نائب صدر جمہوریہ جناب سی پی رادھا کرشنن نئی دہلی میں واقع ڈاکٹر امبیڈکر بین الاقوامی سینٹر میں 27 جون 2026 کو ’ایم ایس ایم ا ڈے 2026- اُدیَمی بھارت‘ تقریب کی صدارت کریں گے۔ اس تقریب میں بہت چھوٹی، چھوٹی اور اوسط درجے کی صنعتی اکائیوں کے وزیر جناب جیتن رام مانجھی؛ بہت چھوٹی، چھوٹی اور اوسط درجے کی صنعتی اکائیوں کی وزیر مملکت محترمہ شوبھا کرندلاجے؛ کھادی اور دیہی صنعتوں کے کمیشن  (کے وی آئی سی) کے چیئرمین جناب منوج گوئل؛ اور وزارت اور اس کی تنظیموں کے سینئر افسران  بھی شرکت کریں گے۔

ہر سال 27 جون کو منایا جانے والا ایم ایس ایم ای ڈے ملک بھر میں معاشی ترقی، اختراعات، روزگار پیدا کرنے، برآمدات اور جامع ترقی کو آگے بڑھانے میں ایم ایس ایم ای کے اہم کردار کو تسلیم کرنے کا موقع فراہم کرتا ہے۔ اس سال کی تقریب ایک زیادہ لچکدار، تکنالوجی کے تابع، مسابقتی اور مستقبل کے لیے تیار ایم ایس ایم ای ماحولیاتی نظام کی تعمیر کے لیے حکومت کے عزم کو اجاگر کرے گی۔

نیشنل اسمال انڈسٹریز کارپوریشن (این ایس آئی سی) کی حیثیت شیڈول 'بی' سے شیڈول 'اے' زمرے میں سنٹرل پبلک سیکٹر انٹرپرائزز (سی پی ایس ای) میں اس سال کے شروع میں اپ گریڈ ہو گئی ہے – جو این ایس آئی سی کے بڑھتے ہوئے قد اور ایم ایس ایم ای سیکٹر میں شراکت کی ایک اہم پہچان ہے۔ آندھرا پردیش کے سریکاکولم ضلع سے ہاتھ سے کاتا اور ہاتھ سے بنے ہوئے روایتی ٹیکسٹائل پونڈورو کھادی کو باوقار جغرافیائی اشارے (جی آئی) ٹیگ سے نوازا گیا ہے، جو کے وی آئی سی کی جانب سے ایک اہم کامیابی ہے۔

پورٹل کا آغاز

اس موقع پر نائب صدر جمہوریہ بھارت بھر میں ایم ایس ایم ای کو بااختیار بنانے کے مقصد سے تبدیلی کے ڈیجیٹل پلیٹ فارمز، پورٹلز اور ای کتابوں کا ایک مجموعہ لانچ کریں گے۔

1۔ پی ایم ای جی پی 2.0 پورٹل

نیا تیار کردہ پورٹل شہریوں کی سہولت کے لیے ٹیکنالوجی پر مبنی متعدد ایسی خصوصیات متعارف کرواتا ہے جنہیں تمام اسٹیک ہولڈرز کے درمیان بہتر تال میل کے ذریعے مستفیدین کے پورے لائف سائیکل کو آسان بنانے کے لیے ڈیزائن کیا گیا ہے۔ اس کی ایک اہم خاصیت 'جن سمرتھ پورٹل'  کے ساتھ اس کا انضمام ہے، جو قرض کی پروسیسنگ، منظوری اور فنڈز کی منتقلی کے لیے شریک بینکوں کے ساتھ حقیقی وقت میں معلومات کے تبادلے کو ممکن بناتا ہے۔ پی ایم ای جی پی 2.0 پورٹل کاروبار کے فروغ کے لیے ایک مکمل ڈیجیٹل، شفاف اور جوابدہ نظام کی طرف ایک انقلابی تبدیلی کی نمائندگی کرتا ہے۔

2۔ سمادھان 2.0 پورٹل

یہ مخصوص پلیٹ فارم مرکزی وزارتوں، محکموں، سینٹرل پبلک سیکٹر انٹرپرائزز اور دیگر سرکاری ایجنسیوں کے ذمہ مائیکرو، سمال اینڈ میڈیم انٹرپرائزز کے واجب الادا بقایاجات کی رپورٹنگ اور ان کی نگرانی کے لیے ڈیزائن کیا گیا ہے۔ یہ مقررہ وقت کے اندر ماہانہ بنیادوں پر کے زیرِ التوا بقایاجات کی لازمی رپورٹنگ کے لیے ایک مخصوص آن لائن سہولت فراہم کرتا ہے۔

3۔ پی ایم ایس پورٹل

پروکیورمنٹ اینڈ مارکیٹنگ سپورٹ پورٹل ایک مربوط ڈیجیٹل پلیٹ فارم ہے جو مائیکرو اور سمال انٹرپرائزز (ایم ایس ایز) کو تجارتی میلوں اور نمائشوں سے جوڑتا ہے۔ 'ادیم رجسٹریشن'  کے ساتھ منسلک یہ پورٹل درخواست جمع کرانے، شرکت کرنے اور اخراجات کی واپسی کے دعووں سمیت پورے عمل کو آن لائن، کاغذی کارروائی سے پاک اور شفاف بناتا ہے۔ بلا تعطل انضمام، بہتر شفافیت اور آغاز سے لے کر انجام تک مکمل ڈیجیٹل پروسیسنگ کے ساتھ، پی ایم ایس پورٹل ٹیکنالوجی، کارکردگی، آسان رسائی اور مارکیٹ میں بہتر رسائی کے ذریعے ایم ایس ایم ایز کو بااختیار بنا رہا ہے۔

4۔ ایم ایس ایم ای گلوبل مارٹ 2.0 پورٹل

ایم ایس ایم ای گلوبل مارٹ 2.0  اگلی نسل کا ایک قومی ڈیجیٹل کامرس اور تجارتی سہولت کاری کا پلیٹ فارم ہے، جو 'اوپن نیٹ ورک فار ڈیجیٹل کامرس' (او این ڈی سی) کے ماحولیاتی نظام (ایکو سسٹم) کے ساتھ مربوط ہے۔ یہ پلیٹ فارم ملک کے کونے کونے سے ایم ایس ایم ایز کو قومی اور عالمی دونوں سطحوں پر کاروبار کے نئے مواقع سے جڑنے کے قابل بناتا ہے۔

5۔ ایم ایس ایم ای ٹیسٹنگ پورٹل

ایم ایس ایم ای ٹیسٹنگ پورٹل ملک بھر میں قائم 'ایم ایس ایم ای ٹیسٹنگ سینٹرز' اور 'ٹیسٹنگ اسٹیشنز' کی جانب سے انجام دی جانے والی جانچ کی تمام سرگرمیوں کو آغاز سے لے کر انجام تک مکمل طور پر ڈیجیٹل بنانے کا ایک اقدام ہے۔ یہ پورٹل صارفین کو ٹیسٹنگ کے لیے سیمپلز بک کرنے، ادائیگیاں کرنے، اپنی درخواستوں کی صورتحال پر نظر رکھنے اور ٹیسٹ رپورٹس کو ڈیجیٹل طور پر ڈاؤن لوڈ کرنے کی اجازت دیتا ہے۔ توقع ہے کہ یہ پورٹل ملک بھر میں ایم ایس ایم ایز کے لیے دستیاب ٹیسٹنگ خدمات کی کارکردگی، رسائی اور معیار کو نمایاں طور پر بہتر بنائے گا۔

6۔ ایم ایس ایم ای آئیڈیا ہیکاتھون 6.0

ایم ایس ایم ای چیمپئنز اسکیم کے تحت، ہیکاتھن 6.0  کا مقصد ایم ایس ایم ایز کے درمیان جدت طرازی اور جدید ترین ٹیکنالوجیز کے استعمال کو فروغ دینا ہے۔ اختراع کاروں کو رجسٹرڈ ہوسٹ انسٹی ٹیوٹس کے ذریعے متعدد تھیمز پر اپنے آئیڈیاز جمع کرانے کی دعوت دی جائے گی، جس میں فی آئیڈیا 15 لاکھ روپے تک کی مالی امداد فراہم کی جائے گی۔ یہ ہیکاتھن نئے اور انوکھے آئیڈیاز کی انکیوبیشن (ابتدائی پرورش) میں سہولت فراہم کرتا ہے اور 'آتم نربھر بھارت' کے وژن کے مطابق رہنمائی اور ترقیاتی تعاون فراہم کرتا ہے۔

