ಭಾರತ ಸರ್ಕಾರದ ಕೌಶಲ್ಯ ಅಭಿವೃದ್ಧಿ ಮತ್ತು ಉದ್ಯಮಶೀಲತೆ ರಾಜ್ಯ ಸಚಿವ (ಸ್ವತಂತ್ರ ಹೊಣೆಗಾರಿಕೆ) ಮತ್ತು ಶಿಕ್ಷಣ ರಾಜ್ಯ ಸಚಿವರಾದ ಶ್ರೀ ಜಯಂತ್ ಚೌಧರಿ  ನೇತೃತ್ವದಲ್ಲಿ ಕೌಶಲ್ಯಾಭಿವೃದ್ಧಿ ಮತ್ತು ಉದ್ಯಮಶೀಲತೆ ಸಚಿವಾಲಯ (ಎಂಎಸ್ ಡಿಇ), ಕೌಶಲ್ಯ, ಪ್ರಮಾಣ ಮತ್ತು ಪರಿವರ್ತನೆಯ ಹನ್ನೆರಡು ವರ್ಷಗಳನ್ನು ಆಚರಿಸುತ್ತಿದ್ದು, ಇದು ವಿಶ್ವದ ಅತಿದೊಡ್ಡ ಕೌಶಲ್ಯ ಪೂರಕ ವ್ಯವಸ್ಥೆಗಳಲ್ಲಿ ಒಂದಾದ ಬೆಳವಣಿಗೆ ಮತ್ತು ವಿಕಸಿತ ಭಾರತ 2047 ರತ್ತ ಭಾರತದ ಪಯಣಕ್ಕೆ ಅದರ ಕೊಡುಗೆಯನ್ನು ಪ್ರಮುಖವಾಗಿ ಬಿಂಬಿಸುತ್ತದೆ.

ಕಳೆದ ಹನ್ನೆರಡು ವರ್ಷಗಳಲ್ಲಿ ಸಚಿವಾಲಯವು ವೃತ್ತಿಪರ ಶಿಕ್ಷಣ, ಉದ್ಯಮ ನೇತೃತ್ವದ ತರಬೇತಿ, ಅಪ್ರೆಂಟಿಸ್‌ಶಿಪ್‌ಗಳು, ಉದ್ಯಮಶೀಲತೆ ಅಭಿವೃದ್ಧಿ, ಡಿಜಿಟಲ್ ಸಾರ್ವಜನಿಕ ಮೂಲಸೌಕರ್ಯ ಮತ್ತು ಅಂತಾರಾಷ್ಟ್ರೀಯ ದುಡಿಯುವ ಪಡೆಯ ಸಂಚಾರವನ್ನು ಏಕೀಕೃತ ರಾಷ್ಟ್ರೀಯ ಚೌಕಟ್ಟಿನೊಳಗೆ ಸಂಯೋಜಿಸುವ ಸಮಗ್ರ ಕೌಶಲ್ಯ ಪೂರಕ ವ್ಯವಸ್ಥೆಯನ್ನು ನಿರ್ಮಿಸಿದೆ. ನಿರಂತರ ಸುಧಾರಣೆಗಳು, ಸಾಂಸ್ಥಿಕ ಬಲವರ್ಧನೆ ಮತ್ತು ಉದ್ಯಮ, ಶೈಕ್ಷಣಿಕ ಮತ್ತು ರಾಜ್ಯ ಸರ್ಕಾರಗಳೊಂದಿಗೆ ಆಳವಾದ ಸಹಯೋಗದ ಮೂಲಕ ಕೌಶಲ್ಯ ಭಾರತವು ವಿಶ್ವದ ಅತಿದೊಡ್ಡ ಮತ್ತು ಅತ್ಯಂತ ವೈವಿಧ್ಯಮಯ ಕೌಶಲ್ಯ ಪರಿಸರ ವ್ಯವಸ್ಥೆಗಳಲ್ಲಿ ಒಂದಾಗಿ ವಿಕಸನಗೊಂಡಿದೆ.

