অৱাং নোংপোক লমদমগী চাওখৎ-থৌরাংগী কেন্দ্র মন্ত্রী অমসুং কম্ম্যুনিকেসন মন্ত্রালয় শ্রী জ্যোতিরাদিত্য এম.সিন্দিয়ানা ঙসি "অরুনাচল কিৱি: অরুনাচল প্রদেশকি য়ু.এস.পি."থৌরম অসি অরুনাচল প্রদেশ সরকারগী মুখ্য মন্ত্রী শ্রী পেমা খান্দু; অরুনাচল প্রদেশকি চিফ সেক্রেস্তরি শ্রী মনিশ কুমার গুপ্তা; অমসুং শ্রী শঞ্জয় জাজু, সেক্রেস্তরি, দোনর মন্ত্রালয়না শরুক য়ারদুনা অগস্ততা হৌদোকখিবনি।

চাওরাক্না লুপা করোর ১৬৭কি চাদিংগা লোয়ননা "অরুনাচল কিৱি: অরুনাচল প্রদেশকি য়ু.এস.পি." মিশন অসি সরকার পুম্বগী অমসুং কনভরজেন্সনা লুচিংবা থৌঅোং অমগী খুৎথাংদা দিজাইন তৌখ্রে। মিশন অসি এম. ইন্তরভেন্সনশিং অসিনা অরুনাচলগী কিৱি-ফারমিং কম্ম্যুনিতিশিংগী গ্রাওন্দ রিএলিতিশিং অমসুং এসপিরেসনশিং অদু তশেঙনা উৎপা ঙমহন্দুনা ভেল্যু চেন অসিদা শরুক য়ারিবা স্তেকহোলদর খুদিংমক্কি মীৎয়েংশিং য়েংদুনা মিশন অসি শেমখিবনি।

মিশন অসিনা ক্লস্তরদা য়ুম্ফম ওইবা এপ্রোচ অমা লৌখৎলি, মসিদা ইন্তিগ্রেতেদ ক্লস্তর-লেবেল পোস্ত-হারবেস্ত মেনেজমেন্ত হব ৬ মশক খঙদোক্লি। হায়রিবা সেন্তরশিং অসি জিরো ভেলি (লৱর সুবনশিরি), দিরাং অমসুং কলাক্তাং (ৱেস্ত কামেং), শি য়োমি, অমসুং দিবাং ভেলি লমদমশিংদা লৈ। মিশন অসিগী মখাদা স্ত্রেতেজিক ইন্তরভেন্সন ৩০ হেনবনা কিৱি উহৈগী ভেল্যু চেনদা মরুওইবা গেপশিং কোকহন্নবা পান্দম থম্লি-মমল-মমল-ৱাখল্লোনগী গেপ অসি থুগাইবা; অরুনাচলগী মথৌ তৌদ্রবা এন.পি.ও.পি.গী ওর্গানিক সর্তিফিকেসন অমুক হন্না শেমগৎপা; নুমিৎ ৭-১০গী দিস্ত্রেস সেলগী মতম অসি লৌথোক্নবা কোল্দ-চেন অমসুং পোস্ত-হারবেস্ত ইনফ্রাস্ত্রকচর শেম্বা; অমসুং লৌমী ইমুং লিশিং কয়াবু প্লান্তেশন দিভেলপমেন্ত, পোস্ত-হারবেস্ত প্রোসেশিং, ব্রান্দিং, ত্রেসিবিলিতি, এক্সপোর্ত, অমসুং এক্সপিরিএন্সিএল তুরিজমগী অপুনবা ইকোসিস্তেম অমদা য়াওহনবনি।

দোনরগী কেন্দ্রগী মন্ত্রীনা প্রধান মন্ত্রী শ্রী নরেন্দ্র মোদীগী   “ফার্ম-তু-ফার্ম” হায়রিবা লৌউ-শিংউগী ভেল্যু চেন পুম্বদা লৌমীশিং অসি অশেংবা স্তেকহোলদর অমা ওইহন্নবাগী ৱাশক অদুবু থোইদোক্না পল্লদুনা ৱাফম ফোংদোকখি।  ইনিসিয়েতিব অসিগী কনভর্জেন্স-দ্রাইভন করেক্তরদা অকনবা ৱাফম থম্লদুনা মন্ত্রীনা হায়খি:

