ٹیلی کام ریگولیٹری اتھارٹی آف انڈیا(ٹرائی) نے عام ٹیلی کام صارفین کی آگاہی کے لیے مئی 2026 کے دوران آندھرا پردیش لائسنس یافتہ سروس ایریا (اے پی ایل ایس اے) کے تحت حیدرآباد شہر میں کیے گئے آزادانہ ڈرائیو ٹیسٹ کے نتائج جاری کر دیے ہیں۔

اس ڈرائیو ٹیسٹ کا مقصد ٹیلی کام سروس فراہم کرنے والی کمپنیوں کی جانب سے مہیا کی جانے والی موبائل نیٹ ورک خدمات (آواز اور ڈیٹا دونوں) کے حقیقی معیار کا جائزہ لینا اور اس کی تصدیق کرنا ہے۔ اس عمل کے دوران ٹرائی سروس کے معیار سے متعلق اہم اشاریوں، مثلاً نیٹ ورک کی رسائی، کال   ڈراپ ہونے کی شرح(سی ڈی آر)، کال کامیابی سے ملنے کی شرح(کال سیٹ ایپ ریٹ-سی ایس ایس آر)، ڈیٹا ڈاؤن لوڈ(ڈی ایل) اور اپ لوڈ(یو ایل) کی رفتار وغیرہ کا جائزہ لیتی ہے۔ بعد ازاں یہ نتائج عوام کے لیے جاری کیے جاتے ہیں تاکہ صارفین کو درست معلومات فراہم کی جا سکیں اور ٹیلی کام کمپنیاں اپنی خدمات کے معیار کو مزید بہتر بنانے کی کوشش کریں۔

ان آزادانہ ڈرائیو ٹیسٹوں کو اس انداز سے ترتیب دیا گیا ہے کہ مختلف ماحول، جیسے شہری علاقے، زیادہ ہجوم والے مقامات، عوامی نقل و حمل کے مراکز اور دیگر مقامات پر تمام ٹیلی کام سروس فراہم کنندگان کے موبائل نیٹ ورک کی زمینی سطح پر حقیقی کارکردگی کا جائزہ لیا جا سکے۔ اس نوعیت کے ٹیسٹ میں تمام کمپنیوں کے سم کارڈ استعمال کرتے ہوئے دوسری، تیسری، چوتھی اور پانچویں نسل(2 جی/3جی/4جی/5جی) کے موبائل نیٹ ورکس پر براہِ راست ڈیٹا اور صوتی سیشن قائم کیے جاتے ہیں۔ اس مقصد کے لیے متعدد جدید آزمائشی موبائل آلات استعمال کیے جاتے ہیں اور جدید سافٹ ویئر نظاموں کی مدد سے ان سیشن کی حقیقی وقت میں نگرانی اور تجزیہ کیا جاتا ہے۔

ٹرائی نے اپنی نامزد ایجنسی کے ذریعے 14 مئی 2026 سے 16 مئی 2026 تک آندھرا پردیش لائسنس یافتہ سروس ایریا کے تحت حیدرآباد شہر میں 157.9 کلومیٹر طویل شہری ڈرائیو، 12 ہجوم والے مقامات اور 3.1 کلومیٹر پیدل ٹیسٹ انجام دیے۔ یہ تمام ٹیسٹ ٹرائی کے علاقائی دفتر، حیدرآباد کی نگرانی میں کیے گئے۔ڈرائیو ٹیسٹ کی رپورٹ میں درج مشاہدات صرف انہی علاقوں اور راستوں میں اور انہی دنوں اور اوقات کے دوران، ٹیلی کام سروس فراہم کنندگان کی کارکردگی کی عکاسی کرتے ہیں جہاں اور جب یہ ٹیسٹ کیے گئے۔

ڈرائیو ٹیسٹ کا راستہ:ذیل میں دیا گیا نقشہ ڈرائیو ٹیسٹ کے مختلف راستوں کا مجموعی خاکہ پیش کرتا ہے، جس میں شہری ڈرائیو، مختلف کمپنیوں کے درمیان کالنگ ٹیسٹ، ہجوم والے مقامات اور پیدل ٹیسٹ نقشے میں درج علامتوں کی وضاحت کے مطابق دکھائے گئے ہیں۔

