ایئر مارشل آشوتوش دکشت پی وی ایس ایم اے وی ایس ایم وی ایم وی ایس ایم نے یکم جولائی 26 کوبھارتی فضائیہ کے  نائب سربراہ کا عہدہ سنبھالا ۔

ایئر مارشل کو 6 دسمبر 1986 کوبھارتی فضایہ کے لڑاکا طیاروں کے شعبے میں کمیشن دیا گیا تھا ۔ وہ 3500 گھنٹے سے زیادہ کی پروازوں کے ساتھ نیشنل ڈیفنس اکیڈمی ، ڈیفنس اسٹاف سروس کالج (بنگلہ دیش) اور نیشنل ڈیفنس کالج کے فارغ التحصیل ہیں ۔ ایئر مارشل کو مختلف طیاروں پر پرواز کا وسیع تجربہ حاصل ہے ؛ جن میں سے چند نام ہیں ؛ مختلف قسم کی  میراج-2000 ، مگ ، ایچ پی ٹی-32 ، اے این-32 ، ایورو ، کرن ، جیگوار ، آئی ایل-78 ، ہاک اور تیجس ۔ وہ ایک تجرباتی ٹیسٹ پائلٹ اور کوالیفائیڈ فلائنگ انسٹرکٹر ہیں ۔ تقریبا چار دہائیوں پر محیط اپنے کیریئر کے دوران ، وہ آپریشن سیفڈ ساگر ، آپریشن رکشک ، کوپ انڈیا اور آپریشن سندور جیسے متعدد آپریشنز اور مشقوں میں سرگرم طور پر شامل رہے ہیں ۔

اپنے شاندار کیریئر کے دوران ، ایئر مارشل نے کئی اہم فیلڈ اور اسٹاف تقرریوں پراپنی خدمات انجام دی  ہیں ۔ کمانڈنگ آفیسر کے طور پر ، انہوں نے نمبر ۔ 9 اسکواڈرن میراج 2000 کے ساتھ اور بعد میں مغربی سیکٹر میں صف اول کے لڑاکا طیاروں کے اڈے اور جنوبی سیکٹر میں ایک پریمیئر فائٹر ٹریننگ بیس کی کمان کی۔ انہوں نے ایئر فورس ٹیسٹ پائلٹس اسکول میں ڈائریکٹنگ اسٹاف کے طور پر خدمات انجام دی ہیں اور ایئر ہیڈکوارٹر میں پرنسپل ڈائریکٹر ایئر اسٹاف کے طور پر اپنی ذمہ داری نبھائی ہے۔ ایئر آفیسر نے سدرن ایئر کمانڈ کے ایئر ڈیفنس کمانڈر کا عہدہ سنبھالا اور ایئر ہیڈ کوارٹرز (ویو بھون) میں اسسٹنٹ چیف آف دی ایئر اسٹاف (پروجیکٹس)اسسٹنٹ چیف آف دی ایئر اسٹاف (پلانز) ہیڈ کوارٹرز ساؤتھ ویسٹرن ایئر کمانڈ میں سینئر ایئر اسٹاف آفیسر اور ایئر ہیڈ کوارٹرز (ویو بھون) میں ڈپٹی چیف آف ایئر اسٹاف کی تقرریوں  پر اپنی خدمات انجام دی ۔

فضائیہ کے عملے کے نائب سربراہ کے طور پر عہدہ سنبھالنے سے پہلے ، ایئر مارشل نے سینٹرل ایئر کمانڈ کے ایئر آفیسر کمانڈنگ ان چیف کے طور پر خدمات انجام دیں ، اور اس کے بعد ہیڈ کوارٹر انٹیگریٹڈ ڈیفنس اسٹاف (ایچ کیو آئی ڈی ایس) میں چیف آف انٹیگریٹڈ ڈیفنس اسٹاف کے چیئرمین ، چیف آف اسٹاف کمیٹی(سی آئی ایس سی) کے سربراہ کے طور پر خدمات انجام دیں ۔فوج کی  تینوں شاخوں  میں اہم عہدوں پر فائز رہتے ہوئے ، ایئر مارشل نے اپنی دور اندیش قیادت کے ساتھ اتحاد اور یکجہتی کے لیے مسلسل کوشش کی ہے ۔  متعدد مشترکہ نظریات اور احکامات جاری کیے گئے ہیں اور تمام شعبوں میں دفاعی افواج کو مضبوط بنانے کے لیے مختلف اقدامات کیے گئے ہیں ۔

ایئر مارشل کو ملک کے لیے ان کی مثالی اور ممتاز خدمات کے اعتراف میں2006 میں وایو سینا میڈل ،2011 میں وششٹ سیوا میڈل  ، 2023 میں اتی وششٹ سیوا میڈل اور 2026 میں پرم وششٹ سیوا میڈل سے نوازا جا چکا ہے ۔

ایئر مارشل آشوتوش دکشت نے ایئر مارشل ناگیش کپور ایس وائی ایس ایم پی وی ایس ایم اے وی ایس ایم وی ایم  کی جگہ بھارتی فضایہ کے نائب سربراہ کا عہدہ سنبھالا ہے ، جو ملک کے لیے 40 سال تک شاندار اور ممتاز خدمات  انجام دینے کے بعد30 جون 2026  سبکدوش ہوگئے ۔

***

ش ح ۔م ع۔اش ق

U. No. 9394