ભારતના ઉપરાષ્ટ્રપતિ શ્રી સી. પી. રાધાકૃષ્ણન 27મી જૂન 2026ના રોજ ડૉ. આંબેડકર ઇન્ટરનેશનલ સેન્ટર, નવી દિલ્હી ખાતે આયોજિત 'એમએસએમઈ (MSME) દિવસ 2026 - ઉદ્યમી ભારત' કાર્યક્રમની અધ્યક્ષતા કરશે. આ કાર્યક્રમમાં સૂક્ષ્મ, લઘુ અને મધ્યમ ઉદ્યોગ (MSME) મંત્રી શ્રી જીતન રામ માંઝી; સૂક્ષ્મ, લઘુ અને મધ્યમ ઉદ્યોગ રાજ્ય મંત્રી સુશ્રી શોભા કરંદલાજે; ખાડી અને ગ્રામોદ્યોગ આયોગના (KVIC) અધ્યક્ષ શ્રી મનોજ ગોયલ; અને મંત્રાલય તેમજ તેની સંસ્થાઓના વરિષ્ઠ અધિકારીઓ પણ ઉપસ્થિત રહેશે.

દર વર્ષે 27 જૂનના રોજ ઉજવવામાં આવતો એમએસએમઈ (MSME) દિવસ, દેશભરમાં આર્થિક વૃદ્ધિ, નવીનતા, રોજગાર નિર્માણ, નિકાસ અને સર્વસમાવેશી વિકાસને આગળ ધપાવવામાં એમએસએમઈ (MSME) દ્વારા ભજવવામાં આવતી મુખ્ય ભૂમિકાને ઓળખવાની તક પૂરી પાડે છે. આ વર્ષનો કાર્યક્રમ વધુ સ્થિતિસ્થાપક, ટેકનોલોજી સંચાલિત, સ્પર્ધાત્મક અને ભવિષ્ય માટે તૈયાર એમએસએમઈ (MSME) ઇકોસિસ્ટમ બનાવવા માટે સરકારની પ્રતિબદ્ધતા પર ભાર મૂકશે.

નેશનલ સ્મોલ ઇન્ડસ્ટ્રીઝ કોર્પોરેશન (NSIC) ના દરજ્જાને આ વર્ષની શરૂઆતમાં શેડ્યૂલ 'B' માંથી અપગ્રેડ કરીને શેડ્યૂલ 'A' કેટેગરીના સેન્ટ્રલ પબ્લિક સેક્ટર એન્ટરપ્રાઇઝિસ (CPSE) માં સમાવવામાં આવ્યો છે - જે એમએસએમઈ (MSME) ક્ષેત્રમાં NSIC ના વધતા કદ અને યોગદાનની એક મહત્વપૂર્ણ સ્વીકૃતિ છે. આંધ્રપ્રદેશના શ્રીકાકુલમ જિલ્લાના પરંપરાગત હાથથી કાંતેલા અને હાથથી વણેલા કાપડ 'પોન્દુરુ ખાદી' ને પ્રતિષ્ઠિત જિયોગ્રાફિકલ ઇન્ડિકેશન (GI) ટેગ આપવામાં આવ્યો છે, જે કેવીઆઇસી (KVIC) દ્વારા સુવિધાજનક બનાવવામાં આવેલી એક નોંધપાત્ર સિદ્ધિ છે.

પોર્ટલ લોન્ચ 

આ અવસરે, ઉપરાષ્ટ્રપતિ સમગ્ર ભારતમાં એમએસએમઈ (MSME) ને સશક્ત બનાવવાના ઉદ્દેશ્ય સાથે પરિવર્તનકારી ડિજિટલ પ્લેટફોર્મ, પોર્ટલ અને ઇ-બુક્સની શ્રેણી લોન્ચ કરશે.

1. પીએમઇજીપી (PMEGP) 2.0 પોર્ટલ

આ નવું વિકસિત પોર્ટલ નાગરિક-કેન્દ્રીય, ટેકનોલોજી સંચાલિત વિશેષતાઓની શ્રેણી રજૂ કરે છે જે તમામ હિતધારકો વચ્ચે સુધારેલા સંકલન સાથે લાભાર્થીના સમગ્ર જીવનચક્રને સરળ બનાવવા માટે ડિઝાઇન કરવામાં આવી છે. તેનું મુખ્ય આકર્ષણ જન સમર્થ (Jan Samarth) પોર્ટલ સાથેનું જોડાણ છે, જે લોનની પ્રક્રિયા, મંજૂરી અને વિતરણ માટે સહભાગી બેંકો સાથે વાસ્તવિક સમયમાં (રિયલ-ટાઇમ) માહિતીના વિનિમયને સક્ષમ બનાવે છે. પીએમઇજીપી (PMEGP) 2.0 પોર્ટલ એ એન્ટરપ્રાઇઝ પ્રમોશન (ઉદ્યોગ પ્રોત્સાહન) માટે સંપૂર્ણ ડિજિટલ, પારદર્શક અને જવાબદાર ઇકોસિસ્ટમ તરફ એક પરિવર્તનકારી બદલાવ દર્શાવે છે.

2. સમાધાન (SAMADHAAN) 2.0 પોર્ટલ

આ સમર્પિત પ્લેટફોર્મ કેન્દ્રીય મંત્રાલયો, વિભાગો, સેન્ટ્રલ પબ્લિક સેક્ટર એન્ટરપ્રાઇઝિસ (CPSE) અને અન્ય સરકારી એજન્સીઓ દ્વારા એમએસએમઈ (MSME) ને ચૂકવવાની બાકી નીકળતી રકમની જાણ કરવા અને તેને ટ્રેક કરવા માટે ડિઝાઇન કરવામાં આવ્યું છે. તે નિયત સમયમર્યાદામાં માસિક ધોરણે બાકી નીકળતી એમએસએમઈ (MSME) ની રકમની ફરજિયાત જાણ કરવા માટે એક સમર્પિત ઓનલાઇન સુવિધા પૂરી પાડે છે.

3. પીએમએસ (PMS) 2.0 પોર્ટલ

પ્રોક્યોરમેન્ટ એન્ડ માર્કેટિંગ સપોર્ટ (PMS) 2.0 પોર્ટલ એ એકીકૃત ડિજિટલ પ્લેટફોર્મ છે જે સૂક્ષ્મ અને લઘુ ઉદ્યોગોને (MSEs) વેપાર મેળાઓ અને પ્રદર્શનો સાથે જોડે છે. ઉદ્યમ નોંધણી (Udyam Registration) સાથે જોડાયેલું આ પોર્ટલ - અરજી સબમિટ કરવા, ભાગીદારી અને વળતરના દાવા (રીઇમ્બર્સમેન્ટ ક્લેઇમ) સહિતની સમગ્ર પ્રક્રિયાને ઓનલાઇન, કાગળરહિત (પેપરલેસ) અને પારદર્શક બનાવે છે. સીધા જોડાણ, ઉન્નત પારદર્શકતા અને શરૂઆતથી અંત સુધીની ડિજિટલ પ્રક્રિયા સાથે, પીએમએસ (PMS) પોર્ટલ ટેકનોલોજી, કાર્યક્ષમતા, સરળ પહોંચ અને બજાર સુધીની પહોંચમાં સુધારા દ્વારા એમએસએમઈ (MSME) ને સશક્ત બનાવી રહ્યું છે.

4. એમએસએમઈ ગ્લોબલ માર્ટ (MSME Global Mart) 2.0 પોર્ટલ

એમએસએમઈ ગ્લોબલ માર્ટ 2.0 એ ઓપન નેટવર્ક ફોર ડિજિટલ કોમર્સ (ONDC) ઇકોસિસ્ટમ સાથે સંકલિત આગામી પેઢીનું રાષ્ટ્રીય ડિજિટલ કોમર્સ અને વેપાર સુવિધા પ્લેટફોર્મ છે. આ પ્લેટફોર્મ દેશના ખૂણે-ખૂણેથી એમએસએમઈ (MSME) ને રાષ્ટ્રીય અને વૈશ્વિક સ્તરે નવી વ્યાપારી તકો સાથે જોડાવા માટે સક્ષમ બનાવે છે.

5. એમએસએમઈ ટેસ્ટિંગ (MSME Testing) પોર્ટલ

એમએસએમઈ ટેસ્ટિંગ પોર્ટલ એ દેશભરમાં એમએસએમઈ ટેસ્ટિંગ સેન્ટરો અને ટેસ્ટિંગ સ્ટેશનો દ્વારા હાથ ધરવામાં આવતી પરીક્ષણ (ટેસ્ટિંગ) પ્રવૃત્તિઓના સંપૂર્ણ ડિજિટલાઇઝેશન માટેની એક પહેલ છે. આ પોર્ટલ ગ્રાહકોને પરીક્ષણ માટે સેમ્પલ બુક કરવા, ચૂકવણી કરવા, તેમની અરજીઓની સ્થિતિ ટ્રેક કરવા અને ટેસ્ટ રિપોર્ટ ડિજિટલી ડાઉનલોડ કરવાની મંજૂરી આપે છે. તેનાથી દેશભરમાં એમએસએમઈ (MSME) માટે ઉપલબ્ધ પરીક્ષણ સેવાઓની કાર્યક્ષમતા, સુલભતા અને ગુણવત્તામાં નોંધપાત્ર સુધારો થવાની અપેક્ષા છે.

