হকশেল অমসুং য়াইফ-য়ুম্বাল মন্ত্রালয়
WHOনা ইবোলা লাইচৎ অসি মালেমগী ওইনা পাখৎনিংঙাই ওইবা পব্লিক হেল্থ ইমর্জেন্সী অমা ওইনা লাউথোকখ্রে; অফ্রিকা CDCনা কন্তিনেন্তেল সেক্যুরিতীগী পব্লিক হেল্থ ইমর্জেন্সী অমা ওইনা লাউথোকখ্রে
ভারত সরকারনা প্রজাশিংদা দেমোক্রেতিক রিপব্লিক ওফ কোঙ্গো, উগান্দা অমসুং খা সুদানদা তঙাইফদবা নত্তবা খোঙচৎ চত্তনবা খঙহনখ্রে
থাগৎখিবা:
24 MAY 2026 8:24AM by PIB Imphal
দেমোক্রেতিক রিপব্লিক ওফ কঙ্গো (DRC) অমসুং উগান্দাদা ইবোলাগী লাইনা-লাইচৎ অসি শন্দোরকপগী রিপোর্ত তৌরকপদগী, ৱার্ল্দ হেল্থ ওর্গনাইজেসন (WHO)না, ইন্তর্নেস্নেল হেল্থ রেগুলেসন (IHR), 2005গী মখাদা, 2026গী মে 17দা, ফিভম অসি পব্লিক হেল্থ ইমর্জেন্সী ওফ ইন্তর্নেস্নেল কন্সর্ন (PHEIC) ওই হায়না লেপখি।
দিমোক্রেতিক রিপব্লিক ওফ কোঙ্গো অমসুং উগান্দাদা শোকহল্লিবা বুন্দিবুগ্যো স্ত্রেন ইবোলা ভাইরস লাইনা-লাইচৎ অসি পব্লিক হেল্থ ইমর্জেন্সী ওফ কন্তিনেন্তেল সেক্যুরিতীগী (PHECS) অমা ওইনা অফ্রিকা সেন্তর ফোর দিজিজ কন্ত্রোল এন্দ প্রিভেন্সন (অফ্রিকা CDC)না ওফিসিয়েল ওইনা লাউথোকখ্রে।
মখাতানা, WHO IHR ইমর্জেন্সী কম্মিতীনা মে 22, 2026দা এন্ত্রি পোইন্তশিংদা লাইচৎ য়েংশিনবা হেনগৎহন্নবা মতম খরগী ওইনা রিকমেন্দেসনশিং থোকখি। মসিগী পান্দমদি “ময়েক শেংনা খঙবা ঙমদবা ফিব্রীলগী লাইনা-লাইচৎনা মরম ওইদুনা বুন্দিবুগ্যো ভাইরস থেংনরবা মফমশিংদগী লাকপা ত্রেভেলরশিং খঙদোকপা, এসেস তৌবা, রিপোর্ত তৌবা অমসুং মেনেজ তৌবা” অদুগা “হান্নদগী খঙলবা বুন্দিবুগ্যো ভাইরস থেংনরবা মফমশিংদা চৎপা থিংজিনবা” অসিনি।
দিমোক্রেতিক রিপব্লিক ওফ কোঙ্গো অমসুং উগান্দাগা ঙমখৈ লৈনবা লৈবাকশিং, খা সুদান য়াওনা, লায়না অসি শন্দোকপগী রিস্ক ৱাংনা লৈ হায়না খন্নরি।
ইবোলা লাইনা অসি ইবোলা ভাইরসকী বুন্দিবুগ্যো ভাইরস স্ত্রেননা ইনফেক্সন তৌবনা থোকহনবা ভাইরেল হেমোরেজিক ফিবর অমনি। মসি শিবগী চাং য়াম্না ৱাংবা শাথিবা লাইনা অমনি। হৌজিক্কী ওইনা, বুন্দিবুগ্যো ভাইরস স্ত্রেননা থোকহনবা ইবোলা লাইনা অসি ঙাকথোক্নবা নত্রগা লাইয়েংনবা ভেক্সিন নত্রগা অখন্নবা লাইয়েং অমত্তা অয়াবা পীদ্রি।
ভারতনা বুন্দিবুগ্যো ভাইরস স্ত্রেননা থোকহনবা ইবোলা লাইনাগী কেস অমত্তা থেংনবগী রিপোর্ত তৌখিদে।
দেমোক্রেতিক রিপব্লিক ওফ কোঙ্গো অমসুং অতোপ্পা শোকহল্লবা লৈবাকশিংদা ওইরক্লিবা ফীভম অসি য়েংলগা অমসুং WHOগী রিকমেন্দেসনশিং অসিগী মতুং ইন্না, ভারত সরকারনা ভারতকী নাগরিক পুম্নমকপু দেমোক্রেতিক রিপব্লিক ওফ কোঙ্গো, উগান্দা অমসুং খা সুদানদা মখাতাবা পাউ খঙহল্লক্ত্রিবা ফাওবা তঙাইফদবা খোঙচৎশিং নত্তনা খোংচৎ চত্তনবা খঙহল্লি।
হৌজিক্কী ওইনা লৈবাকশিং অসিদা লৈরিবা নত্রগা চত্থরিবা ভারতকী নাগরিকশিংদা মফম অদুগী ওথোরিতীশিংনা পীবা পব্লিক হেল্থ গাইদলাইনশিং চেকশিন্না ঙাক্না চৎনবা অমসুং চেকশিন থৌরাংশিং লৌখৎনবা খঙহনখ্রে।
এদভাইজরী অসি মফমসিদা এক্সেস তৌবা য়াগনি:
https://mohfw-dohfw.gov.in/static/uploads/2026/05/2c1ba58591b94ed8a892935e75e8006f.pdf
*****
(রিলিজ আই.দি.: 2265008)
ভিজিতর কাউন্তর : 8
রিলিজ অসি মসিদা পাবীয়ু:
English
,
Gujarati
,
Urdu
,
Marathi
,
हिन्दी
,
Bengali
,
Bengali-TR
,
Punjabi
,
Odia
,
Tamil
,
Telugu
,
Kannada
,
Malayalam