جائزہ لیے گئے اہم اشاریے

کوریج میں کمی:ایسے نمونوں کا تناسب جن میں متعلقہ ٹیکنالوجی (2جی/ 3جی/4جی/5جی موبائل نیٹ ورک) کے لیے مقررہ کم سے کم حد سے کم سگنل کی طاقت ریکارڈ کی گئی۔

صوتی خدمات:کال کامیابی سے ملنے کی شرح، کال  ڈراپ ہونے کی شرح، کال  ملنے میں لگنے والا وقت، کال کے دوران خاموشی کی شرح اور آواز کے معیار کا جائزہ۔

کال کے دوران خاموشی کے واقعات:کال کے دوران پیش آنے والے خاموشی کے واقعات کی تعداد۔

ڈیٹا خدمات:ڈیٹا ڈاؤن لوڈ اور اپ لوڈ کی رفتار، تاخیر کا وقت، سگنل کے اتار چڑھاؤ کی شرح، اور ڈیٹا پیکٹ ضائع ہونے کی شرح۔

حیدرآباد میں موبائل نیٹ ورک کی مجموعی کارکردگی کا خلاصہ درج ذیل ہے:

(الف) کوریج میں کمی:(i) ڈرائیو ٹیسٹ کے راستے پر خودکار نیٹ ورک انتخاب (5جی/4 جی،3 جی اور 2 جی) کے دوران صوتی خدمات کی جانچ میں سگنل کی طاقت کا جائزہ لیا گیا۔ مجموعی طور پر حاصل کیے گئے نمونوں میں کمزور سگنل والے نمونوں کی تعداد ایئرٹیل کے لیے 247/22317، بی ایس این ایل کے لیے 3763/21201، آر جے آئی ایل کے لیے 319/22063 اور وی آئی ایل کے لیے 566/22416 ریکارڈ کی گئی۔ کوریج میں کمی کی تفصیلات منسلک نقشے میں دی گئی ہیں۔

(ii) اسی طرح خودکار نیٹ ورک انتخاب(5 جی،4 جی، 3 جی اور 2 جی) کے دوران صوتی خدمات کی جانچ میں ایسے نمونوں کی تعداد، جن میں محدود سروس (یعنی نیٹ ورک دستیاب نہیں تھا)، مجموعی نمونوں کے مقابلے میں ایئرٹیل کے لیے 0/22317، بی ایس این ایل کے لیے 44/21201، آر جے آئی ایل کے لیے 0/22063 اور وی آئی ایل کے لیے 0/22416 ریکارڈ کی گئی۔ کوریج میں کمی کی تفصیلات منسلک نقشے میں درج ہیں۔

(ب)  ڈراپ ہونے والی کالیں:کامیابی سے قائم ہونے والی کالوں کے مقابلے میں  ڈراپ ہونے والی کالوں کی تعداد ایئرٹیل کے لیے 0/200، بی ایس این ایل کے لیے 8/197، آر جے آئی ایل کے لیے 0/202 اور وی آئی ایل کے لیے 0/203 ریکارڈ کی گئی۔  ڈراپ ہونے والی کالوں کے مقامات کی تفصیلات منسلک نقشے میں دی گئی ہیں۔

(ج) کال کے دوران خاموشی کے واقعات:کال کے دوران تین سیکنڈ سے زیادہ جاری رہنے والی خاموشی کے واقعات، کامیابی سے ملنے والی مجموعی کالوں کے مقابلے میں ایئرٹیل کے لیے 2/197، بی ایس این ایل کے لیے 10/170، آر جے آئی ایل کے لیے 0/191 اور وی آئی ایل کے لیے 2/195 ریکارڈ کیے گئے۔ ان مقامات کی تفصیلات جہاں یہ واقعات پیش آئے، منسلک نقشے میں فراہم کی گئی ہیں۔

(د) ڈیٹا ڈاؤن لوڈ اور اپ لوڈ کی رفتار:(i) ڈیٹا ڈاؤن لوڈ کی مجموعی کارکردگی:اوسط ڈاؤن لوڈ رفتار ایئرٹیل کے لیے 66.32 میگا بائٹ فی سیکنڈ (5 جی/4 جی)، بی ایس این ایل کے لیے 5.55 میگا بائٹ فی سیکنڈ (3 جی)، آر جے آئی ایل کے لیے 222.12 میگا بائٹ فی سیکنڈ (5 جی/4 جی) اور وی آئی ایل کے لیے 59.61 میگا بائٹ فی سیکنڈ (5 جی/4 جی/2 جی) ریکارڈ کی گئی۔ ڈاؤن لوڈ رفتار کی تفصیلات منسلک نقشے میں دی گئی ہیں۔

