কেন্দ্ৰীয় গৃহ আৰু সমবায় মন্ত্ৰী শ্ৰী অমিত শ্বাহ আৰু কেন্দ্ৰীয় কৃষি তথা কৃষক কল্যাণ মন্ত্ৰী শ্ৰী শিৱৰাজ সিং চৌহানে এল নিনোৰ বাবে দেশৰ কিছু অঞ্চলত স্বাভাৱিকতকৈ কম বৰষুণৰ প্ৰভাৱ সন্দৰ্ভত পৰ্যালোচনা কৰে। এই বৈঠকত কেন্দ্ৰীয় গৃহ সচিব আৰু কেন্দ্ৰীয় কৃষি তথা কৃষক কল্যাণ সচিবকে ধৰি বিভিন্ন মন্ত্ৰালয় আৰু বিভাগৰ জ্যেষ্ঠ বিষয়াসকল উপস্থিত থাকে।

কেন্দ্ৰীয় গৃহ তথা সমবায় মন্ত্ৰী শ্ৰী অমিত শ্বাহে কয় যে এল নিনোৰ বাবে দেশৰ একাংশ অঞ্চলত স্বাভাৱিকতকৈ কম বৰষুণ আৰু সম্ভাব্য খৰাং পৰিস্থিতি সন্দৰ্ভত চৰকাৰে নিৰন্তৰ নিৰীক্ষণ কৰি আছে। তেওঁ কৃষি মন্ত্ৰালয় আৰু আনুষংগিক সকলো মন্ত্ৰালয়ক সজাগ হৈ থাকিবলৈ আৰু ৰাজ্য চৰকাৰৰ সৈতে সমন্বয় স্থাপন কৰি কৃষকসকলক বীজ সিঁচাৰ উপযুক্ত শস্যৰ বিষয়ে পৰামৰ্শ দিবলৈ নিৰ্দেশ দিয়ে। শ্ৰী শ্বাহে জলসম্পদ বিভাগৰ বিষয়াসকলক সমগ্ৰ দেশৰ সকলো সৰু-বৰ জলাশয় নিৰীক্ষণ কৰিবলৈ নিৰ্দেশ দিয়ে। তেওঁ কম পানী প্ৰয়োজন হোৱা বিকল্প শস্য, যেনে- পশুখাদ্য, কণীধান, দাইল আদিৰ ওপৰত গুৰুত্ব দিয়াৰ প্ৰয়োজনীয়তাৰ ওপৰতো আলোকপাত কৰে।

কেন্দ্ৰীয় গৃহমন্ত্ৰীগৰাকীয়ে কেন্দ্ৰীয় শক্তি মন্ত্ৰালয়ৰ সচিবক সুচাৰুৰূপে আৰু পৰ্যাপ্ত বিদ্যুৎ যোগান নিশ্চিত কৰাৰ বাবে প্ৰয়োজনীয় ব্যৱস্থা গ্ৰহণ কৰিবলৈও নিৰ্দেশ দিয়ে।

বৈঠকৰ সময়ত গৃহমন্ত্ৰীগৰাকীক এই কথাও জনোৱা হয় যে দেশত ধান আৰু ঘেঁহুকে ধৰি পৰ্যাপ্ত পৰিমাণৰ অত্যাৱশ্যকীয় খাদ্যশস্য উপলব্ধ আৰু অত্যাৱশ্যকীয় সামগ্ৰীৰ দাম স্থিৰ হৈ আছে।

এই বৈঠকত কৃষি আৰু কৃষক কল্যাণ বিভাগৰ সচিব, নদী উন্নয়ন আৰু গংগা পুনৰুজ্জীৱিত বিভাগ, গ্ৰাহক পৰিক্ৰমা বিভাগ, মীন, পশুপালন আৰু দুগ্ধ মন্ত্ৰালয়, পৰিৱেশ, বন আৰু জলবায়ু পৰিৱৰ্তন মন্ত্ৰালয়, শক্তি মন্ত্ৰালয়, গ্ৰামোন্নয়ন মন্ত্ৰালয়, বিজ্ঞান-প্ৰযুক্তি বিভাগৰ সচিব, সদস্য আৰু মুৰব্বীসকলৰ লগতে ৰাষ্ট্ৰীয় দুৰ্যোগ ব্যৱস্থাপনা কৰ্তৃপক্ষ (এনডিএমএ), ভাৰত বতৰ বিজ্ঞান বিভাগৰ সঞ্চালকপ্ৰধান, কেন্দ্ৰীয় জল আয়োগ, ভাৰতীয় কৃষি গৱেষণা প্ৰতিষ্ঠান আৰু ৰাষ্ট্ৰীয় দূৰৱৰ্তী সংবেদন কেন্দ্ৰৰ অধ্যক্ষকে ধৰি অন্যান্য বিভিন্ন বিভাগৰ বিষয়াসকল উপস্থিত থাকে।

কেন্দ্ৰীয় গৃহমন্ত্ৰীগৰাকীয়ে লগতে শেহতীয়াকৈ হোৱা প্ৰচণ্ড বৰষুণ, কৃত্ৰিম বান আৰু ভূমিস্খলনৰ ফলত হোৱা ক্ষয়-ক্ষতিৰ বুজ ল’বলৈ গৃহ পৰিক্ৰমা মন্ত্ৰালয়ৰ এটা আন্তঃমন্ত্ৰালয় কেন্দ্ৰীয় দল (আই এম চি টি) অসম আৰু অৰুণাচল প্ৰদেশলৈ প্ৰেৰণ কৰিবলৈ নিৰ্দেশ দিয়ে। দুয়োখন ৰাজ্যই ধাৰাসাৰ বৰষুণ, আকস্মিক বানপানী, ভূমিস্খলনৰ ফলত ক্ষতিগ্ৰস্ত হৈছে। আনহাতে অসমৰ কেইবাখনো জিলাত জলপৃষ্ঠ বৃদ্ধি পোৱাৰ বিপৰীতে অৰুণাচল প্ৰদেশৰ কেইবাটাও পাহাৰীয়া অঞ্চলত ভূমিস্খলনে পথ অৱৰোধ কৰি তুলিছে। ফলত আন্তঃগাঁথনি, কৃষি আৰু আৱাসিক অঞ্চলৰ ক্ষতিৰ সঠিক মূল্যায়ন কৰিবলৈ আইএমচিটিৰ দ্বাৰা স্থানীয়ভাৱে মূল্যায়ন কৰাটো অতি প্ৰয়োজনীয় হৈ পৰিছে।

****

RK/PR/PS/KD