প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রী-মন্দলনা দিল্লী-এন.সি.আর. রিজনদা নুংশিৎকী পোলুসন হন্থহন্নবা অমসুং হেন্না তরুবা মোবিলিতী প্রমোৎ তৌনবা পান্দম থম্লিবা চহি অনিগী ওইবা মরুওইবা স্কিম অমা অয়াবা পীখ্রে। স্কিম অসি হাউজিং অমসুং অর্বান এফিয়র্স মন্ত্রালয়গী মখাদা লৈবা নেস্নেল কেপিতেল রিজন প্লানিং বোর্দ (এন.সি.আর.পি.বি.) গী খুত্থাংদা শেল থাদগনি অমসুং রোদ ত্রান্সপোর্ত অমসুং হাইৱেজ মন্ত্রালয় (এম.ও.আর.তি.ঐচ.) অমসুং পেত্রোলিয়ম অমসুং নেচরেল গ্যাস মন্ত্রালয় (এম.ও.পি.এন.জি.) না ইমপ্লিমেন্ত তৌগনি। মসি দিল্লী, হরিয়ানা, রাজস্থান অমসুং উত্তর প্রদেশকী শরুক য়ারিবা রাজ্যশিং অমসুং য়ুনিয়ন তেরিতোরীশিং অসিগা খুৎশম্নদুনা পায়খৎকনি।

লুপা করোর ৯,৫৮৫গী অপুনবা শেনফমগা লোয়ননা, মসিদা কেন্দ্র সরকারদগী লুপা করোর ৫,০৪১ য়াওরি অমসুং শরুক য়ারিবা রাজ্যশিংদগী লুপা করোর ১,৬০১গী তেক্স কন্সেসনশিং য়াওরি, স্কিম অসিনা দিল্লী-এন.সি.আর.গী লমদমদা রেজিস্তর তৌরবা ত্রক অমসুং বসশিংগী মপুশিংবু বি.এস.- IV নৎত্রগা মমাংগী ইমিসন নোর্মশিং অদু বি.এস.- VI নৎত্রগা হেন্না অকনবা ইমিসন-কমপ্লাইন্ত ভেহিকলশিং নৎত্রগা ইলেক্ত্রিক ভেহিকলশিং (ই.ভি.শিং) দা মহুৎ শিনহন্নবা পুক্নিং থৌগৎনবা হোৎনরি। হেন্না তরুবা ত্রান্সপোর্ত তেক্নোলোজীদা অহোংবা পুরকপদা খোংজেল য়াংশিনহন্দুনা, স্কিম অসিনা ভেহিকলগী ইমিসন য়াম্না হন্থহল্লগনি অমসুং দিল্লী-এন.সি.আর. রিজন পুম্বদা এয়র ক্বালিতী ফগৎহনবদা মতেং পাংগনি হায়না পানরি।

দিল্লী-এন.সি.আর.দা নুংশিৎকী পোলুসন অসি মীয়ামগী হকশেলগী অচৌবা শিংনবা অমা ওইরি, মরুওইনা নীংথম থাগী মতমদা। ওতোমোতিব রিসর্চ এসোসিয়েসন ওফ ইন্দিয়া (এ.আর.এ.আই.) অমসুং দি ইনর্জী এন্দ রিসোর্স ইন্সতিত্যুৎ (তি.ই.আর.আই.) না শেমখিবা অমসুং ওগস্ত ২০১৮দা ফোঙখিবা "সোর্স এপ্রোসনমেন্ত ওফ পার্তিক্যুলেত মেতর (পি.এম. ২.৫ এন্দ পি.এম. ১০) ইন দি এন.সি.আর."কী রিপোর্তকী মতুং ইন্না ত্রান্সপোর্ত সেক্তরনা দিল্লী-এন.সি.আর.দা পি.এম. ২.৫গী ১৪%, কার্বন মোনোওক্সাইদ (সি.ও.) গী ৪০% অমসুং নাইত্রোজেন ওক্সাইদ (এন.ও.এক্স.) গী ৬৩% পুথোক্লি। ত্রান্সপোর্ত সেক্তরগী মনুংদা, ত্রক অমসুং বসশিংনা অপুনবা ফ্লিৎকী ৩% খক্তদা ওইবগা লোয়ননা পি.এম. ২.৫ থাদোকপগী ৩৬% শরুক তম্মি। প্রি-বি.এস. হেভী-দ্যুতী ভেহিকল অমা খক্তনা বি.এস.-VIগী মওং মতৌগা চুনবা ভেহিকল ১৪ থাদোকই হায়না পানরি। বি.এস.-IVগী ভেহিকল অমনা বি.এস.-VIগী কাউন্তরপার্ততগী শরুক ২.৭ হেন্না থাদোকই। মরম অদুনা, অনৌবা ভেহিকল ফ্লিৎ অসিনা ভেহিকলগী পোলুসন অদু য়াম্না হন্থহল্লগনি হায়না পানরি।