ಭಾರತ ಸರ್ಕಾರದ ಕೌಶಲ್ಯ ಅಭಿವೃದ್ಧಿ ಮತ್ತು ಉದ್ಯಮಶೀಲತೆ ರಾಜ್ಯ ಸಚಿವ (ಸ್ವತಂತ್ರ ಹೊಣೆಗಾರಿಕೆ) ಮತ್ತು ಶಿಕ್ಷಣ ರಾಜ್ಯ ಸಚಿವರಾದ ಶ್ರೀ ಜಯಂತ್ ಚೌಧರಿ "ಕಳೆದ ಹನ್ನೆರಡು ವರ್ಷಗಳ ಪಯಣವು ಅವಕಾಶ, ಉತ್ಪಾದಕತೆ ಮತ್ತು ಆರ್ಥಿಕ ಪರಿವರ್ತನೆಗೆ ಕೌಶಲ್ಯಗಳು ಅತ್ಯಂತ ಶಕ್ತಿಶಾಲಿ ಸಕ್ರಿಯಗೊಳಿಸುವ ಸಾಧನಗಳಲ್ಲಿ ಸೇರಿವೆ ಎಂಬ ಭಾರತದ ಹೆಚ್ಚುತ್ತಿರುವ ಜಾಗತಿಕ ಮಾನ್ಯತೆಯನ್ನು ಪ್ರತಿಬಿಂಬಿಸುತ್ತದೆ. ಔಪಚಾರಿಕ ಶಿಕ್ಷಣದ ಜೊತೆಗೆ ಕಲಿಕೆ,  ಉದ್ಯೋಗಾವಕಾಶ ಮತ್ತು ಆಜೀವ ಬೆಳವಣಿಗೆಯ ಅವಿಭಾಜ್ಯ ಅಂಗವಾಗಿ ಕೌಶಲ್ಯಗಳನ್ನು ನೋಡುವ ಪರಿಸರ ವ್ಯವಸ್ಥೆಯನ್ನು ರಚಿಸಲು ಸಚಿವಾಲಯ ಕೆಲಸ ಮಾಡಿದೆ. ತಂತ್ರಜ್ಞಾನಗಳು ಕೈಗಾರಿಕೆಗಳನ್ನು ಮರುರೂಪಿಸುತ್ತಿರುವಾಗ ಮತ್ತು ಕೆಲಸದ ಸ್ವರೂಪವು ವಿಕಸನಗೊಳ್ಳುತ್ತಿರುವಾಗ ನಮ್ಮ ಗಮನವು ಭಾರತದ ಯುವಕರನ್ನು ಅಸ್ತಿತ್ವದಲ್ಲಿರುವ ಅವಕಾಶಗಳಿಗೆ ಮಾತ್ರವಲ್ಲದೆ ಮುಂದಿನ ವರ್ಷಗಳಲ್ಲಿ ಹೊರಹೊಮ್ಮುವ ಉದ್ಯೋಗಗಳು ಮತ್ತು ಉದ್ಯಮಗಳಿಗೂ ಸಿದ್ಧಪಡಿಸುತ್ತಿದೆ. ಸದೃಢವಾದ ಕೈಗಾರಿಕಾ ಪಾಲುದಾರಿಕೆಗಳು, ಡಿಜಿಟಲ್ ನಾವೀನ್ಯತೆ, ಉದ್ಯಮಶೀಲತೆ ಬೆಂಬಲ ಮತ್ತು ಜಾಗತಿಕ ಸಂಚಾರ ಮಾರ್ಗಗಳ ಮೂಲಕ, ನಾವು ಆತ್ಮವಿಶ್ವಾಸ, ಸ್ಪರ್ಧಾತ್ಮಕ ಮತ್ತು ಭಾರತದ ಅಭಿವೃದ್ಧಿ ಪಯಣಕ್ಕೆ ಕೊಡುಗೆ ನೀಡಲು ಸಿದ್ಧವಾಗಿರುವ ಕಾರ್ಯಪಡೆಯನ್ನು ನಿರ್ಮಿಸುತ್ತಿದ್ದೇವೆ" ಎಂದು ಹೇಳಿದರು.

