مرکزی وزیر تعلیم جناب دھرمیندر پردھان نے آج نئی دہلی میں حکومت مغربی بنگال کے اعلیٰ اور تکنیکی تعلیم کے وزیر جناب جگن ناتھ چٹوپادھیائے اور حکومت مغربی بنگال کے اسکولی تعلیم کے وزیر جناب دیپک برمن کے ساتھ تفصیلی بات چیت کی ۔

بات چیت میں ، جناب دھرمیندر پردھان نے دونوں وزراء کو یقین دلایا کہ مرکزی حکومت ریاست میں قومی تعلیمی پالیسی (این ای پی) 2020 کے موثر نفاذ کے لیے ہر ممکن تعاون فراہم کرے گی ۔ انہوں نے کہا کہ وزارت تعلیم این ای پی کے وژن کے مطابق ریاست میں تعلیمی شعبے کی بحالی کے لیے پرعزم ہے ۔ وزیر موصوف نے کہا کہ مغربی بنگال کے تعلیمی شعبے میں انقلاب آفریں اصلاحات کے واسطے روڈ میپ تیار کرنے کے لیے متعدد سطحوں پر میٹنگیں منعقد کی جا رہی ہیں ۔

بات چیت میں ریاست کے اندر مرکزی وزارت تعلیم کی طرف سے نافذ کی جانے والی مختلف اسکیموں کے نفاذ ، توسیع اور فنڈ مختص کرنے پر توجہ مرکوز کی گئی ، جن میں سمگر شکشا پروگرام ، پی ایم-اوشا (پردھان منتری اُچتر شکشا ابھیان) پی ایم پوشن (پردھان منتری پوشن شکتی نرمان) اور یو ایل ایل اے ایس-نو بھارت ساکشرتا کاریہ کرم شامل ہیں ۔ پی ایم شری اسکولوں کے نیٹ ورک کا دائرہ  شہری مقامی اداروں سے ان بلاکوں تک بڑھانے کا بھی فیصلہ کیا گیا جن کا فی الحال احاطہ نہیں کیا گیا ہے ۔

اعلی تعلیم اور اسکولی تعلیم اور خواندگی کے محکموں کے سکریٹری ڈاکٹر ونیت جوشی کے ہمراہ مرکزی وزارت تعلیم اور ریاستی حکومت کے سینئر عہدیداروں نے بھی میٹنگ میں شرکت کی ۔

***

 ش ح۔م ش ع۔ع د

Urdu No. 9441