منشیات کی اسمگلنگ  پر قابو پانے اور نارکوٹکس سپلائی نیٹ ورکس کو ختم کرنے  کی اپنی مسلسل کوششوں کے تحت، ڈائرکٹوریٹ آف ریونیو انٹیلی جینس (ڈی آر آئی) نے آج سورت میں 2 کلو گرام کے بقدر کوکین ضبط کی اور  این ڈی پی ایس ایکٹ، 1985 کے متعلقہ پروویژن کے تحت اس کی غیر قانونی اسمگلنگ میں ملوث ایک شخص کو گرفتار کیا۔ 

اس برآمدگی کے علاوہ، ڈی آر آئی  نے ممبئی، دہلی، جے پور، پٹنہ، کوچین اور احمد آباد میں مختلف ہوائی اڈوں، ریلوے اسٹیشنوں، کوریئر ٹرمینلز اور ہائی ویز پر کارروائیوں کا ایک سلسلہ شروع کیا ہے، اور گزشتہ ماہ سے اب تک مجموعی طور پر تقریباً 26 کلو گرام کوکین ضبط کی ہے۔ ان کارروائیوں کے دوران 14 غیر ملکی شہریوں سمیت 22 افراد کو گرفتار کیا گیا ہے۔

ممنوعہ اشیاء کو مختلف طریقوں کے ذریعے اسمگل کیا گیا تھا جیسے کہ جسم کے اندر چھپانے کے لیے نگلنا (منشیات سے بھرے کیپسول یا گولیاں نگل جانا)، گھریلو اور کھانے پینے کی چیزوں میں چھپانا، کپڑوں میں بھگو کر رکھنا، اور سامان وغیرہ میں چھپانا۔

منظم کارروائیوں کے ذریعے، ڈی آر آئی نے مستقل طور پر ان منظم سنڈیکیٹس کو نشانہ بنایا ہے جو نشہ آور ادویات اور نفسیاتی اثرات والی اشیاء  کی اسمگلنگ میں ملوث ہیں، جس سے حکومتِ ہند کے 'نشاء مکت بھارت' (منشیات سے مبرا ہندوستان) کے وژن کو پورا کرنے میں مدد مل رہی ہے۔

ہر سال 26 جون کو منشیات کے استعمال اور غیر قانونی اسمگلنگ کے خلاف عالمی دن کے طور پر منایا جاتا ہے۔ اقوامِ متحدہ کی جانب سے 1987 میں قائم کردہ یہ دن بین الاقوامی سطح پر عالمی برادری کی کارروائیوں کو مضبوط بنانے، منشیات کے تباہ کن اثرات کے بارے میں بیداری پیدا کرنے، اور غیر قانونی تجارتی منشیات کے خلاف جنگ کے لیے وقف ہے۔

**********

 (ش ح –ا ب ن)

U.No:9229