ಕೌಶಲ್ಯ ಜೀವನಚಕ್ರದ ಪ್ರತಿಯೊಂದು ಹಂತದಲ್ಲೂ ಸಚಿವಾಲಯದ ಪ್ರಭಾವವು ಗೋಚರಿಸುತ್ತದೆ. ಭಾರತದ ವೃತ್ತಿಪರ ತರಬೇತಿ ಮೂಲಸೌಕರ್ಯವು ಗಮನಾರ್ಹವಾಗಿ ವಿಸ್ತರಿಸಿದೆ, 2014 ರಲ್ಲಿ 9,776 ಇದ್ದ ಕೈಗಾರಿಕಾ ತರಬೇತಿ ಸಂಸ್ಥೆಗಳ ಸಂಖ್ಯೆ ಇಂದು 13,888 ಕ್ಕಿಂತ ಹೆಚ್ಚಾಗಿದೆ. ರಾಷ್ಟ್ರೀಯ ಕೌಶಲ್ಯ ತರಬೇತಿ ಸಂಸ್ಥೆಗಳು, ಪ್ರಧಾನ ಮಂತ್ರಿ ಕೌಶಲ್ಯ ಕೇಂದ್ರಗಳು ಮತ್ತು ಜನ ಶಿಕ್ಷಣ ಸಂಸ್ಥಾನಗಳೊಂದಿಗೆ, ಈ ಸಂಸ್ಥೆಗಳು ದೇಶಾದ್ಯಂತ ಗುಣಮಟ್ಟದ ಕೌಶಲ್ಯ ಅಭಿವೃದ್ಧಿ ಅವಕಾಶಗಳ ಲಭ್ಯತೆಯನ್ನು ವಿಸ್ತರಿಸಿವೆ. ಸಚಿವಾಲಯವು ಗಾಂಧಿನಗರ, ಮುಂಬೈ ಮತ್ತು ಕಾನ್ಪುರದಲ್ಲಿ ಮೂರು ಭಾರತೀಯ ಕೌಶಲ್ಯ ಸಂಸ್ಥೆಗಳನ್ನು (ಐಐಎಸ್ ) ಸ್ಥಾಪಿಸಿದೆ, ಉದ್ಯಮ-ಜೋಡಿತ, ಭವಿಷ್ಯ-ಸಿದ್ಧ ತರಬೇತಿಯನ್ನು ನೀಡಲು ಅತ್ಯಾಧುನಿಕ ಶ್ರೇಷ್ಠತೆಯ ಕೇಂದ್ರಗಳನ್ನು ಸೃಷ್ಟಿಸಿದೆ.

ಶಿಕ್ಷಣ ಮತ್ತು ಉದ್ಯೋಗದ ನಡುವಿನ ಬಲವಾದ ಸೇತುವೆಗಳಲ್ಲಿ ಒಂದಾಗಿ ಅಪ್ರಂಟಿಶಿಪ್ (ಶಿಷ್ಯವೃತ್ತಿ) ಹೊರಹೊಮ್ಮಿದೆ. 2016 ರಿಂದ 56.08 ಲಕ್ಷಕ್ಕೂ ಅಧಿಕ ಅಪ್ರೆಂಟಿಶಿಪ್ ನಲ್ಲಿ ತೊಡಗಿಸಿಕೊಂಡಿದ್ದಾರೆ, ಇದು ಉದ್ಯಮ ಮತ್ತು ಯುವಕರ ಭಾಗವಹಿಸುವಿಕೆಯನ್ನು ಸುಧಾರಿಸಿದ ಸುಧಾರಣೆಗಳಿಂದ ಬೆಂಬಲಿತವಾಗಿದೆ ಮತ್ತು ಉದ್ಯೋಗದಲ್ಲಿ ಕಲಿಕೆಯ ಅವಕಾಶಗಳನ್ನು ಬಲಪಡಿಸುತ್ತದೆ.

