قبائلی امور کی وزارت نے ٹرائبل کوآپریٹو مارکیٹنگ ڈیولپمنٹ فیڈریشن آف انڈیا (ٹرائیفیڈ) کے ذریعے آج آر آئی ایس اے- ٹائم لیس ٹرائبل کی نقاب کشائی کی ، جو قبائلی ملبوسات، کشیدہ کاری اور دستکاری کے لیے ایک کلی طور پر وقف پریمیم برانڈ ہے  اور نئی دہلی ، کناٹ پلیس میں   گیلری نمبر -2، راجیو گاندھی دستکاری بھون  میں خصوصی آر آئی ایس اے (ریسا) اسٹور کا افتتاح کیا۔   یہ  اقدام  وکست بھارت کے لیے عزت مآب وزیر اعظم جناب نریندر مودی کے وژن کے مطابق ہے ، جو ہندوستان کے بھرپور ثقافتی ورثے کو محفوظ رکھتے ہوئے،  قبائلی برادریوں کو معاشی طور پر بااختیار بنانے کے ذریعے جامع ترقی کو فروغ دیتا ہے ۔

آر آئی ایس اے پہل کا تصور قبائلی مصنوعات کے لیے ایک الگ برانڈ شناخت پیدا کرنے ، قبائلی کاریگروں کے لیے بازار کے روابط کو مضبوط کرنے ، ڈیزائن کی تیاری اور مصنوعات کی تنوع کو آسان بنانے اور اعلی ملکی اور بین الاقوامی منڈیوں میں قبائلی ورثے کو فروغ دینے کے لیے کیا گیا ہے ۔

آر آئی ایس اے اسٹور کا افتتاح قبائلی امور کی وزارت کی سکریٹری ، آئی اے ایس ، محترمہ رنجنا چوپڑا نے ، آئی پی ایس ، ایم ڈی ، ٹرائیفیڈ ، جناب ایم راجاموروگن ، فیشن ڈیزائن کونسل آف انڈیا (ایف ڈی سی آئی) کے چیئرمین جناب سنیل سیٹھی ، معروف فیشن ڈیزائنر محترمہ انجو مودی ، ڈیزائن اداروں کے نمائندوں ، کاریگروں ، صنعت کے اسٹیک ہولڈرز ، دیگر معروف فیشن ڈیزائنرز اور وزارت اور ٹرائیفیڈ کے عہدیداروں کی موجودگی میں  کیا۔

اجتماع سے خطاب کرتے ہوئے ، محترمہ رنجنا چوپڑا نے پائیدار روزی روٹی کے اقدامات اور بازار تک رسائی میں بہتری کے ذریعے ہندوستان کے مالا مال قبائلی ورثے کے تحفظ اور فروغ کی اہمیت پر زور دیا ۔  انہوں نے کہا کہ قبائلی ملبوسات، کشیدہ کاری  اور دستکاری قبائلی برادریوں کی ثقافتی روایات ، علمی نظام اور فنکارانہ مہارت کی علامت ہیں اور ان کی مسلسل ترقی اور پہچان کے لیے مستقل ادارہ جاتی حمایت کی محتاج  ہیں ۔

اس موقع پر اظہار خیال کرتے ہوئے، جناب ایم راجا موروگن نے ایک جامع ماحولیاتی نظام کی تشکیل میں آر آئی ایس اے کے کردار پر روشنی ڈالی،  جس میں ڈیزائن کی تیاری ، ہنر مندی کی اپ گریڈیشن ، مصنوعات میں اختراع ، پیکیجنگ میں اضافہ اور مارکیٹ کا  فروغ شامل ہے ۔  انہوں نے کہا کہ اس پہل کا مقصد روایتی دستکاری اور مقامی علم کے تحفظ کو یقینی بناتے ہوئے،  قبائلی کاریگروں کے لیے روزی روٹی کے بہتر مواقع پیدا کرنا ہے ۔

نفاذ کے پہلے مرحلے کے حصے کے طور پر ، سات قبائلی ملبوسات اور کشیدہ کاری کی روایات کی شناخت ان کی ثقافتی اہمیت اور بازار کے امکانات کی بنیاد پر کی گئی ہے ۔  ان میں آسام کی ایری سلک اور موگا سلک ، جھارکھنڈ کی سانتل کاٹن ، لداخ کی چانگپا پشمینہ ، اوڈیشہ کی کوٹ پیڈ کاٹن اور ڈونگریا کشیدہ کاری ، اور تمل ناڈو کی ٹوڈا کشیدہ کاری  شامل ہیں ۔

ڈیزائن سے متعلق اقدامات اور مصنوعات کی ترقی کو آسان بنانے کے لیے ، نامور فیشن ڈیزائنرز اس پہل سے وابستہ ہیں ۔  محترمہ انجو مودی ، جناب  منیش ترپاٹھی ، جناب گورو جے گپتا ، جناب ابو جانی اور جناب سندیپ کھوسلہ ، اور محترمہ سمیرا دلوی قبائلی دستکاری کی اصالت اور روایتی کردار کو محفوظ رکھتے ہوئے عصری مصنوعات کی ترقی میں مدد کرنے کے لیے مصروف عمل ہیں ۔

اس پہل کو ٹیکسٹائل کی وزارت کے تحت ایک خود مختار تنظیم نیشنل ڈیزائن سینٹر (این ڈی سی) کے ذریعے نافذ کیا جا رہا ہے ۔  اس پروجیکٹ میں ڈیزائن کی تیاری ، ملبوسات کے نمونوں کی تخلیق ، قبائلی بنکروں اور کاریگروں کی صلاحیت سازی ، سلائی کی سہولیات کا قیام ، بنائی اور دستکاری کے کلسٹروں کو مضبوط بنانا ، اور مصنوعات کی پیشکش اور پیکیجنگ میں بہتری شامل ہے ۔

نیشنل انسٹی ٹیوٹ آف ڈیزائن (این آئی ڈی) ہریانہ ، آر آئی ایس اے برانڈ کے تحت مارکیٹنگ کی جانے والی مصنوعات کے لیے پریمیم اور ماحولیاتی طور پر پائیدار پیکیجنگ حل تیار کرنے میں مصروف ہے ۔

پہل کے پہلے مرحلے میں منتخب قبائلی دستکاریوں ، یعنی منی پور کی لانگپی مٹی کے برتن ، لداخ کی ترتوک پیتل کی کٹلری ، اور چھتیس گڑھ کے ڈوکھرا آرٹ کو فروغ دینا بھی شامل ہے ، جس کا مقصد ان کی مارکیٹ تک رابطہ کاری کو بڑھانا اور کاریگر  برادریوں کے لیے آمدنی کے مواقع کو بڑھانا ہے ۔

توقع ہے کہ آر آئی ایس اے پہل قبائلی برادریوں ، خاص طور پر خواتین کاریگروں کو معاشی طور پر با اختیار بنانے میں معاون ثابت ہوگی ، جبکہ ثقافتی تحفظ ، پائیدار پیداواری طریقوں اور قومی اور بین الاقوامی منڈیوں میں قبائلی مصنوعات کی زیادہ سے زیادہ نمائش کو فروغ دے گی ۔

****************************

( ش ح ۔  ا  ک  ۔ ق ر)

U.No. 8230

(रिलीज़ आईडी: 2271263) आगंतुक पटल : 9