(ii) ڈیٹا اپ لوڈ کی مجموعی کارکردگی:اوسط اپ لوڈ رفتار ایئرٹیل کے لیے 24.54 میگا بائٹ فی سیکنڈ (5 جی/4 جی)، بی ایس این ایل کے لیے 2.54 میگا بائٹ فی سیکنڈ (3 جی)، آر جے آئی ایل کے لیے 19.43 میگا بائٹ فی سیکنڈ (5 جی/4جی ) اور وی آئی ایل کے لیے 13.17 میگا بائٹ فی سیکنڈ (5 جی/4 جی/2 جی ) ریکارڈ کی گئی۔ اپ لوڈ رفتار کی تفصیلات منسلک نقشے میں فراہم کی گئی ہیں۔

آزادانہ ڈرائیو ٹیسٹ کے دوران طے کیے گئے راستوں اور زیرِ احاطہ علاقوں کی تفصیلات درج ذیل ہیں:

(الف) شہر:شہری ڈرائیو کے دوران جن علاقوں کا احاطہ کیا گیا، ان میں نلّاگنڈلہ، حفیظ پیٹ، مادھا پور، درگاہ روڈ، امیر پیٹ، مہدی پٹنم، شمش آباد، پہاڑی شریف روڈ، شاہین نگر، امام گوڈا اور انجن باولی کراس روڈ سمیت حیدرآباد شہر کے دیگر علاقے شامل ہیں۔

(ب) ہاٹ اسپاٹس:ایک ہی مقام پر موجود صارفین کے تجربے کا جائزہ لینے کے لیے درج ذیل مقامات پر ٹیسٹ کیے گئے:

1. آدتیہ فورٹ ویو ولاز،2۔اے آئی جی اسپتال،3۔ڈی مارٹ شیخ پیٹ،4۔ہائی ٹیک سٹی،5۔آئیکیا،6۔کے آئی ایم ایس  ہاسپٹلز، تیسری منزل، سکندرآباد7۔ کے آئی ایم ایس ہاسپٹلز، پندرھویں منزل، سکندرآباد،8۔لنگم پلی ریلوے اسٹیشن،9۔مائنڈ اسپیس،10۔آر ٹی اے  آفس، کونڈاپور،11،سمادھورا اکروپولس،12۔ایس ایم آر ونے آئیکونیا

(ج) پیدل ٹیسٹ:14مئی 2026 کو کیے گئے پیدل ٹیسٹ کے دوران  کےا ٓئی ایم ایس ہاسپٹلز، سکندرآباد کے احاطے کا احاطہ کیا گیا، تاکہ زیادہ ہجوم والے پیدل گزرنے والے ماحول میں موبائل نیٹ ورک کے رویّے کا جائزہ لیا جا سکے۔

اس آزادانہ ڈرائیو ٹیسٹ کی رپورٹ کے نتائج متعلقہ ٹیلی کام سروس فراہم کرنے والی کمپنیوں کے ساتھ شیئر کر دیے گئے ہیں تاکہ وہ اپنی سطح پر ضروری اصلاحی اقدامات کر سکیں۔آزادانہ ڈرائیو ٹیسٹ کی تفصیلی رپورٹ ٹرائی کی ویب سائٹ پر دستیاب ہے۔مزید وضاحت یا اضافی معلومات کے لیے adv.hyderabad@trai.gov.in پر ای میل بھیجی جا سکتی ہے یا ٹرائی کے علاقائی دفتر سے فون نمبر 040-23000761 پر رابطہ کیا جا سکتا ہے۔

ضمیمہ

ڈرائیو ٹیسٹ کے دوران سامنے آنے والی خامیوں یا بہتری کے متقاضی نکات کی اضافی تفصیلات یا ان کی تصویری وضاحت

آزادانہ ڈرائیو ٹیسٹ کے مقامات(آئی ڈی ٹی لوکیشن):نلّاگانڈلہ، حفیظ پیٹ، مادھا پور، درگاہ روڈ، امیر پیٹ، مہدی پٹنم، شمش آباد، پہاڑی شریف روڈ، شاہین نگر، امام گوڈا، انجن باولی کراس روڈ اور حیدرآباد شہر کے دیگر علاقے۔

آزادانہ ڈرائیو ٹیسٹ کا خلاصہ (آئی  ڈی ٹی سمری ):14مئی 2026 سے 16 مئی 2026 کے دوران آندھرا پردیش لائسنس یافتہ سروس ایریا کے تحت حیدرآباد شہر میں 157.9 کلومیٹر شہری ڈرائیو، 12 ہاٹ اسپاٹ مقامات اور 3.1 کلومیٹر پیدل ٹیسٹ انجام دیے گئے۔

ڈرائیو ٹیسٹ کے راستے کا نقشہ:

کوریج میں کمی(کوریج گیپ):صوتی خدمات کی جانچ کے دوران خودکار نیٹ ورک انتخاب (5 جی/ 4 جی/3جی / اور2 جی) کے تحت ڈرائیو ٹیسٹ کے راستے پر سگنل کی طاقت کا جائزہ لیا گیا۔ اس دوران مقررہ کم سے کم معیار سے کم سگنل کی طاقت والے مقامات کی تقسیم درج ذیل رہی:

 

 

نوٹ: سگنل کی طاقت کو ناقص سمجھا جاتا ہے اگر یہ 5 جی اور 4 جی کے لیے-110 ڈی بی ایم ، 3 جی کے لیے-90 ڈی بی ایم ، اور 2 جی کے لیے-85 ڈی بی ایم سے نیچے گر جائے ۔

کوریج میں ریکارڈ کی گئی کمی

نوٹ: یہ نقشہ صرف متحرک ڈرائیو ٹیسٹ کے نتائج کی بنیاد پر تیار کیا گیا ہے۔

(ب)  ڈراپ  ہونے والی کالیں:خودکار نیٹ ورک انتخاب (5 جی،4 جی،3 جی اور 2 جی) کے دوران مختلف ٹیلی کام سروس فراہم کرنے والی کمپنیوں کے لحاظ سے  ڈراپ ہونے والی کالوں کی تفصیلات درج ذیل ہیں:

 

 ڈراپ  ہونے والی کالوں کے مقامات

نوٹ: ڈراپ  ہونے والی کالوں کے مقامات نقشے میں سرخ رنگ سے ظاہر کیے گئے ہیں۔ ان پر کلک کرکے متعلقہ مقام کے درست جغرافیائی محلِ وقوع (عرضِ بلد اور طولِ بلد) کی معلومات حاصل کی جا سکتی ہیں۔

(ج) کال کے دوران خاموشی کے واقعات:خودکار نیٹ ورک انتخاب (5  جی اور 4 جی ) کے دوران مختلف ٹیلی کام سروس فراہم کرنے والی کمپنیوں کے لحاظ سے کال کے دوران خاموشی کے واقعات کی تفصیلات درج ذیل ہیں:

 

کال کے دوران خاموشی کے واقعات کے مقامات

نوٹ:کال کے دوران خاموشی کے واقعات کے مقامات نقشے میں سرخ رنگ سے ظاہر کیے گئے ہیں۔ ان پر کلک کرکے متعلقہ مقام کے درست جغرافیائی محلِ وقوع (عرضِ بلد اور طولِ بلد) کی معلومات حاصل کی جا سکتی ہیں۔

(د) ڈیٹا ڈاؤن لوڈ اور اپ لوڈ کی رفتار:خودکار نیٹ ورک انتخاب (5 جی / 4 جی / 3 جی اور 2 جی ) کے دوران مختلف ٹیلی کام سروس فراہم کرنے والی کمپنیوں کے لحاظ سے، متعلقہ ماہ کے لیے اعلان کردہ معمول کی ڈاؤن لوڈ اور اپ لوڈ رفتار کے مقابلے میں اوسط ڈاؤن لوڈ اور اپ لوڈ رفتار کی تفصیلات درج ذیل ہیں۔

 (i) تھرو پٹ ڈاؤن لوڈ کریں

 

نوٹ:یہ نقشہ صرف متحرک ڈرائیو ٹیسٹ کے نتائج کی بنیاد پر تیار کیا گیا ہے۔

 

(ii) اپ لوڈ کی رفتار

 

 

نوٹ:یہ نقشہ صرف متحرک ڈرائیو ٹیسٹ کے نتائج کی بنیاد پر تیار کیا گیا ہے۔

********

ش ح۔ م م۔ ش ب ن

U-NO-9505

(रिलीज़ आईडी: 2280754) आगंतुक पटल : 6