প্রধানমন্ত্রীগী লোইশঙ
প্রধান মন্ত্রীনা ইভিয়ান্দা পাঙথোকপা G7 সম্মিৎকী নাকলদা য়ুনাইতেদ স্তেত্স ওফ অমেরিকাগী রাষ্ট্রপতিগা উনখ্রে
प्रविष्टि तिथि:
18 JUN 2026 5:04AM by PIB Imphal
প্রধান মন্ত্রী শ্রী নরেন্দ্র মোদীনা জুন ১৬, ২০২৬তা ফ্রান্সকী ইভিয়ান্দা পাঙথোকপা G7 সম্মিৎকী নাকলদা য়ুনাইতেদ স্তেত্স ওফ অমেরিকাগী রাষ্ট্রপতি হিজ এক্সিলেন্সী মিস্তর দোনাল্দ জে. ত্রম্পকা উনখ্রে।
প্রধান মন্ত্রী মোদীনা হৌজিক ৱেস্ত এশিয়াদা ওইরিবা মুক্নবা অসি লোইশিনহন্নবা অমসুং লমদম অসিদা ইং-তপ্পা অমসুং তংদু লৈতাবা ফীভম অমুক হন্না পুরক্নবা ৱাখল তামিন্নবা অমা পুরকপদা মতেং ওইখিবা রাষ্ট্রেপতি ত্রম্পকী হোৎনজমনশিং অদুবু থাগৎখি। মহাক্না স্ত্রেত ওফ হোর্মুজতা সীফ্যাররশিং চত্থোক-চৎশিন তৌবগী নিংতমবা অমসুং অয়েৎ-অপন লৈতনা ললোন-ঈতিক তৌবা ঙম্নবা মখা চত্থহনবগী মরুওইবা অমসুং সীফ্যারশিংবু অমাঙ-অতাদগী ঙাকথোকপগী মথৌতাবা অদুসু পনখি।
লুচিংবা অনিমক্না ফেব্রুৱারী ২০২৫তা ৱাশিংতন দি.সি.দা মখোয় উনখিবা মতুঙদগী ইন্দিয়া-য়ু.এস. কোম্পেক্ত (কেতালাইজিং ওপোর্চুনিতীজ ফোর মিলিতরী পার্তনর্শিপ, এক্সেলরেতেদ কমর্স এন্দ তেক্নোলোজী)কী মখাদা ফংবা ঙমখিবা মরুওইবা খোঙজেলশিং অদু অমুক হন্না য়েংশিনখি। মখোয়না ঙাকশেল, লাল্লোংগী ওইবা তেক্নোলোজীশিং, ইনর্জী অমসুং নাকল অনিগী ওইবা ললোন-ঈতিক্কী লমশিংদা লৈরিবা মরুওইবা খোঙজেলশিং অদুবু তরাম্না ওকখি।
লুচিংবা অনিমক্না অহানবা মরক্কী ওইবা নাকল অনিগী ললোন-ঈতিক্কী য়ানচে অমা পুরক্নবা ৱারী ৱাতায়শিংদা লৈরিবা খোঙজেলদা অপেনবা ফোঙদোকখি অমসুং মখোয়গী ওফিসিএলশিংবু অথুবদা থোং মান্নবা, নাকল অনিমক্তা কান্নবা পীবগা লোয়ননা কমর্সিয়েলী মরুওইবা য়ানচে অমা পুরক্নবা হোৎননবা খঙহনখ্রে। মসিগা মরী লৈননা, য়ু.এস.কী ত্রেদ রিপ্রেজেন্তেতিভ মিস্তর জেমিসন গ্রীয়রনা মথংগী চয়োলদা ভারত্তা লাক্কনি।
প্রধান মন্ত্রী মোদী অমসুং রাষ্ট্রপতি ত্রম্পনা ইন্দিয়া-য়ু.এস. কম্প্রিহেন্সিব গ্লোবেল স্ত্রেতেজিক পার্তনর্শিপ্পু মখাতানা মপাঙ্গল কনখৎহন্নবা অমসুং লৈবাক অনিমক অমসুং মখোয়গী মীয়ামগী কান্নমিন্নগদবা লম খুদিংদা খুৎশম্ননা চংশিনবগী মখোয়গী খোঙফমশিং অমুক হন্না চেৎশিনহনখি।
*****
(रिलीज़ आईडी: 2274476)
आगंतुक पटल : 12
इस विज्ञप्ति को इन भाषाओं में पढ़ें:
English
,
Urdu
,
Marathi
,
हिन्दी
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam