بھارت جِن حکومت کی حمایت یافتہ پہلی قومی پہل ہے ،جو ہندوستانی زبانوں اور سماجی تناظر کے مطابق تیار کیے گئے مختلف اقسام کے خودمختار بنیادی اے آئی ماڈلز تیار کرنے کی سمت میں کام کر رہی ہے۔ اس میں متعدد طریقۂ کار شامل ہیں، جن میں متن (بڑے لسانی ماڈلز کے ذریعے)، صوت (ٹیکسٹ ٹو اسپیچ اور خودکار اسپیچ شناخت) اور بصری-لسانی نظام شامل ہیں۔

فی الحال بھارت جِن کے اے آئی ماڈلز 15 ہندوستانی زبانوں میں دستیاب ہیں، جن میں ہندی، آسامی، بنگالی، گجراتی، کنڑ، میتھلی، ملیالم، مراٹھی، نیپالی، اوڑیہ، پنجابی، سنسکرت، سندھی، تمل اور تیلگو شامل ہیں۔ جلد ہی تمام 22 شیڈولڈہندوستانی زبانوں کو شامل کیا جائے گا۔

بھارت جِن نے آیوروید (آیُرپرم)،ہندوستانی زراعت (کِرشی پرم) اورہندوستانی قانونی شعبے (قانونی پرم) کے لیے خصوصی طور پر تیار کردہ ماڈلز جاری کیے ہیں۔ اس کے علاوہ بھارت جِن کے تمام ماڈلز (متن، صوت اور بصری) صحت، زراعت، تعلیم اور حکمرانی جیسے مختلف شعبوں میں استعمال کے لیے مفید ہیں۔

سائنس و ٹیکنالوجی کے محکمے(ڈی ایس ٹی) کے نیشنل انٹردسپلنری سائبر فزیکل سسٹمز مشن(این ایم-آئی سی پی ایس) کے تحت دو ٹیکنالوجی انوویشن سینٹرز، یعنی ٹی آئی ایچ فاؤنڈیشن فار ایل او ٹی اور آئی او ای،  آئی آئی ٹی بامبے اور  آئی آئی ٹی ایم پروورتک ٹیکنالوجیز فاؤنڈیشن،  آئی آئی ٹی مدراس، اس وقت بھارت جِن نیٹ ورک کے حصے کے طور پر فعال ہیں۔

درج ذیل ادارے بھارت جِن کنسورشیم کا حصہ ہیں:

***

ش ح۔ م ع ن۔ ج ا

Uno-7408