"অৱাং-নোংপোক্কি রাজ্য ৮ পুম্নমক্কা লোয়ননা শেমখিবা অৱাংবা থাক্কী তাস্ক ফোর্সশিংগী খুত্থাংদা, অমসুং রাজ্য ৮ অসিগী মুখ্য মন্ত্রী অমসুং সরকার পুম্নমক্কি মতেংগা লোয়ননা, ঐখোয়না রাজ্য খুদিংমক্তগী অখন্নবা পোত্থোক অমা মশক খঙদোক্লে, মসিদা অখন্নবা ‘য়ুনিক সেলিং প্রোপোজেল’ (য়ু.এস.পি.); মিজোরামদগী শিং অমসুং নাগালেন্দদগী কোফিদগী হৌরগা সিক্কিমদগী ওর্গানিক ফার্মিং, মনিপুরদগী পোলো হেরিতেজ, অসামদগী মুগা লং, অমসুং মেঘালয়দগী লকাদোং য়াইঙং মশক খংদোকখি। ঙসি অরুনাচলগী কিৱিগী প্রোজেক্ত অসি হৌদোকপগা লোয়ননা অৱাং-নোংপোকপু হেন্না ফগৎহন্ন্বা মালেমগী ওইবা কম্পিতিতিব ভেল্যু চেন শেমগৎপগী অচৌবা খোংথাং অমা পায়খৎখি।

“ঐহাক্না দোনর মন্ত্রালয়, অরুনাচল প্রদেশ সরকার অমসুং পারতনর ইনসতািৎয়ুসন পুম্নমকপু অচুম্বা সরকার পুম্বগী অমসুং ভারত পুম্বগী থৌঅোং অমদা পুন্না লাকমিন্নবগীদমক নুংঙাইবা ফোঙদোকচরি, মসি সরকারগী স্কিম অমা নৎরগা মন্ত্রালয়না লুচিংবা ইনিসিএতিব খক্তা নত্তে, মসি কেন্দ্র অমসুং রাজ্য সরকারশিং, নাবার্দ, ফুদ প্রোসেশিং ইন্দস্ত্রী মন্ত্রালয়, আই.সি.এ.আর., এ.পি.ই.দি.এ লৌমিদগী হৌরগা কৈথেল ফাওবা কিৱি ভেল্যু চেন্ পুম্নমক মপাঙ্গল কনখৎহন্নবা লনাই সেক্তারদা থাক খুদিংমক্তা হেন্না ফবা শেনফম, ভেল্যু এদিসন, প্ৃমীয়াম মার্কেৎ এক্সেশ অমসুং ঐখোয়গী লৌমীশিংগীদমক্তা হেন্না ইনকম ফংহননবা ইন্তরভেন্সনশিং মশক খঙদোক্লে।”

মন্ত্রীনা নোৎ তৌখি মদুদি মিশন ওন্ “অরুনাচল কিৱি: অরুনাচল প্রদেশকি য়ু.এশ.পি.না অরুনাচল প্রদেশ অসি অৱাবা তারবা কিৱি পুথোকপা লমদম অমদগী প্ৃমীয়াম, ত্রেশ তৌবা য়াবা, শিঙ্গল-ওরিজিন্ ওর্গানিক কিৱি ইকোনোমি অমদা ওন্থোক্নবা মপূঙ ফাবা ভেল্যু-চেন্ দিবেলপমেন্ত ইনিসিএতিব অমা ওইনা দিজাইন্ তৌখ্রে, মসিদা অচেৎপা দোমেস্তিক অমসুং ইন্তর্নেস্নেল মার্কেৎ প্রেজেন্স লৈবা ভারতকি কিৱিগী চাদা ৫০ হেন্না কন্ত্রীব্য়ুৎ তৌরবশু। চহি খুদিংগী এম.তি. ভেল্যু এদিসন, ব্রান্দিং অমসুং মার্কেৎ ইনতিগ্রেশন মহাকনা মখা তানা সেলফ লাইফ শাংদোকপা, দিস্ত্রেস শেল হন্থহনবা, কোল্দ-চেন কেপাসিতি এম.তি. ২,০০০ লৈহন্দুনা প্রোসেসশিং অমসুং ভেল্যু-এদিসন ফেসিলিতীশিং ফগৎহন্দুনা কিৱি স্তার্ত-অপশিং ফগৎহন্দুনা লৌমীশিংগী ইনকম হেনগৎহনখ্রে অমসুং অরুনাচল প্রদেশকী কিৱি অসি শেনবা চহী ২০২৮ ফাওবদা ইন্তর্নেস্নেল মার্কেত্তা এক্সপোর্ত তৌরগনি।