ಪ್ರಧಾನ ಮಂತ್ರಿ ಕೌಶಲ್ ವಿಕಾಸ್ ಯೋಜನೆಯಂತಹ ಪ್ರಮುಖ ಕಾರ್ಯಕ್ರಮಗಳ ಮೂಲಕ ಸಚಿವಾಲಯವು ದೊಡ್ಡ ಪ್ರಮಾಣದ ಅಲ್ಪಾವಧಿಯ ಕೌಶಲ್ಯ ಮಧ್ಯಸ್ಥಿಕೆಗಳನ್ನು ನಡೆಸಿದೆ, ಇದರ ಅಡಿಯಲ್ಲಿ 1.64 ಕೋಟಿಗೂ ಅಧಿಕ ಅಭ್ಯರ್ಥಿಗಳಿಗೆ ತರಬೇತಿ ನೀಡಲಾಗಿದೆ. ಇದೇ ವೇಳೆ ರಾಷ್ಟ್ರೀಯ ಉದ್ಯಮಶೀಲತೆ ಮತ್ತು ಸಣ್ಣ ವ್ಯವಹಾರ ಅಭಿವೃದ್ಧಿ ಸಂಸ್ಥೆ (NIESBUD) ಮತ್ತು ಭಾರತೀಯ ಉದ್ಯಮಶೀಲತಾ ಸಂಸ್ಥೆ (IIE) ನೇತೃತ್ವದ ಉದ್ಯಮಶೀಲತಾ ಅಭಿವೃದ್ಧಿ ಉಪಕ್ರಮಗಳು ಉದ್ಯಮಶೀಲತಾ ಅಭಿವೃದ್ಧಿ ಕಾರ್ಯಕ್ರಮಗಳ (EDPs) ಅಡಿಯಲ್ಲಿ 25 ಲಕ್ಷಕ್ಕೂ ಅಧಿಕ ಫಲಾನುಭವಿಗಳಿಗೆ ತರಬೇತಿ ನೀಡಿವೆ, ನಗರ, ಗ್ರಾಮೀಣ ಮತ್ತು ಮಹತ್ವಾಕಾಂಕ್ಷೆಯ ಜಿಲ್ಲೆಗಳಲ್ಲಿ ಉದ್ಯಮ ಸೃಷ್ಟಿ, ಸ್ವ-ಉದ್ಯೋಗ ಮತ್ತು ಜೀವನೋಪಾಯ ಉತ್ಪಾದನೆಗೆ ಮಾರ್ಗಗಳನ್ನು ಸೃಷ್ಟಿಸಿವೆ.

ಸಚಿವಾಲಯದ ಪರಿವರ್ತನೆಯ ಪಯಣದ ಒಂದು ನಿರ್ಣಾಯಕ ಲಕ್ಷಣವೆಂದರೆ ಡಿಜಿಟಲ್-ಮೊದಲ ಕೌಶಲ್ಯ ಪರಿಸರ ವ್ಯವಸ್ಥೆಯ ರಚನೆಯಾಗಿದೆ. ಸ್ಕಿಲ್ ಇಂಡಿಯಾ ಡಿಜಿಟಲ್ ಹಬ್ (SIDH) ಕೌಶಲ್ಯಗಳಿಗಾಗಿ ಸಮಗ್ರ ಡಿಜಿಟಲ್ ಸಾರ್ವಜನಿಕ ಮೂಲಸೌಕರ್ಯವಾಗಿ ಹೊರಹೊಮ್ಮಿದೆ, ಕೌಶಲ್ಯ, ಉದ್ಯೋಗಗಳು, ಅಪ್ರೆಂಟಿಸ್‌ಶಿಪ್‌ಗಳು ಮತ್ತು ಉದ್ಯಮಶೀಲತಾ ಅವಕಾಶಗಳನ್ನು ಒಂದೇ ವೇದಿಕೆಯಲ್ಲಿ ಒಗ್ಗೂಡಿಸುತ್ತದೆ. ಇಂದು 1.5 ಕೋಟಿಗೂ ಅಧಿಕ ಅಭ್ಯರ್ಥಿಗಳು SIDH ನಲ್ಲಿ ನೋಂದಾಯಿಸಲ್ಪಟ್ಟಿದ್ದಾರೆ, 23 ಭಾಷೆಗಳಲ್ಲಿ 1,000 ಕ್ಕೂ ಅಧಿಕ ಕೋರ್ಸ್‌ಗಳು ಲಭ್ಯವಿದೆ. SOAR (AI ಸಿದ್ಧತೆಗಾಗಿ ಕೌಶಲ್ಯ) ದಂತಹ ಕಾರ್ಯಕ್ರಮಗಳು ಕಲಿಯುವವರು ಮತ್ತು ಶಿಕ್ಷಕರಲ್ಲಿ AI ಅರಿವು ಮತ್ತು ಸನ್ನದ್ಧತೆಯನ್ನು ಮತ್ತಷ್ಟು ವೇಗಗೊಳಿಸಿವೆ, ವಿವಿಧ ಕ್ಷೇತ್ರಗಳಲ್ಲಿ 50+ AI ಕೋರ್ಸ್‌ಗಳು ಮತ್ತು ಅರ್ಹತೆಗಳನ್ನು ಹೊಂದಿದ್ದು, ಉದಯೋನ್ಮುಖ ತಂತ್ರಜ್ಞಾನ ಕ್ಷೇತ್ರಗಳಲ್ಲಿ ಆರಂಭವಾದಾಗಿನಿಂದ 4.5 ಲಕ್ಷಕ್ಕೂ ಅಧಿಕ ನೋಂದಣಿಗಳು ದಾಖಲಾಗಿವೆ.