স্কিম অসিনা দিল্লী-এন.সি.আর.দা (দিল্লি, হরিয়ানা, রাজস্থান অমসুং উত্তর প্রদেশ য়াওবা) চাউরাক্না মপু লাখ ২.০৭ (ত্রক লাখ ১.৯১ অমসুং বস লাখ ১৬.৩২৯) গী মপুশিংদা কান্নবা ফংহল্লগনি।

বি.এস.-III নত্ত্রগা মসিগী মমাংগী ভেহিকলশিংগীদমক্তা, রেজিষ্টর তৌরবা ভেহিকল স্ক্রেপ্পিং ফেসিলিতীশিংদা স্ক্রেপ তৌবা অসি তঙাইফদে, অদুগা বি.এস.-IV ভেহিকলশিং অসি এন.সি.এ.পি. নত্তবা শহরশিং/তাউনশিংদা এন.সি.আর.গী মপান্দা স্ক্রেপ তৌবা নত্ত্রগা য়োন্থোকপা য়াই। মসিগী মতুংদা মপুশিংনা বি.এস.-VI নত্ত্রগা হেন্না অকনবা চৎন-কাঙলোনগা চুনবা নত্ত্রগা এন.সি.আর.গী মনুংদা ইলেক্ত্রিক ভেহিকল অমা লৈগদবনি অমসুং রেজিস্তর তৌগদবনি। অদুম ওইনমক, দিল্লীদা, স্কিম অসিগী মখাদা ফংবা লাইত গুদস ভেহিকলশিং অসি ইলেক্ত্রিক ওইগদবনি, অদুগা বসশিংদি বি.এস.­-VI সি.এন.জি. নৎত্রগা ইলেক্ত্রিক খক্তমক ওইগদবনি। সরকারগী গারীশিং অসি স্কিম অসিদা কোনশিল্লোই।

স্কিম অসিগী মখাদা পীরিবা কান্নবশিং:

কেন্দ্রনা চহি মঙাগী ওইনা লোনদা চাদা ৫গী ইন্তরেস্ত সবভেন্সন, ভেহিকল কেতগোরীগী মতুং ইন্না লুপা ৪,৮০০ ফাওবগী থাগী ফ্যুল ভাউচর অমসুং ই.ভি.শিং লৈবা নৎত্রগা সর্তিফিকেৎ ওফ দিপোজিৎ ত্রেদিং তৌবদা লম্প-সমগী কান্নবা পীগনি।

রাজ্য সরকারশিংনা রেজিস্ত্রেসন ফি লৌদনবা অমসুং চহি ১০গী ওইনা অনৌবা ভেহিকলশিংগীদমক্তা ১০০% অমসুং শিজিন্নরবা ভেহিকলশিংগীদমক্তা ৫০%গী ওইবা মোতোর ভেহিকল তেক্স কন্সেসন পীগনি। রাজ্য সরকারনা স্কিম অসিদা শরুক য়াবা অরিবা ভেহিকলশিংগী পন্দুনা লৈরিবা লাইএবিলিতীশিংসু কোকপীগনি।

শরুক য়ারিবা ওতো ও.ই.এম.শিংনা এক্স-শো রুমগী মমলদা ৮%গী দিস্কাউন্ত পীগনি।

ইন্তিগ্রেতেদ পোর্তেল অমগী খুত্থাংদা ইমপ্লিমেন্তেসন অসি মপুং ফানা দিজিতেল ওইগনি। মসিনা রিয়েল তাইম ইলিজিবিলিতী চেকশিং, ওতোমেতেদ ইন্তরেস্ত সবভেন্সন ক্লেমশিং, থাগী ফ্যুল ভাউচর ক্রেদিৎশিং অমসুং পোলুসন হন্থহনবগী মহৈশিং য়েংশিনবা ঙমহনগনি। কেন্দ্র সরকারনা পীরিবা কান্নবশিং অসি অনৌবা ভেহিকল রেজিস্ত্রেসন তৌরবা তাংদগী চহি ৫গী ওইনা মখা চত্থগনি। মসিনা চহি অনিগী রেজিস্ত্রেসন ৱিন্দো অদুগী মথক্তা তুংকোইনা ইম্পেক্ত লৈহনগনি।

স্কিম অসি কেবিনেৎ সেক্রেতরীনা সি.ই.ও., নিতি অয়োগ, এম.ও.ঐচ.য়ু.এ., এম.ও.আর.তি.এন্দ.ঐচ., এম.ও.পি.এন.জি., দি.এফ.এস.কী সেক্রেতরীশিং, দিল্লী এন.সি.আর.দা লৈবা রাজ্যশিংগী চীফ সেক্রেতরীশিং অমসুং এন.সি.আর.পি.বি.গী মেম্বর সেক্রেতরীনা মেম্বর কনভেনর ওইদুনা এম্পাৱরদ কমিতী অমনা মোনিতর তৌগনি। দিস্ত্রিক্ত লেভেলদা, দিস্ত্রিক্ত কলেক্তরশিং/ দিস্ত্রিক্ত মেজিস্ত্রেৎশিংনা স্কিম অসি ইমপ্লিমেন্ত তৌগনি অমসুং মোনিতরিং তৌগনি।

***