇਖਭਾਲ ਅਤੇ ਸਮਾਜਿਕ ਸੁਰੱਖਿਆ ਲਾਭਾਂ ਦਾ ਲਾਭ ਉਠਾਉਣ ਵਿੱਚ ਮਦਦ ਕਰੇਗਾ। ਇਹ ਏਕੀਕ੍ਰਿਤ ਸਹੂਲਤ ਮੁੱਢਲੀ ਸਿਹਤ ਸੰਭਾਲ, ਡਾਕਟਰੀ ਸਲਾਹ, ਜ਼ਰੂਰੀ ਦਵਾਈਆਂ ਅਤੇ ਹੋਰ ਡਾਕਟਰੀ ਲਾਭ ਇੱਕੋ ਛੱਤ ਹੇਠ ਉਪਲਬਧ ਕਰਾਏਗੀ।

ਈਐੱਸਆਈ ਡਿਸਪੈਂਸਰੀ ਅਤੇ ਸ਼ਾਖਾ ਦਫ਼ਤਰ, ਉਦਯੋਗ ਨਗਰ, ਕੋਟਾ, ਰਾਜਸਥਾਨ

ਕੋਟਾ ਸਥਿਤ ਈਐੱਸਆਈ ਡਿਸਪੈਂਸਰੀ ਅਤੇ ਸ਼ਾਖਾ ਦਫ਼ਤਰ ਕੋਟਾ ਦੇ ਉਦਯੋਗਿਕ ਖੇਤਰ ਵਿੱਚ ਰਹਿਣ ਅਤੇ ਕੰਮ ਕਰਨ ਵਾਲੇ ਵੱਡੀ ਗਿਣਤੀ ਵਿੱਚ ਬੀਮਾਯੁਕਤ ਕਾਮਿਆਂ ਅਤੇ ਉਨ੍ਹਾਂ ਦੇ ਆਸ਼ਰਿਤਾਂ ਦੀ ਵੱਡੀ ਸੰਖਿਆਂ ਨੂੰ ਸੇਵਾਵਾਂ ਪ੍ਰਦਾਨ ਕਰੇਗਾ। ਇਸ ਸਹੂਲਤ ਨਾਲ 1,500 ਤੋਂ ਵੱਧ ਮਾਲਕਾਂ ਅਤੇ ਲਗਭਗ 75,000 ਬੀਮਾਯੁਕਤ ਵਿਅਕਤੀਆਂ ਅਤੇ ਉਨ੍ਹਾਂ ਦੇ 291,000 ਆਸ਼ਰਿਤਾਂ ਨੂੰ ਇਸਦੇ ਅਧਿਕਾਰ ਖੇਤਰ ਵਿੱਚ ਲਾਭ ਪਹੁੰਚਾਏਗੀ।

ਈਐੱਸਆਈ ਡਿਸਪੈਂਸਰੀ, ਭਵਾਨੀ ਮੰਡੀ, ਰਾਜਸਥਾਨ

ਇਹ ਸਹੂਲਤ ਰਾਜਸਥਾਨ ਦੇ ਪ੍ਰਮੁੱਖ ਟੈਕਸਟਾਈਲ ਕੇਂਦਰਾਂ ਵਿੱਚੋਂ ਇੱਕ, ਭਵਾਨੀ ਮੰਡੀ ਉਦਯੋਗਿਕ ਕਲੱਸਟਰ ਵਿੱਚ ਕਾਮਿਆਂ ਲਈ ਸਥਾਪਿਤ ਕੀਤੀ ਗਈ ਹੈ। ਇਸ ਈਐੱਸਆਈਐੱਸ ਡਿਸਪੈਂਸਰੀ ਦੀ ਸਥਾਪਨਾ ਨਾਲ ਆਲੇ ਦੁਆਲੇ ਦੇ ਖੇਤਰ ਵਿੱਚ ਰਹਿਣ ਵਾਲੇ ਲਗਭਗ 800 ਕਾਮਿਆਂ ਨੂੰ ਸਿਹਤ ਸੰਭਾਲ ਸੇਵਾਵਾਂ ਪ੍ਰਾਪਤ ਹੋਣਗੀਆਂ, ਜਿਨ੍ਹਾਂ ਵਿੱਚ 27,715 ਬੀਮਾਯੁਕਤ ਵਿਅਕਤੀ ਅਤੇ ਉਨ੍ਹਾਂ ਦੇ ਲਗਭਗ 107,535 ਆਸ਼ਰਿਤ ਸ਼ਾਮਲ ਹਨ।

******

ਰਿਨੀ ਚੌਧਰੀ/ਬਲਜੀਤ