ವಿಶ್ವ ಕೌಶಲ್ಯ ಸ್ಪರ್ಧೆಗಳಲ್ಲಿ ಭಾರತದ ಸಾಧನೆಯ ಮೂಲಕ ಜಾಗತಿಕ ವೇದಿಕೆಯಲ್ಲಿಯೂ ಭಾರತದ ಕೌಶಲ್ಯ ಶ್ರೇಷ್ಠತೆಯು ಪ್ರತಿಫಲಿಸಿದೆ. ಟೀಮ್ ಇಂಡಿಯಾ ಪ್ರಮುಖ ರಾಷ್ಟ್ರಗಳಲ್ಲಿ ತನ್ನ ಸ್ಥಾನವನ್ನು ಸ್ಥಿರವಾಗಿ ಬಲಪಡಿಸಿಕೊಂಡಿದೆ, 2015 ರಲ್ಲಿ 29 ನೇ ಸ್ಥಾನದಿಂದ 2024 ರಲ್ಲಿ 13 ನೇ ಸ್ಥಾನಕ್ಕೆ ಜಾಗತಿಕ ಶ್ರೇಯಾಂಕವನ್ನು ಸುಧಾರಿಸಿದೆ. ಇಂಡಿಯಾ ಸ್ಕಿಲ್ಸ್ ಮತ್ತು ವರ್ಲ್ಡ್ ಸ್ಕಿಲ್ಸ್‌ನಲ್ಲಿ ಭಾರತದ ಭಾಗವಹಿಸುವಿಕೆಯು ಕೌಶಲ್ಯ ಶ್ರೇಷ್ಠತೆಗಾಗಿ ರಾಷ್ಟ್ರೀಯ ಚಳುವಳಿಯಾಗಿ ವಿಕಸನಗೊಂಡಿದೆ, ಇದು ಯುವಕರು ವಿಶ್ವ ದರ್ಜೆಯ ಮಾನದಂಡಗಳನ್ನು ಅನುಸರಿಸಲು ಮತ್ತು ಅಂತಾರಾಷ್ಟ್ರೀಯ ವೇದಿಕೆಗಳಲ್ಲಿ ಭಾರತೀಯ ಪ್ರತಿಭೆಯ ಸಾಮರ್ಥ್ಯಗಳನ್ನು ಪ್ರದರ್ಶಿಸಲು ಪ್ರೇರೇಪಿಸುತ್ತದೆ.

ಜಾಗತಿಕ ಪ್ರತಿಭಾ ಪಾಲುದಾರನಾಗಿ ಭಾರತದ ಬೆಳೆಯುತ್ತಿರುವ ಪಾತ್ರವನ್ನು ಗುರುತಿಸಿ, ಸಚಿವಾಲಯವು ಅಂತಾರಾಷ್ಟ್ರೀಯ ಕಾರ್ಯಪಡೆಯ ಸಂಚಾರದ ಮೇಲೆ ತನ್ನ ಗಮನವನ್ನು ವಿಸ್ತರಿಸಿದೆ. ಸರ್ಕಾರದಿಂದ ಸರ್ಕಾರಕ್ಕೆ ಪಾಲುದಾರಿಕೆಗಳು, ಕೌಶಲ್ಯ ಆಧಾರಿತ ಚಲನಶೀಲತೆ ಒಪ್ಪಂದಗಳು ಮತ್ತು ಸ್ಕಿಲ್ ಇಂಡಿಯಾ ಅಂತಾರಾಷ್ಟ್ರೀಯ ಕೇಂದ್ರಗಳ ಸ್ಥಾಪನೆಯ ಮೂಲಕ, ಭಾರತವು ಕೌಶಲ್ಯಪೂರ್ಣ ವೃತ್ತಿಪರರಿಗೆ ಜಾಗತಿಕ ಕಾರ್ಮಿಕ ಮಾರುಕಟ್ಟೆಗಳಲ್ಲಿ ಅವಕಾಶಗಳನ್ನು ಪ್ರವೇಶಿಸಲು ವಿಶ್ವಾಸಾರ್ಹ ಮಾರ್ಗಗಳನ್ನು ಸೃಷ್ಟಿಸುತ್ತಿದೆ.