6. એમએસએમઈ આઈડિયા હેકાથોન (MSME Idea Hackathon) 6.0

એમએસએમઈ ચેમ્પિયન્સ સ્કીમ હેઠળ, હેકાથોન 6.0 નો ઉદ્દેશ્ય એમએસએમઈ (MSME) માં નવીનતા અને અદ્યતન ટેકનોલોજીના સ્વીકારને પ્રોત્સાહન આપવાનો છે. સંશોધકોને નોંધાયેલ હોસ્ટ ઇન્સ્ટિટ્યુટ્સ (HIs) દ્વારા બહુવિધ થીમ્સ પર તેમના વિચારો સબમિટ કરવા માટે આમંત્રિત કરવામાં આવશે, જેમાં પ્રતિ વિચાર રૂ. 15 લાખ સુધીની નાણાકીય સહાય આપવામાં આવશે. આ હેકાથોન નવા વિચારોના ઇન્ક્યુબેશનને સરળ બનાવે છે અને આત્મનિર્ભર ભારત વિઝનને અનુરૂપ મેન્ટરશિપ અને વિકાસ સહાય પૂરી પાડે છે.

ઇ-બુક્સ (E-BOOKS) લોન્ચ

પીએમ વિશ્વકર્મા યોજનાના ત્રણ વર્ષ પૂર્ણ થવાની સ્મૃતિમાં, કારીગરોના પ્રેરણાદાયી સફળતાની વાર્તાઓ દ્વારા યોજનાની પરિવર્તનકારી અસર દર્શાવતી એક કોફી ટેબલ બુક લોન્ચ કરવામાં આવશે. આત્મનિર્ભર ભારત અભિયાન હેઠળ ઉદ્યોગના વિકાસ, રોજગાર નિર્માણ, નવીનતા અને મહિલા સાહસિકતામાં તેના યોગદાન પર પ્રકાશ પાડતું સેલ્ફ-રિલાયન્ટ ઇન્ડિયા (SRI) ફંડ પરનું એક પુસ્તક પણ બહાર પાડવામાં આવશે.

એમએસએમઈ (MSME) પોર્ટલ પર બહુભાષી પહોંચ

સર્વસમાવેશી શાસન અને ઉદ્યમ સશક્તિકરણના વિઝનથી પ્રેરિત થઈને, મંત્રાલય હવે ભાષિણી (BHASHINI) અને એનઆઇસી (NIC) ના સહયોગથી એમએસએમઈ (MSME) વેબસાઇટ્સ/પોર્ટલ પર બહુભાષી અને વોઇસ-સક્ષમ ઇકોસિસ્ટમ ઓફર કરે છે. આ પહેલ 22 અનુસૂચિત ભારતીય ભાષાઓમાં એમએસએમઈ (MSME) સેવાઓ સુધી પહોંચ પ્રદાન કરશે, તેની સાથે એઆઈ (AI) સક્ષમ વોઇસ ફરિયાદ નિવારણ અને દસ્તાવેજ અનુવાદ સુવિધાઓ ઉપલબ્ધ કરાવશે, જે સુલભતા અને ડિજિટલ સમાવેશમાં વધારો કરશે.

કેવીઆઇસી (KVIC) દ્વારા નવી પ્રોડક્ટ્સ

ખાદી અને ગ્રામોદ્યોગ આયોગ (KVIC) ટકાઉ આજીવિકાને મજબૂત કરવા અને પ્રોત્સાહન આપવાના ઉદ્દેશ્ય સાથે નવીન અને પર્યાવરણને અનુકૂળ ઉત્પાદનોની શ્રેણી લોન્ચ કરશે. લોન્ચ થનારા ઉત્પાદનોમાં ટુકુન (શિશુના વસ્ત્રો), રંગતાલ (ટેબલ રનર્સ અને મેટ્સ), બેલા (શિશુઓ માટે રેપિંગ શીટ્સ), વન્યા (એરી સ્ટોલ્સ) અને ઉમંગ (ઊનના સ્ટોલ્સ) નો સમાવેશ થાય છે.

પેનલ ચર્ચા

એમએસએમઈ (MSME) દિવસની ઉજવણીનું સમાપન બે તકનીકી પેનલ ચર્ચાઓ સાથે થશે: "મહિલા સાહસિકતાના એક નવા યુગની શરૂઆત" અને "મેકિંગ ચેમ્પિયન એમએસએમઈ". આ સત્રો સાહસિકતાને પ્રોત્સાહન આપવા, એમએસએમઈ (MSME) ની સ્પર્ધાત્મકતાને મજબૂત કરવા અને સર્વસમાવેશી આર્થિક વૃદ્ધિને આગળ ધપાવવાની વ્યૂહરચનાઓ પર વિચાર-વિમર્શ કરવા માટે નીતિ નિર્માતાઓ, ઉદ્યોગના અગ્રણીઓ, મહિલા સાહસિકો, નાણાકીય સંસ્થાઓ, શિક્ષણવિદો અને એમએસએમઈ (MSME) ઇકોસિસ્ટમના અન્ય મુખ્ય હિતધારકોને એકસાથે લાવશે.

SM/DK/JD

(रिलीज़ आईडी: 2278049) आगंतुक पटल : 7