মন্ত্রীনা মখা তানা ফোঙদোকখি মদুদি থৌরাং অসিনা ব্রান্দ নোর্থ ইস্ত – “অরুনাচল ওর্গানিক কিৱি” – মেদিয়া কেম্পেনশিং, ইন্তর্নেস্নেল ত্রেদা ফেয়রশিংদা শরুক য়াবা, অমসুং পায়লোৎ ক্লস্তরশিংদা এক্সপিরিএন্সিএল কিৱি-ওরচার্দ তুরিজমগী থৌরাংশিংগী খুৎথাংদা মতেং পাংনবা থৌরাং তৌরি। মহাকনা নোৎ তৌখি মদুদি মিশন অসিনা অরুনাচলগী মহৌশাগী নবেম্বর–জনুৱারিগী লৌরোক থোঙ অসি স্ত্রেতেজিক ওইনা শিজিন্নরি, মসি ন্যু জিলেন্দগী ওফ-সিজনগী মনুংদা অকক্ননা চল্লি — অরুনাচল ওর্গানিক কিৱিদা খা-নোংপোক এশিয়াগী, মিদল ইস্তরন্, অমসুং য়ুরোপিয়ন্ কৈথেলশিংদা হাংদোকপগী অখন্নবা কৈথেল অমা পিরি। মিশন অসিনা জিরো ভেলি অমসুং দিরাং শিনবা থুংনা ফার্ম-স্তে অমসুং ফার্ম-তু-ফোর্ক তুরিজমগী এক্সপরিয়েন্সশিং য়োকখৎনবা হোৎনরি, মসিনা অরুনাচল প্রদেশপু ওর্গানিক হোর্তিকলচর তুরিজমগী মশক থোকপা মফম অমা ওইনা থম্লি।

মন্ত্রীনা নোৎ তৌখি মদুদি খোঙথাং অসিগী অশেংবা মায় পাকাপা অসি “অরুনাচল ওর্গানিক কিৱি”না দোমেস্তিক অমসুং ইন্তরনেস্নেলগী কৈথেল অনীমক্তা প্রেমিয়ম শেলফমগী মফম শোয়দনা ফংহনবা মতমদা উবা ফংগনি – মসিনা ক্যু.আর.-ইনেবল পেকশিংগী খুত্থাংদা মীওই অমমমগী লৌমীশিংদা ত্রেস তৌবা য়াবা – অদুগা রাজ্য শিনবা থুংনা কিৱি থাবা খুন্নাইশিংগীদমক্তা লৌমিশিংগী ভেল্যু রিএলাইজেসন অসি শরুক মরিদগী ৬ ফাওবা হেনগৎহনবা ঙমগনি। মহাক্না মিশন অসিবু "ব্রেন্দ নোর্থ ইস্ত"গী অচৌবা মীৎয়েংগী মনুংদা থমখি — রাজ্য খুদিংমককি ওইনা য়ু.এশ.পি. অমা: ওর্গানিক রাজ্য (সিক্কীম), মিজোরামগী জিঞ্জার, ত্রিপুরাগী ক্যুীন পাইপলাইন্, নাগালেন্দগী কোফি, মেঘালয়গী লকাদোং য়াইঙং, অমসুং হৌজিক অরুনাচল প্রদেশকি ওর্গানিক কিৱি। মহাকনা লৌীশিং অমসুং স্তেকহোলদরশিংদা থাজবা পিখি মদুদি সরকারনা মখোয়গা লোয়ননা “মায়কৈ অমদা” লেপ্লি অমসুং অরুনাচল প্রদেশকিদমক মালেমগী ওইনা চাংদম্নবা য়াবা স্পিসিএলিতি ওর্গানিক কিৱি ইকোসিস্তেম অমা শেমগৎনবা মপূঙ ফানা ৱাশক্লি।

অরুনাচল প্রদেশকি ইকায় খুম্নজরবা মুখ্য মন্ত্রী শ্রী পেমা খান্দুনা এম.দি.ও.এন.ই.আর.দা অরুনাচল কিৱি: অরুনাচল প্রদেশকি য়ু.এস.পি. মহাক্না নোৎ তৌখি মদুদি অরুনাচল প্রদেশ অসি ভারতকি খ্বাইদাগী চাওবা কিৱি পুথোকপা রাজ্যনি অমসুং এম.ও.ভি.সি.দি.-এন.ই.আর.(২০২০)গী মখাদা ওর্গানিক কিৱি সর্তিফিকেৎ ফংখিবা লৈবাক অসিগী অহানবা রাজ্যনি — মসি মায়লস্তোন অমনি মদুদি মিশন অসিনা হৌজিক লৌমিশিংগী য়াইফনবা, ভেল্যু এদিসন অমসুং মালেমগী কৈথেলগী ইনতিগ্রেসনগী স্ত্রকচরেল পাথতা ওন্থোক্লে। মহাক্না হায়খি মদুদি কিৱি অসি ত্রান্সফোর্মেতিব কেশ ক্রোপ অমা ওইনা থোরক্লে, মসিনা অৱাংবা থাক্কী বেল্ত পুম্নমক্তা ঝুম থাবগী মহুত্তা তুং কোয়না চৎকদবা অল্তর্নেতিব অমা পিরি, অমসুং রাজ্য সরকারনা মিশন অসি মফম অদুদা মতম চানা পাঙথোক্নবা মপূঙ ফানা ৱাশক্লি হায়না অমুক হন্না ফোঙদোকখি, মসিনা রাজ্য অসিগী মশাগী অরুনাচল প্রদেশকী কিৱি মিশন ২০২৫–৩৫গা মান্নহল্লি।