ಬದಲಾಗುತ್ತಿರುವ ದುಡಿಯುವ ಪ್ರಪಂಚಕ್ಕೆ ಪ್ರತಿಕ್ರಿಯೆಯಾಗಿ ಸಚಿವಾಲಯದ ಸುಧಾರಣಾ ಕಾರ್ಯಸೂಚಿ ವಿಕಸನಗೊಳ್ಳುತ್ತಲೇ ಇದೆ. ಪ್ರಧಾನ ಮಂತ್ರಿ ಕೌಶಲ್ಯ ಮತ್ತು ಉದ್ಯೋಗಾರ್ಹತೆಯ ಪರಿವರ್ತನೆ ಮೂಲಕ ಅಪ್‌ಗ್ರೇಡ್ ಮಾಡಿದ ಐಟಿಐಗಳು (PM-SETU), ಕೃತಕ ಬುದ್ಧಿಮತ್ತೆಯಲ್ಲಿ ಭವಿಷ್ಯದ ಕೌಶಲ್ಯ ಕಾರ್ಯಕ್ರಮಗಳು, ಸೈಬರ್ ಭದ್ರತೆ ಮತ್ತು ಉದಯೋನ್ಮುಖ ತಂತ್ರಜ್ಞಾನಗಳು ಮತ್ತು ರಾಷ್ಟ್ರೀಯ ಶಿಕ್ಷಣ ನೀತಿ 2020 ರ ಅಡಿಯಲ್ಲಿ ಶಿಕ್ಷಣದೊಂದಿಗೆ ಕೌಶಲ್ಯದ ಬಲವಾದ ಏಕೀಕರಣದಂತಹ ಉಪಕ್ರಮಗಳ ಮೂಲಕ, ಸಚಿವಾಲಯವು ಭವಿಷ್ಯದ ಅವಕಾಶಗಳು ಮತ್ತು ಸವಾಲುಗಳಿಗೆ ಸಿದ್ಧವಾಗಿರುವ ದುಡಿಯುವ ಪಡೆಯನ್ನು ಸಿದ್ಧಗೊಳಿಸುತ್ತದೆ.

ಎಂಎಸ್ ಡಿಇ ಹನ್ನೆರಡು ವರ್ಷಗಳನ್ನು ಪೂರ್ಣಗೊಳಿಸುತ್ತಿದ್ದಂತೆ, ಗುಣಮಟ್ಟವನ್ನು ಬಲಪಡಿಸುವುದು, ಪ್ರವೇಶವನ್ನು ವಿಸ್ತರಿಸುವುದು, ಉದ್ಯಮ ಪಾಲುದಾರಿಕೆಗಳನ್ನು ಬಲವರ್ಧನೆಗೊಳಿಸುವುದು, ಉದ್ಯಮಶೀಲತೆಯನ್ನು ಉತ್ತೇಜಿಸುವುದು, ಅಪ್ರೆಂಟಿಸ್‌ಶಿಪ್ ಅಳವಡಿಕೆಯನ್ನು ವೇಗಗೊಳಿಸುವುದು ಮತ್ತು ಭಾರತವನ್ನು ಕೌಶಲ್ಯಪೂರ್ಣ ಪ್ರತಿಭೆಗಳಿಗೆ ಜಾಗತಿಕ ಕೇಂದ್ರವಾಗಿ ಇರಿಸುವತ್ತ ಗಮನ ಹರಿಸಿದೆ. ಕಳೆದ ದಶಕದ ಸಾಧನೆಗಳು ಕೌಶಲ್ಯ, ನಾವೀನ್ಯತೆ ಮತ್ತು ಮಾನವ ಸಾಮರ್ಥ್ಯದಿಂದ ನಡೆಸಲ್ಪಡುವ ಭಾರತದ ಯಶೋಗಾಥೆಯು ಮುಂದಿನ ಹಂತಕ್ಕೆ ಭದ್ರ ಬುನಾದಿಯನ್ನು ಹಾಕಿಕೊಡುತ್ತಿದೆ.

*****