بھاری صنعتوں اور فولاد کے مرکزی وزیر ایچ ڈی کمارسوامی نے آج ایچ ایم ٹی مشین ٹولز لمیٹڈ (ایچ ایم ٹی)، کلامسّیری کا ایک وسیع دورہ کیا، جہاں انہوں نے پلانٹ کی مینوفیکچرنگ صلاحیتوں کا جائزہ لیا، جنوبی افریقہ کے لیے برآمدی ترسیل کا افتتاح کیا، ایچ ایم ٹی، ایف سی آر آئی اور انسٹرومینٹیشن کے نمائندوں کے ساتھ جائزہ میٹنگیں کیں، اور لیبر کے نمائندوں کے ساتھ کام کیا۔

اس دورے کی خاص بات ایچ ایم ٹی کلامسّیری میں تیار کی گئی این ایچ سیریز کی مشین کو جھنڈی دکھا کر جنوبی افریقہ کو برآمد کرنا تھا، جو ہندوستان کی مقامی انجینئرنگ اور مینوفیکچرنگ کی صلاحیتوں میں بڑھتے ہوئے عالمی اعتماد کی عکاسی کرتا ہے۔ حکام نے وزیر کو مطلع کیا کہ ایچ ایم ٹی درست طریقے سے انجنیئرڈ مشین ٹولز اور صنعتی نظاموں کے لیے بین الاقوامی برآمدی آرڈرز حاصل کر رہا ہے۔

اس موقع پر بات کرتے ہوئے، ایچ ڈی کماراسوامی نے کہا، ’’ ایچ ایم ٹی  میں تیار کردہ دیسی مشین ٹولز کی بین الاقوامی منڈیوں میں برآمد ہندوستان کے مینوفیکچرنگ سیکٹر کے لیے ایک قابل فخر لمحہ ہے۔ یہ ہندوستانی انجینئرنگ کی مہارت اور تکنیکی صلاحیت کی بڑھتی ہوئی عالمی قبولیت کی عکاسی کرتا ہے۔‘‘

پلانٹ کے دورے کے دوران، وزیر نے مشین ٹول ڈویژن، فاؤنڈری ڈویژن اور سہولت کے اسٹریٹجک مینوفیکچرنگ سیکشن میں آپریشنز اور انفراسٹرکچر کا جائزہ لیا۔ انہوں نے سی این سی سسٹمز کی تیاری، اسمبلی اور جانچ کے عمل، درستگی کے مشینی اوزار، خصوصی انجینئرنگ آلات اور ہندوستانی بحریہ کے پلیٹ فارمز کے لیے استعمال ہونے والے مقامی طور پر تیار کردہ سونار ڈائریکٹنگ گیئر سسٹمز کا مشاہدہ کیا۔

وزیر کو دفاع، ریلوے، ایرو اسپیس، ہیوی انجینئرنگ اور جدید مینوفیکچرنگ سمیت اسٹریٹجک شعبوں میں ایچ ایم ٹی کے تعاون کے بارے میں بتایا گیا۔ انہوں نے بحری اور دفاعی ایپلی کیشنز کے لیے تیار کردہ دیسی نظاموں کا بھی جائزہ لیا۔ مرکزی وزیر ایچ ڈی کمارسوامی نے مشاہدہ کیا، "ایچ ایم ٹی جیسے ادارے ہندوستان کے پبلک سیکٹر انجینئرنگ ایکو سسٹم کی مضبوطی کی نمائندگی کرتے ہیں۔ یہاں کی تکنیکی مہارت، مینوفیکچرنگ کی صلاحیت اور افرادی قوت کی وابستگی اسٹریٹجک خود انحصاری میں نمایاں طور پر تعاون دے رہی ہے۔"

مرکزی وزیر نے بعد میں ایچ ایم ٹی مشین ٹولز لمیٹڈ، فلوڈ کنٹرول ریسرچ انسٹی ٹیوٹ (ایف سی آر آئی) اور انسٹرومینٹیشن لمیٹڈ (آئی ایل) کی قیادت کی ٹیموں کے ساتھ تفصیلی جائزہ میٹنگ کی۔ آپریشنل کارکردگی، ٹیکنالوجی کی اپ گریڈیشن، مینوفیکچرنگ کی صلاحیتوں، جدید کاری، جدت پر مبنی ترقی اور اسٹریٹجک شعبوں میں شراکت بڑھانے پر بات چیت ہوئی۔

میٹنگوں میں دیسی مینوفیکچرنگ کی صلاحیت کو مضبوط بنانے، آپریشنل کارکردگی کو بہتر بنانے اور عالمی مسابقت کو بڑھانے کے مستقبل کے مواقع کا بھی جائزہ لیا گیا۔

دورے کے ایک حصے کے طور پر، ایچ ڈی کمارسوامی نے مختلف مزدور یونینوں اور ایچ ایم ٹی کے ملازمین کی انجمنوں کے نمائندوں سے بات چیت کی۔ انہوں نے ملازمین کی فلاح و بہبود، جدید کاری اور ادارے کی مستقبل میں ترقی سے متعلق ان کے تحفظات، تجاویز اور درخواستوں کو تحمل سے سنا۔

افرادی قوت کو مکمل تعاون کی یقین دہانی کراتے ہوئے، محترم وزیر نے کہا: ’’ کارکنوں اور ملازمین کی فلاح و بہبود سرکاری شعبے کے اداروں کی ترقی اور کامیابی میں مرکزی حیثیت رکھتی ہے۔ ہندوستان کی صنعتی ترقی میں ان کا تعاون انمول ہے۔‘‘

سرکاری دائرہ کار کی اکائیوں کو مضبوط بنانے کے تئیں مرکز کی عہدبستگی کو اجاگر کرتے ہوئے، مرکزی وزیر ایچ ڈی کماراسوامی نے کہا: ’’ عزت مآب وزیر اعظم جناب نریندر مودی جی کی دور اندیش قیادت میں، ملک بھر میں سرکاری دائرہ کار کی اکائیوں  کو مضبوط کرنے، بنیادی ڈھانچے کو جدید بنانے، مسابقت کو بہتر بنانے اور ترقی، اختراع اور روزگار کے زیادہ مواقع پیدا کرنے کے لیے مسلسل کوششیں کی جا رہی ہیں۔‘‘

اس دورے نے سٹریٹجک مینوفیکچرنگ کو مضبوط بنانے، مقامی تکنیکی صلاحیتوں کو فروغ دینے اور آتم نر بھر بھارت اور وکست بھارت 2047 کے وژن کو آگے بڑھانے کے لیے حکومت ہند کے عزم کا اعادہ کیا۔

**********

 (ش ح –ا ب ن)

U.No:7454

(ریلیز آئی ڈی: 2264354) وزیٹر کاؤنٹر : 11