ای-بکس کا آغاز

پی ایم وشوکرما اسکیم  کے تین سال مکمل ہونے کی خوشی میں، ایک 'کافی ٹیبل بک' لانچ کی جائے گی، جو کاریگروں کی متاثر کن کامیابی کی کہانیوں کے ذریعے اس اسکیم کے انقلابی اثرات کو اجاگر کرے گی۔ اس کے ساتھ ہی 'آتم نربھر بھارت ابھیان' کے تحت کاروباری ترقی، روزگار کی فراہمی، جدت طرازی اور خواتین کی کاروباری صلاحیتوں  میں اپنے تعاون کو نمایاں کرنے کے لیے 'سیلف ریلائنٹ انڈیا' (ایس آر آئی) فنڈ پر ایک کتاب بھی جاری کی جائے گی۔

ایم ایس ایم ای پورٹلز پر کثیر لسانی رسائی

جامع طرزِ حکمرانی اور 'اَدیم سشکتیکرن' کے وژن سے تحریک پا کر، وزارت اب 'بھاشنی' اور 'این آئی سی'  کے تعاون سے ایم ایس ایم ای کی ویب سائٹس اور پورٹلز پر کثیر لسانی اور آواز کے ذریعے چلنے والا نظام پیش کر رہی ہے۔ یہ اقدام 22 آئینی ہندی زبانوں میں ایم ایس ایم ای خدمات تک رسائی فراہم کرے گا، جس کے ساتھ ساتھ مصنوعی ذہانت سے لیس آواز پر مبنی شکایات کا ازالہ اور دستاویزات کے ترجمے کی سہولیات بھی مہیا کی جائیں گی، جو رسائی اور ڈیجیٹل شمولیت کو مزید بہتر بنائیں گی۔

کے وی آئی سی کے ذریعہ نئے پروڈکٹ

کھادی اینڈ ویلج انڈسٹریز کمیشن پائیدار روزگار کو مضبوط اور فروغ دینے کے مقصد سے متعدد جدید اور ماحول دوست مصنوعات لانچ کرے گا۔ لانچ کی جانے والی ان مصنوعات میں 'ٹوکون' (شیر خوار بچوں کے کپڑے)، 'رنگ تال' (ٹیبل رنرز اور میٹس)، 'بیلا' (بچوں کو لپیٹنے والی چادریں)، 'وانیا' (ایری ریشم کے اسٹولز/اسکارف) اور 'امنگ' (اونی اسٹولز/اسکارف) شامل ہیں۔

پینل ڈسکشنز

ایم ایس ایم ای ڈے کی تقاریب کا اختتام دو تکنیکی پینل مباحثوں پر ہوگا: "خواتین کی کاروباری صلاحیتوں کے ایک نئے دور کا آغاز" اور "ایم ایس ایم ایز کو چیمپئن بنانا"۔ یہ سیشنز پالیسی سازوں، صنعت کے رہنماؤں، خواتین کاروباریوں، مالیاتی اداروں، ماہرینِ تعلیم اور ایم ایس ایم ای ماحولیاتی نظام کے دیگر اہم اسٹیک ہولڈرز کو ایک ساتھ لائیں گے تاکہ کاروباری صلاحیتوں کو فروغ دینے، ایم ایس ایم ای کی مسابقت کو مضبوط کرنے اور ہمہ جہت معاشی ترقی کو آگے بڑھانے کی حکمت عملیوں پر غور و خوض کیا جا سکے۔

**********

 (ش ح –ا ب ن)

U.No:9208

(रिलीज़ आईडी: 2278075) आगंतुक पटल : 54