نیشنل ڈوپ ٹیسٹنگ لیباریٹری حکومت ہند کا ایک خود مختار ادارہ ہے۔ اس ادارے  نے آج 3 جون 2026 کو ہریانہ کے گروگرام میں شری گرو گووند سنگھ ٹرائی سینٹنری یونیورسٹی کے ساتھ ایک مفاہمت نامے پر دستخط کئے ۔  یہ اسٹریٹجک شراکت داری ہندوستان میں اسپورٹس سائنس کی تعلیم ، اینٹی ڈوپنگ ریسرچ اور منشیات سے پاک کھیلوں کے وسیع تر مشن کو آگے بڑھانے کی سمت میں ایک اہم سنگ میل ہے ۔  اس مفاہمت نامے پر دونوں اداروں کے سینئر عہدیداروں کی موجودگی میں دستخط کئے گئے ، جس میں ملک بھر میں کھلاڑیوں کی سائنسی مہارت ، اخلاقی اسپورٹس مین شپ اور مجموعی ترقی کے تئیں ان کے مشترکہ عزم کو اجاگر کیا گیا ۔

یہ تعاون طلبہ اور فیکلٹی ممبران کے لئے جدید تربیت، انٹرن شپ، تحقیقی منصوبوں، ماہر لیکچرز اور جدید لیباریٹری طریقۂ کار تک رسائی کے مواقع فراہم کرے گا۔ اس شراکت داری کے تحت تجزیاتی ٹیسٹنگ، اینٹی ڈوپنگ سائنس، فورینسک تجزیہ اور صحت کے تشخیصی شعبوں میں مشترکہ تحقیقی اقدامات، علمی تبادلہ پروگرام اور صلاحیت سازی کی سرگرمیوں کو بھی فروغ دیا جائے گا۔

نیشنل ڈوپ ٹیسٹنگ لیبارٹری کے ڈائریکٹر ڈاکٹر پی. ایل. ساہو نے اس تعاون کے لئے اپنے جوش و خروش کا اظہار کرتے ہوئے کہا کہ ہنرمند پیشہ ور افراد کی تیاری اور سائنسی تحقیق کو آگے بڑھانے میں اکیڈمک-انڈسٹری شراکت داری کی اہمیت بہت زیادہ ہے۔ انہوں نے زور دیا کہ یہ مفاہمتی یادداشت ملک میں سائنسی تعلیم اور لیبارٹری ایکسیلنس کے نظام کو مضبوط بنانے میں مدد دے گی۔انہوں نے کہا کہ ‘‘ ڈی ٹی ایل کا مشن ہمیشہ بھارت میں کھیلوں کی سالمیت کو برقرار رکھنا رہا ہے۔ ایس جی ٹی یونیورسٹی جیسے ادارے کے ساتھ شراکت ہمیں اس مشن کو تعلیمی میدان تک بڑھانے کا موقع دیتی ہے،جہاں ہم سائنسدانوں، محققین اور صحت کے ماہرین کی اگلی نسل کو تیار کریں گے جو اسپورٹس کو فروغ دیں گے۔ ہم ایک نتیجہ خیز اور مؤثر تعاون کی توقع رکھتے ہیں۔’’

اس موقع پر ایس جی ٹی یونیورسٹی کے وائس چانسلر ڈاکٹر ہمنت ورما نے کہا کہ نیشنل ڈوپ ٹیسٹنگ لیبارٹری کے ساتھ یہ مفاہمتی یادداشت یونیورسٹی کے لیے ایک قابلِ فخر قدم ہے۔ انہوں نے کہا کہ یہ شراکت جدت، تجرباتی تعلیم اور تحقیق پر مبنی تدریس کے وژن سے ہم آہنگ ہے۔ اس تعاون سے طلبہ کو جدید ٹیکنالوجیز اور لیباریٹری طریقۂ کار کا عملی تجربہ حاصل ہوگا، جس سے ان کی پیشہ ورانہ مہارت اور روزگار کے مواقع میں اضافہ ہوگا۔

این ڈی ٹی ایل کے گورننگ اور جنرل باڈی ممبر پروفیسر وائی کے گپتا (ممتاز سائنسداں) نے اظہار خیال کیا کہ اس شراکت داری سے بامعنی تعلیمی مشغولیت ، باہمی تعاون پر مبنی تحقیق ، فیکلٹی ڈیولپمنٹ پروگرام ، طلباء کی انٹرن شپ اور دیگر باہمی فائدہ مند اقدامات کے لئے ایک پلیٹ فارم بنانے کی امید ہے ۔  اس مفاہمت نامے کے ذریعے ، دونوں ادارے سائنسی علم کو آگے بڑھانے ، معیاری تعلیم کو فروغ دینے  اور ہنر مند صحت کی دیکھ بھال اور تحقیقی افرادی قوت کی ترقی میں تعاون کرنے کے اپنے عزم کا اعادہ کرتے ہیں ۔

***

ش  ح۔ ک ا۔ ع ا

U.NO.7935

(रिलीज़ आईडी: 2268523) आगंतुक पटल : 8