যুৱ পৰিক্ৰমা আৰু ক্ৰীড়া বিভাগৰ ৰাজ্য মন্ত্ৰী ৰক্ষা খাডছেই আজি খেলো ইণ্ডিয়া ষ্টেট চেণ্টাৰ অৱ এক্সেলেন্স (কেআইএছচিই) অসম আৰু গুৱাহাটীৰ হাই পাৰ্ফমেন্স চেণ্টাৰ পৰিদৰ্শন কৰে। ইয়াত তেওঁ উত্তৰ-পূবত ক্ৰীড়া পৰিৱেশ তন্ত্ৰৰ বৰ্ধিত উচ্চ প্ৰদৰ্শনৰ পৰ্যালোচনা কৰে আৰু খেলুৱৈ, প্ৰশিক্ষক, ক্ৰীড়া বিজ্ঞান বিশেষজ্ঞ তথা বিষয়াসকলৰ সৈতে মত বিনিময় কৰে।

পৰিদৰ্শনৰ সময়ত, ৰক্ষা খাডছেই উচ্চ প্ৰদৰ্শন কেন্দ্ৰত বিভিন্ন প্ৰশিক্ষণ আৰু পুনৰ্বাসন সুবিধাকসমূহ প্ৰত্যক্ষ কৰে, যাৰ ভিতৰত আছে ক্ৰীড়া বিজ্ঞান পৰীক্ষাগাৰ, পুনৰুদ্ধাৰ আৰু পুনৰ্বাসন ইউনিট, শাৰীৰিক আৰু জৈৱ-যান্ত্ৰিক মূল্যায়ন সুবিধা আৰু খেলুৱৈৰ সমৰ্থন প্ৰণালী। এই ভ্ৰমণে ভাৰতৰ ক্ৰীড়া পৰিৱেশতন্ত্ৰত ক্ৰীড়া বিজ্ঞান, প্ৰযুক্তি আৰু তথ্য-চালিত খেলুৱৈৰ বিকাশৰ বৰ্ধিত একত্ৰীকৰণৰ ওপৰত আলোকপাত কৰে।

এই পৰিদৰ্শনকালত মন্ত্ৰীগৰাকীৰ সৈতে  ক্ৰীড়া আৰু যুৱ কল্যাণ বিভাগৰ বিশেষ সচিব কৌছাৰ জামিল হিলালী; ক্ৰীড়া আৰু যুৱ কল্যাণ বিভাগৰ সঞ্চালক অংকুৰ ভৰালী; ডি কে মিত্তাল, এছ এ আই গুৱাহাটীৰ আঞ্চলিক সঞ্চালক; কে আই এছ চি ই অসমৰ হাই পাৰ্ফমেন্স মেনেজাৰৰ লগতে ক্ৰীড়া আৰু যুৱ কল্যাণ বিভাগৰ জ্যেষ্ঠ বিষয়াসকল উপস্থিত আছিল।

বিভিন্ন শাখাৰ খেলুৱৈসকলৰ সৈতে বাৰ্তালাপ কৰি ৰক্ষা খাডছেই তেওঁলোকৰ সমৰ্পণ আৰু দায়বদ্ধতাৰ প্ৰশংসা কৰে আৰু অনুশাসন তথা সংকল্পৰ সৈতে উৎকৃষ্টতাৰ দিশত চেষ্টা অব্যাহত ৰাখিবলৈ তেওঁলোকক উৎসাহিত কৰে। তেওঁ লগতে তৃণমূল পৰ্যায়ৰ ক্ৰীড়া আন্তঃগাঁথনি শক্তিশালী কৰা আৰু সমগ্ৰ দেশতে খেলুৱৈসকলৰ বাবে বিশ্বমানৰ প্ৰশিক্ষণ পৰিৱেশ সৃষ্টিৰ ওপৰত চৰকাৰৰ নিৰন্তৰ মনোনিবেশৰ ওপৰত গুৰুত্ব আৰোপ কৰে।

অনুষ্ঠানত ভাষণ প্ৰদান কৰি ৰক্ষা খাডছে কয় যে প্ৰধানমন্ত্ৰী শ্ৰী নৰেন্দ্ৰ মোদীৰ দূৰৰ্দশী নেতৃত্বত ভাৰতে ক্ৰীড়া আন্তঃগাঁথনি, খেলুৱৈৰ সমৰ্থন প্ৰণালী আৰু বৈজ্ঞানিক প্ৰশিক্ষণ পদ্ধতিৰ এক পৰিৱৰ্তনশীল সম্প্ৰসাৰণ প্ৰত্যক্ষ কৰিছে। তেওঁ উল্লেখ কৰে যে খেলো ইণ্ডিয়া ষ্টেট চেণ্টাৰ অৱ এক্সেলেন্স (কেআইএছচিই) অসম আৰু হাই পাৰ্ফমেন্স চেণ্টাৰৰ দৰে কেন্দ্ৰসমূহে প্ৰতিভাৰ যতন লোৱা আৰু আন্তঃৰাষ্ট্ৰীয় সফলতাৰ বাবে খেলুৱৈসকলক প্ৰস্তুত কৰাত এক গুৰুত্বপূৰ্ণ ভূমিকা পালন কৰি আছে।

উচ্চ প্ৰদৰ্শন কেন্দ্ৰটোৱে অঞ্চলটোত এক গুৰুত্বপূৰ্ণ ক্ৰীড়া বিজ্ঞান আৰু পুনৰ্বাসন সুবিধা হিচাপে আত্মপ্ৰকাশ কৰিছে, যি আঘাত ব্যৱস্থাপনা, পুনৰুদ্ধাৰ, শাৰীৰিক পৰীক্ষা, গতি বিশ্লেষণ তথা প্ৰদৰ্শন বৃদ্ধিৰ বাবে আধুনিক প্ৰণালীৰে সজ্জিত।

ৰক্ষা খাডছে খেলো ইণ্ডিয়া পৰিৱেশতন্ত্ৰৰ অধীনত চলি থকা খেলুৱৈ উন্নয়ন কাৰ্যসূচীসমূহৰো পৰ্যালোচনা কৰে আৰু উত্তৰ-পূবৰ যুৱ খেলুৱৈসকলৰ বাবে ৰাষ্ট্ৰীয় তথা আন্তঃৰাষ্ট্ৰীয় পৰ্যায়ৰ প্ৰতিযোগিতাত অংশগ্ৰহণ কৰাৰ পথ শক্তিশালী কৰাৰ গুৰুত্বৰ বিষয়ে আলোচনা কৰে।

এই ভ্ৰমণে কমনৱেলথ গেমছ ২০৩০ৰ লগতে ভাৰতৰ দীৰ্ঘম্যাদী ক্ৰীড়া উচ্চাকাংক্ষাৰ দিশে আগবাঢ়ি যোৱাৰ লগে লগে বৈজ্ঞানিকভাৱে চালিত, খেলুৱৈ-কেন্দ্ৰিক তথা বিশ্বব্যাপী প্ৰতিযোগিতামূলক ক্ৰীড়া পৰিৱেশ তন্ত্ৰ গঢ়ি তোলাৰ চৰকাৰৰ বিস্তৃত দৃষ্টিভংগীক প্ৰতিফলিত কৰে।

 

 

*****

Ayushman Kumar/MK

(ৰিলিজ আই ডি : 2264963) অতিথি কক্ষ : 8