ڈیفنس ریسرچ اینڈ ڈیولپمنٹ آرگنائزیشن (ڈی آر ڈی او) اور انڈین ایئر فورس (آئی اے ایف) نے ہوائی پلیٹ فارم سے رودرم-II ایئر ٹو سرفیس میزائل کے کامیاب  تجربات کیے ہیں۔یہ تجربات  انتہائی کٹھن ریلیز حالات کے تحت کیئے گئے ، جس میں ایک اہم ترین رفتار کے راستے نے   تمام ذیلی نظاموں کی صلاحیت کو ثابت کردیا۔

داغے  جانے کے بعد میزائلوں کو پن پوائنٹ کی درستگی کے ساتھ پہلے سے طے شدہ ہدف کی طرف ہدایت دی گئی ۔  ٹیسٹ کے تمام مقاصد کو مکمل طور پر پورا کیا گیا جیسا کہ انٹیگریٹڈ ٹیسٹ رینج (آئی ٹی آر) چندی پور  واقع  مختلف رینج آلات کے ذریعے حاصل کردہ فلائٹ ڈیٹا سے تصدیق ہوئی ۔

رودرم-II کو ریسرچ سینٹر امارت ، حیدرآباد نے ڈیفنس ریسرچ اینڈ ڈیولپمنٹ لیبارٹری ، ہائی انرجی میٹریل ریسرچ لیبارٹری ، آرمامینٹ ریسرچ اینڈ ڈیولپمنٹ اسٹیبلشمنٹ اور آئی ٹی آر جیسی دیگر بہن لیبارٹریوں کے تعاون سے ڈی آر ڈی او کی نوڈل لیبارٹری کے طور پر مقامی طور پر تیار کیا ہے ۔  ڈیولپمنٹ کم پروڈکشن پارٹنرز (ڈی سی پی پیز) ایجنسیوں جیسے ہندوستان ایروناٹکس لمیٹڈ ، ریجنل سینٹر فار ملٹری ایئر وردی نیس ، میزائل سسٹم کوالٹی ایشورینس ایجنسی اور بہت سی دیگر صنعتوں نے اس ہدف کو حاصل کرنے میں نمایاں تعاون کیا ہے ۔

وزیر دفاع جناب راج ناتھ سنگھ نے کامیاب فلائٹ ٹیسٹ کے لیے ڈی آر ڈی او ، آئی اے ایف ، ڈی پی ایس یوز ، ڈی سی پی پیز اور صنعت کی کوششوں کی تعریف کی ہے ۔  انہوں نے کہا کہ ان تجربات نے مقامی دفاعی ٹیکنالوجیز کی بڑھتی ہوئی پختگی کا مظاہرہ کیا ہے ، جس نے جدید ہتھیاروں کے نظام میں آتم نربھرتا میں نمایاں کردار ادا کیا ہے ۔

محکمہ دفاع کے تحقیق و ترقی کے سکریٹری اور ڈی آر ڈی او کے چیئرمین نے اس قابل ستائش کامیابی کے لیے ٹیسٹ سے وابستہ تمام ٹیموں کو مبارکباد دی ہے ۔

 

******

ش ح۔ ف ا۔ م ر

U-NO. 7877

 

(ریلیز آئی ڈی: 2268163) وزیٹر کاؤنٹر : 13