પ્રધાનમંત્રી શ્રી નરેન્દ્ર મોદીના “સહકાર સે સમૃદ્ધિ” ના વિઝન અને કેન્દ્રીય ગૃહ અને સહકાર મંત્રી શ્રી અમિત શાહના નેતૃત્વ હેઠળ, દેશમાં સહકારી ક્ષેત્ર ખેડૂતોની સમૃદ્ધિ સુનિશ્ચિત કરવા, કૃષિ માર્કેટિંગનું આધુનિકીકરણ કરવા અને ગ્રામીણ અર્થતંત્રને મજબૂત કરવા તરફ સતત આગળ વધી રહ્યું છે. આ પ્રયાસના ભાગરૂપે, કેન્દ્રીય ગૃહ અને સહકાર મંત્રી શ્રી અમિત શાહ 13 જુલાઈ 2026ના રોજ ગુજરાતના ગાંધીનગર જિલ્લાના દહેગામ ખાતે એગ્રીકલ્ચરલ પ્રોડ્યુસ માર્કેટ કમિટી એપીએમસી (APMC) ના અમૃત મહોત્સવ દરમિયાન નવા શાકભાજી સબ-યાર્ડનું ઉદ્ઘાટન કરશે. આ પ્રસંગે ગુજરાતના મુખ્યમંત્રી શ્રી ભૂપેન્દ્રભાઈ પટેલ, દહેગામ એપીએમસીના ચેરમેન શ્રી સુમેરુ અમીન, સહકારી પ્રતિનિધિઓ, એપીએમસીના સભ્યો અને અન્ય મહાનુભાવો પણ ઉપસ્થિત રહેશે.

કાર્યક્રમ દરમિયાન, કેન્દ્રીય ગૃહ અને સહકાર મંત્રી શ્રી અમિત શાહ ‘એક પેડ મા કે નામ’ અભિયાન હેઠળ છોડ રોપશે અને એપીએમસી દ્વારા વિકસાવવામાં આવેલા નવા શાકભાજી સબ-યાર્ડનું ઉદ્ઘાટન કરશે.

શ્રી અમિત શાહ એપીએમસીના અમૃત મહોત્સવ નિમિત્તે તૈયાર કરવામાં આવેલી સ્મરણિકા પુસ્તિકાનું પણ વિમોચન કરશે. કાર્યક્રમ દરમિયાન તેઓ દહેગામ એપીએમસી બોર્ડના સભ્યો સાથે સંવાદ કરશે.

SM/.IJ/JD