नवी दिल्‍ली, 11 जून 2026

 

कृषी आणि शेतकरी कल्याण विभागाने राज्ये/केंद्रशासित प्रदेश आणि इतर शासकीय संस्थांकडून मिळालेल्या माहितीच्या आधारे संकलित केलेला विविध बागायती पिकांच्या क्षेत्र आणि उत्पादनाचा 2025-26 चा दुसरा आगाऊ अंदाज प्रसिद्ध केला आहे.

एकूण फलोत्पादन	2024-25 (अंतिम)	2025-26 (पहिला आगाऊ अंदाज)	2025-26 (दुसरा आगाऊ अंदाज)
क्षेत्र  (लाख हेक्टरमध्ये)	301.36	301.31	301.51
उत्पादन  (लाख टनांमध्ये)	3707.38	3708.46	3777.76

 

2025-26 ची ठळक वैशिष्ट्ये (दुसरा आगाऊ अंदाज):

• देशातील फलोत्पादन क्षेत्र 2025-26 मध्ये सुमारे 301.51 लाख हेक्टर राहील अशी अपेक्षा आहे, जे 2024-25 (अंतिम) च्या तुलनेत 0.14 लाख हेक्टर (0.05%) नी अधिक आहे.
• देशातील फलोत्पादन 2025-26 मध्ये सुमारे 3777.76 लाख टन राहण्याचा अंदाज आहे, जे 2024-25 (अंतिम) च्या तुलनेत 70.39 लाख टन (1.90%) नी अधिक आहे.
• फळे, भाजीपाला, फुले आणि सुगंधी व औषधी पिकांच्या उत्पादनात वाढ अपेक्षित आहे.
• केळी, आंबा, पपई, सफरचंद आणि पेरू यांच्या वाढलेल्या उत्पादनामुळे फळांचे उत्पादन 2024-25 मधील 1176.49 लाख टनांवरून 3.25% ( 38.26 लाख टन) वाढून 2025-26 मध्ये 1214.75 लाख टन होण्याची अपेक्षा आहे.
• 2024-25 च्या तुलनेत कांदा लागवडीखालील क्षेत्रात 2.31% (0.46 लाख हेक्टर) वाढ अपेक्षित आहे, म्हणजेच 2024-25 मधील 19.68 लाख हेक्टरवरून 2025-26 मध्ये ते 20.14 लाख हेक्टर होईल. 2024-25 मधील 307.67 लाख टनांच्या तुलनेत 2025-26 मध्ये कांद्याचे उत्पादन 307.37 लाख टन राहण्याची अपेक्षा आहे.
• बटाट्याचे उत्पादन 598.89 लाख टन राहण्याची अपेक्षा आहे, जे 2024-25 मधील 585.71 लाख टनांच्या तुलनेत 13.18 लाख टनांनी (2.25%) अधिक आहे.
• टोमॅटोचे उत्पादन 214.61 लाख टन अपेक्षित आहे, जे 2024-25 मधील 205.99 लाख टनाच्या तुलनेत 8.62 लाख टनांनी (4.19%) जास्त आहे.
• 2024-25 च्या तुलनेत फुलशेती क्षेत्रात 0.66% वाढ अपेक्षित आहे.
• लसूण, हळद, कढीपत्ता आणि मेथी यांच्या उत्पादनात वाढ अपेक्षित आहे.

 

* * *

निलिमा चितळे/नंदिनी मथुरे/दर्शना राणे

 

सोशल मिडियावर आम्हाला फॉलो करा:@PIBMumbai    /PIBMumbai    /pibmumbai  pibmumbai[at]gmail[dot]com  /PIBMumbai    /pibmumbai

(रिलीज़ आईडी: 2271900) आगंतुक पटल : 7