مال برداری کی صلاحیت اور آپریشنل کارکردگی میں نمایاں بہتری کے لیے  بھارتی ریلوے نے   جنوب مشرقی ریلوےمیں بونڈا منڈا (اے) کیبن سے بونڈامنڈا  لنک ‘بی’ کیبن تک 4.59 کلومیٹر طویل ریل فلائی اوور کی تعمیر کی منظوری دے دی ہے، جس پر 135 کروڑ روپے لاگت آئے گی۔

اس منصوبے کا مقصد اہم راؤرکیلا–بونڈا منڈا سیکشن میں ٹریفک کے دباؤ کو کم کرنا ہے، جو معدنیات اور اسٹیل کی بڑھتی ہوئی پیداوار کے باعث تیزی سے بڑھتی ہوئی مال بردار ٹریفک کا صنعتی کوریڈور بن چکا ہے۔

اہم صنعتی کوریڈور پر صلاحیت میں اضافہ

توقع ہے کہ راؤرکیلا-بونڈامونڈا سیکشن میں سیل کے برسوا-تلڈیہہ-کالٹا کان کنی کمپلیکس کی توسیع ، راؤرکیلا اسٹیل پلانٹ میں پیداوار میں اضافے اور اس ہائی ڈینسٹی نیٹ ورک (ایچ ڈی این) روٹ کے منصوبہ بند دوگنا ہونے کی وجہ سے مال برداری میں خاطر خواہ اضافہ ہوگا ۔

ریل ٹریفک میں متوقع اضافے کو  آسانی سے ایڈجسٹ کرنے کے لیے ، بھارتی ریلوے نے نئے ریل فلائی اوور کی تعمیر کو منظوری دی ہے ، جو مسافروں اور مال بردار خدمات کے درمیان کراسنگ تنازعات کو کم کرتے ہوئے ٹرین کی ہموار نقل و حرکت کو آسان بنائے گی ۔

بونڈا منڈا  یارڈ میں ٹریفک کا دباؤ کم کرنا اور مال برداری کی کارکردگی کو بہتر بنانا

مجوزہ فلائی اوور مال بردار ٹریفک کو مسافر ٹرینوں سے الگ کرے گا، جس سے بونڈامنڈا یارڈ میں ٹریفک کا دباؤ کم ہوگا ۔ اس سے لائن کی گنجائش، آپریشنل کارکردگی، ٹرینوں کی بھروسے مند آمد ورفت اور مجموعی نیٹ ورک کارکردگی بہتر ہوگی۔

منصوبے کی تکمیل کے بعد سالانہ اضافی 8 ملین ٹن(ایم ٹی پی اے) مال بردار ٹریفک کی ہینڈلنگ ممکن ہو گی، جس سے معدنیات اور صنعتی مصنوعات کی ترسیل بہتر ہوگی اور مستقبل کی مانگ کو  پورا کرنے میں مدد ملے گی۔

یہ منصوبہ بھارتی ریلوے کے انرجی، منرل اور سیمنٹ کوریڈور کے تحت شامل ہے، جو ملک میں صنعتی ترقی، تیز مال برداری اور بہتر نقل وحمل  کے لیے ریلوے انفراسٹرکچر کو مضبوط بنانے کے قومی ہدف کی عکاسی کرتا ہے۔

*********

(ش ح۔ت ف۔م ذ)

U.R .9475