وزیر دفاع جناب راج ناتھ سنگھ نے 21 جون 2026 کو میگھالیہ کے شہر شیلانگ میں واقع ایسٹرن ایئر کمانڈ ہیڈکوارٹرز میں تقریباً 1,000 بھارتی فضائیہ اور بھارتی فوج کے جوانوں کے ساتھ مختلف آسن اور سانس کی مشقیں انجام دے کر 12ویں بین الاقوامی یوم یوگا (آئی ڈی وائی) منانے میں دفاعی افواج اور وزارت دفاع کی قیادت کی۔ اس موقع پر میگھالیہ کے وزیر اعلیٰ جناب کونراڈ کے سنگما، فضائیہ کے سربراہ ایئر چیف مارشل اے پی سنگھ، ایئر آفیسر کمانڈنگ اِن چیف، ایسٹرن ایئر کمانڈ ایئر مارشل اندرپال سنگھ والیا اور ہیڈکوارٹرز 101 ایریا کے جنرل آفیسر کمانڈنگ لیفٹیننٹ جنرل موہت واڈھوا نے بھی وزیر دفاع کے ساتھ یوگا کیا۔

 

اس موقع پر میڈیا کے لوگوں سے گفتگو کرتے ہوئے جناب راج ناتھ سنگھ نے یوگا کو ایک ہمہ جہت علم اور طرز زندگی کا فن قرار دیا، جو انسان کو اپنی ذات، معاشرے، فطرت اور بالآخر خدا سے جوڑتا ہے۔ انہوں نے کہا کہ یوگا باطنی استحکام، ذہنی وضاحت اور جذباتی مضبوطی حاصل کرنے کا ایک مؤثر ذریعہ فراہم کرتا ہے۔

ایکس پر ایک پوسٹ میں وزیر دفاع نے یوگا کو عالمی تحریک بنانے کا سہرا وزیر اعظم جناب نریندر مودی کی مسلسل کوششوں اور دور اندیش قیادت کو دیا، جو دنیا بھر کے لوگوں کو صحت کے فوائد فراہم کر رہی ہے۔ انہوں نے زور دے کر کہا کہ یوگا بھارت کی قدیم روایات کی طاقت کی علامت ہے، جو پوری انسانیت کی فلاح و بہبود کو یقینی بنا رہی ہے۔ انہوں نے عوام سے اپیل کی کہ وہ یوگا کو اپنی روزمرہ زندگی کا لازمی حصہ بنائیں تاکہ صحت مند جسم، پُرسکون ذہن اور ایک مضبوط ملک کی تعمیر ممکن ہو سکے۔

अंतर्राष्ट्रीय योग दिवस के अवसर पर आप सभी को हार्दिक शुभकामनाएँ। योग केवल स्वस्थ शरीर का आधार नहीं है, बल्कि संतुलित और संयमित जीवन जीने का मार्ग है।

प्रधानमंत्री श्री @narendramodi के सतत प्रयासों और दूरदर्शी नेतृत्व के परिणामस्वरूप भारत की यह सांस्कृतिक विरासत आज एक वैश्विक… pic.twitter.com/bYB7wqtqEW

— Rajnath Singh (@rajnathsingh) June 21, 2026

تمام شرکاء نے مغربی بنگال کے تاریخی ریڈ روڈ، کولکاتہ سے وزیر اعظم کی بین الاقوامی یوم یوگا سے متعلق تقریر دیکھی۔ دفاعی افواج کے اہلکاروں کے جذبے اور عزم کی عکاسی کرتے ہوئے متعدد اگلے محاذوں پر بھی یوگا سیشن کا انعقاد کیا گیا۔

وزیر مملکت برائے دفاع جناب سنجے سیٹھ نے وزارت آیوش کے زیر اہتمام رانچی یونیورسٹی کے سورن جینتی دکشانت منڈپ میں منعقدہ تقریب میں یوم یوگا منایا۔ انہوں نے بھی روزمرہ زندگی میں یوگا کو شامل کرنے کی ضرورت پر زور دیتے ہوئے کہا کہ یہ انسان کو سازگار اور ناموافق دونوں حالات میں پُرسکون رہنا سکھاتا ہے۔ انہوں نے یوگا کو اندرونی مثبت سوچ کو فروغ دینے کا سب سے مؤثر ذریعہ قرار دیا۔

 

📍दीक्षांत मंडप, रांची

आयुष मंत्रालय, भारत सरकार के द्वारा 12वें अंतरराष्ट्रीय योग दिवस पर आयोजित कार्यक्रम में मुख्य अतिथि के रूप में शामिल हुआ। माननीय प्रधानमंत्री श्री नरेंद्र मोदी जी के मार्गदर्शन में हमने सामूहिक योगाभ्यास किया। @narendramodi @moayush#InternationalYogaDay pic.twitter.com/72aFg8BnQW

— Sanjay Seth (@SethSanjayMP) June 21, 2026

چیف آف ڈیفنس اسٹاف جنرل این ایس راجا سبرامنیم نے نئی دہلی میں نیشنل وار میموریل پر ہیڈکوارٹرز، انٹیگریٹڈ ڈیفنس اسٹاف کے زیرِ اہتمام یوم یوگا کی تقریبات کی قیادت کی۔ چیئرمین چیفس آف اسٹاف کمیٹی کے چیف آف انٹیگریٹڈ ڈیفنس اسٹاف ایئر مارشل آشوتوش دکشت سمیت دیگر سینیئر افسران اور ان کے اہل خانہ نے بھی اس تقریب میں شرکت کی۔

 

 

دفاعی سکریٹری جناب راجیش کمار سنگھ، سکریٹری (دفاعی مالیات) جناب وشواجیت سہائے اور کنٹرولر جنرل آف ڈیفنس اکاؤنٹس (سی جی ڈی اے) جناب انوگرہ نارائن داس نے وزارت دفاع اور محکمہ دفاعی اکاؤنٹس کے دیگر سینیئر عہدیداروں کے ساتھ نئی دہلی میں سی جی ڈی اے کے دفتر میں یوگا کیا۔ بین الاقوامی یوم یوگا 2026 کے موضوع ”صحت مند بڑھاپے کے لیے یوگا“ کو مناتے ہوئے، ملک بھر سے محکمہ دفاعی اکاؤنٹس کے 10,000 سے زائد عہدیداروں نے یوگا اور مجموعی فلاح و بہبود کے فروغ کے لیے اس ورچوئل عوامی مہم میں حصہ لیا۔

 

************

ش ح۔ ف ش ع

                                                                                                                                       U: 8975

(रिलीज़ आईडी: 2276113) आगंतुक पटल : 12