শ্রী শঞ্জয় জাজু, সেক্রেতরি, এম. মহাকনা নোৎ তৌখি মদুদি রাজ্য অসিগী জিলা ১৩দা কিৱি লৌউবা অসি পাকাথোক চাউথোকলবশু – হেক্তর ৩৫৮২ হেন্না শাংদোকতুনা অমসুং কৎথোক্লবা লৌমি ১৫০০ হেন্না শরুক য়াদুনা – হৌজিক্তি পোত্থোক পুথোকপা, মগুন্, ভেল্যু এদিসন অমসুং কৈথেলদা য়ৌবা ঙম্নবা ইন্তরভেন্সনশি মথৌ তাই। মহাক্না মখা তানা অকনবা ৱাফম থমখি মদুদি ক্লস্তরদা য়ুম্ফম ওইবা, কনভরজেন্সতা য়ুম্ফম ওইবা মোদেল অসিনা অপিকপা লৌমিশিংনা সেয়র তৌরবা কোল্দ-চেন ইনফ্রাস্তরকচর, তেক্নিকেল সপোর্ত, ব্রান্দিং ইনিসিয়েতিবশিং অমসুং হকথেংননা কৈথেলগী লিঙ্কেজশিংদগী পুন্না কাননবা ফংহনবা ঙমগনি — ময়েক শেঙনা লেপথোক্লবা অমসুং মতম কুইনা চৎকদবা মরুওইবা মায়লস্তোনশিংনা এঙ্কর তৌখি।

অরুনাচল প্রদেশ সরকারগী হোর্তিকলচর বিভাগকি সেক্রেতরি শ্রীমতি কোজ রিন্যানা থাগৎপা ফোঙদোকখি অমসুং ইকায় খুম্নজরবা,., ভারত সরকারগী দোনর মন্ত্রী, খোংবু মন্ত্রালয়শিং, ইন্সতিত্যুসনশিং, লৌমীশিং, এফ.পি.ও. শিং, ওন্তর্প্রিন্যোরশিং অমসুং স্তেকহোলদরশিংবু অরুনাচর কিৱিঃ অরুনাচল প্রদেশকী য়ু.এস.পি.  মিশনগী কেন্সপ্ত অসিবু মপুং ফাহনবদা লৌবিখিবা মখোয়গী লোইনাইদবা মতেং অমসুং থৌপাংমিন্নবগীদমক্তা থাগৎপা ফোংদোকখি। মহাক্না অরুনাচল প্রদেশ শিনবা থুংনা কিৱি ইকোসিস্তেম মপাঙ্গল কনখৎহন্নবা অমসুং লৌমীশিংগী পুন্সি মহিং ফগৎহন্নবা মিশন অসি ইফেক্তিব অমসুং মতম চানা ইমপ্লিমেন্ত তৌনবা রাজ্য সরকারগী ৱাশক অদু মহাক্না অমুক হন্না ফোঙদোকখি।

খোঙথাং অসিনা তুং কোয়না চৎকদবা পুনশি মহিং অমা সেমগৎকনি, লৌরোক মতুংগী মাং-তাকপশিং য়াম্নাা হন্থহনগনি, ফারম গেৎতা ভেল্যু কেপচর ফগৎহনগনি অমসুং অরুনাচল প্রদেশ শিনবা থুংনা কিৱি ইকোনোমিদা খুঙ্গংগী নহাশিংনা শরুক য়াবদা পুক্নিং থৌগৎকনি হায়না থাজরি। হৌদোকপগী থৌরম অসি জিরো ভেলি অমসুং দিরাংগী কিৱি লৌমিশিংনা নুংঙাইনা ঢ়াম্না ওকখি, অমসুং লৌমিশিং, এফ.পি.ও.শিং, ওন্ৎরপ্রিনরশিং অমসুং অতোপ্পাা ইন্দস্ত্রীগী মরি লৈনবা মিওইশিংগা লোয়ননা এম.দি.ও.এন্.ই.আর.গী ওফিশিএলশিং অমসুং অরুনাচল প্রদেশ সরকারনা শরুক য়াখি।

***