آندھرا پردیش کے گنٹور ضلع کے اسکولی طلبا کے ایک وفد نے آج  راشٹرپتی بھون میں نائب صدر جمہوریہ ہند جناب سی پی رادھا کرشنن سے ملاقات کی ۔

سرکاری اسکولوں کی 27 لڑکیوں سمیت 41 ہونہار طلباء کے ایک گروپ  جس نے دسویں جماعت کے امتحانات میں غیر معمولی کارکردگی کا مظاہرہ کیا تھا اور فی الحال یہ گروپ  دلی کے تعلیمی دورے پر ہے۔

غریب اور پسماندہ پس منظر سے تعلق رکھنے والے سرکاری اسکول کے طلباء کو تعلیمی دورے پر دلی لانے کے اقدام کی ستائش  کرتے ہوئے نائب صدر جمہوریہ نے کہا کہ اس طرح کے دوروں سے طلباء کو کلاس روم سے آگے سیکھنے اور اپنے افق کو وسیع کرنے میں مدد ملتی ہے ۔  انہوں نے طلباء کے ساتھ بات چیت پر خوشی کا اظہار کیا ۔

جناب سی پی رادھا کرشنن نے کہا کہ تمام کامیاب لوگ زندگی میں جدوجہد ، ناکامیوں اور مشکلات سے گزرتے ہیں ۔  انہوں نے محسوس کیا کہ مشکلات افراد کو مضبوط ، زیادہ پر اعتماد اور کامیابی کے تئیں زیادہ پرعزم بناتی ہیں ۔  طلباء کو اپنے موجودہ معاشی حالات سے حوصلہ شکنی نہ کرنے کا مشورہ دیتے ہوئے نائب صدر جمہوریہ  نے کہا کہ تعلیم انہیں زندگی میں کامیابی حاصل کرنے کے لیے بااختیار بنائے گی۔

نائب صدر جمہوریہ نے طلباء کو یاد دلایا کہ ملک کے بہت سے عظیم سائنسدان ، منتظمین ، اساتذہ ، اختراع کار ، کاروباری افراد اور رہنما سرکاری اسکولوں اور سرکاری اداروں سے ہی  آگے آئےہیں۔

اس بات کا ذکر کرتے ہوئے کہ انہوں نے بھی تمل میڈیم میں ایک سرکاری اسکول میں تعلیم حاصل کی تھی ، جناب سی پی رادھا کرشنن نے اس بات پر زور دیا کہ تعلیم زندگیوں کو تبدیل کرنے ، کنبوں کی ترقی ، برادریوں کو مضبوط بنانے اور قومی ترقی میں رول ادا کرنے کا  سب سے طاقتور وسیلہ ہے ۔

نائب صدر جمہوریہ نے کہا کہ سرکاری اسکولوں کو زیادہ اہمیت دی جانی چاہیے اور اچھی کارکردگی کے لیے ان کی حوصلہ افزائی کی جانی چاہیے ۔  انہوں نے ممبران پارلیمنٹ اور اراکین اسمبلی پر زور دیا کہ وہ سرکاری اسکولوں کی بہتری اور تعمیر پر توجہ مرکوز کریں ۔

پچھلی دہائی کے دوران ملک کی قابل ذکر اقتصادی ترقی کا حوالہ دیتے ہوئے نائب صدرجمہوریہ نے کہا کہ ہندوستان دنیا کی سب سے تیزی سے ترقی کرنے والی بڑی معیشتوں میں سے ایک کے طور پر سامنے آیا ہے اور وزیر اعظم جناب نریندر مودی کی قیادت میں اعتماد کے ساتھ وکست بھارت کے وژن کی جانب بڑھ رہا ہے ۔ جناب رادھا کرشنن نے کہا کہ 2047 تک ہندوستان کے ترقی یافتہ ملک بننے کے سفر میں طلباء کے خواب اور خواہشات یکساں طور پر اہمیت کے  حامل ہیں ۔

اس بات پر مشرت  کا اظہار کرتے ہوئے کہ 41 میں سے 27 ہونہار طالبات لڑکیاں ہیں ، جناب سی پی رادھا کرشنن نے کہا کہ اس سے ملک میں ناری شکتی کی ابھرتی ہوئی طاقت کی عکاسی ہوتی ہے ۔

نائب صدر جمہوریہ جناب سی پی رادھا کرشنن  نے طلبا کو سوشل میڈیا کے ضرورت سے زیادہ استعمال سمیت منشیات اور نقصان دہ عادتوں  سے دور رہنے کا بھی مشورہ دیا ۔  نائب صدر  نے ان پر زور دیا کہ وہ کھیلوں  کا ، پڑھنے کا ، تخلیقی صلاحیتوں کا انتخاب کریں اور اپنی تعلیم ، اہداف ،کنبے اور قوم کے تئیں ذمہ داریوں پر توجہ مرکوز رکھیں ۔

اپنے خطاب کا اختتام کرتے ہوئے ، نائب صدر جمہوریہ  جناب سی پی رادھا کرشنن نے طلباء کو مشورہ دیا کہ وہ ہمیشہ تین اصولوں کو یاد رکھیں ، مخلصانہ محنت کریں ، کامیابی میں شائستہ رہیں ، اور علم کو معاشرے کی فلاح و بہبود کے لیے استعمال کریں ۔نائب صدر جمہورہ نے تمام طلبا کے  روشن ، بامعنی اور کامیاب مستقبل کے لیے دلی مبارکباد اور نیک خواہشات کا اظہار کیا ۔

مواصلات اور دیہی ترقی کے مرکزی وزیر مملکت جناب پیماسانی چندر شیکھر اور گنٹور ویسٹ کی قانون ساز اسمبلی کی رکن محترمہ گالا مادھوی بھی  اس موقع پر موجود تھیں ۔

**********

ش ح۔ ش م ۔خ م

U-7391