মল্তিলেতরেল মিলিতরী এক্সরসাইজ প্রেগতি ২০২৬ অসি ঙসি মেঘালয়াগী উমরোয় মিলিতরী স্তেসন্দা হৌদোকখ্রে, মসিদা মরুপ ওইরিবা লৈবাক ১২, মখোয়শিং অদুদি ভুতান, কম্বোদিয়া, ইন্দোনেসিয়া, লাওস, মলয়েসিয়া, মালদিব্স, ম্যান্মার, নেপাল, ফিলিপিন্স, সিচেলস, শ্রী লঙ্কা অমসুং ভিয়েতনাম্না শরুক য়াখি। কন্তিঞ্জেন্তশিং অসি ভারতকি ইনাক খুললবা কলচরেল হেরিতেজ অমসুং হোসপিতালিতিগী মমি তাদুনা ভারতকি আর্মীনা নুংঙাইনা অমসুং ত্রেদিস্নেল ওইনা তরাম্না ওকখি।

ভারতকী মহাসাগরদা চাউখৎপা অমসুং ত্রান্সফোর্মেসনগী পার্ত্নরশিপ ওফ রিজনেল আর্মীশিংগী মহুৎ শিল্লিবা প্রগতি অসি মান্নবা, মরুপ-মপাং ওইবা অমসুং অমগা অমগা ইকায় খুম্নবগী ৱাখললোনগা লোয়ননা পাঙথোক্লি। এক্সরসাইজ অসিনা শরুক য়ারিবা আর্মীশিংনা প্রোফেস্নেল এক্সচেঞ্জদা য়াওনবা, অমনা অমগী এক্সপরিয়েন্সশিংদগী তমজনবা অমসুং মিলিতরী-তু-মিলিতরীগী মরিশিং হেন্না নক্নবা শেমগৎনবা কমন প্লেৎফোর্ম অমা পিরি।

হৌদোকপগী থৌরম অদুদা মিলিতরীগী মকোক থোঙবা ওফিসিএলশিং অমসুং শক্নাইরবা মীওইশিংনা শরুক য়াখি। ইন্দিয়ন আর্মীগী ইনফেন্ত্রীগী এদিস্নেল দাইরেক্তার জেনেরেল মেজর জেনেরেল সুনিল সেওরান্না মহাক্কি ৱারোলদা কন্তিঞ্জেন্ত পুম্নমকপু তরাম্না ওকখি অমসুং মতম অসিগী সেক্যুরিতিগী শিংনবশিং থেংনবদা পুন্না থবক তৌমিন্নবগী মরুওইবা অদু ফোঙদোকখি। মহাক্না শরুক য়ারিবশিং খুদিংমকপু অমুকতং ৱাখল তামিন্নবা, অমগা অমগা ইকায় খুম্নবা অমসুং অমনা অমগী এক্সপরিয়েন্সতগী তমজনিংঙাই ওইবা মওংদা শরুক য়ানবা পুক্নিং থৌগৎখি, অদুগা জাতি খুদিংমক্না পুরকপা পাঙ্গল অমসুং মীৎয়েংশিং অসিনা এক্সরসাইজ অসিগী অপুনবা পান্দমশিং ফংবদা ৱাহন্থোক লৈবা মতেং পাংগনি হায়না ফোঙদোকখি।

এক্সরসাইজ অসিগী পান্দমশিংগী মনুংদা জোইন্ত ওপরেসনশিংদা শরুক য়ারিবা লৈবাকশিংগী মরক্তা লোইবা নাইদনা কোওরদিনেসন তৌবা ঙমহনবা অমসুং পুন্না থবক তৌমিন্নবগী কমন এরিয়াশিং খঙদোকপা; এক্সপর্তশিং সেয়র তৌবা অমসুং মীওই অমগী এক্সপরিয়েন্সকি খুত্থাংদা শেমগৎলকপা খ্বাইদগী ফবা প্রেক্তিশশিং পিথোক-পিশিন তৌনবগী ইন্সতিত্যুস্নেলাইজ মেকানিজম অমা শেমগৎপা; জোইন্ত ত্রেনিং অমসুং কলচরেল এক্সচেঞ্জগী খুত্থাংদা দিফেন্সকি মরি অমসুং কেমরাদেরি মপাঙ্গল কনখৎহনবা; অমসুং মল্তিনেস্নেল এনভাইরনমেন্ত অমদা মেনেজমেন্ত অমসুং ইনতেলিজেন্স সেয়র তৌনবগীদমক কমন কন্সেপ্তশিং শেমগৎপা।

নুমিৎ অনিগী এক্সরসাইজ অসিনা সেমি-মাওন্ত অমসুং জঙ্গল তেরেনশিংদা তেরোরিজম থেংননবা ওপরেসনশিংদা মীৎয়েং থমগনি। ত্রেনিং প্রোগ্রাম অসিদাা জোইন্ত প্লানিং এক্সরসাইজশিং, তাকপি তম্বিবগী থাক্কী দ্রাইলশিং অমসুং শরুক য়ারিবা লান্মীশিংগী এদবেক্তিবিতি, ইন্দুরেন্স অমসুং তাকপি তম্বিবগী হৈথোই-শিংথোইবা হেনগৎহন্নবা দিজাইন তৌবা কোওর্দিনেৎ তৌরবা ওপরেসনশিং য়াওগনি। শিংনাবা কন্দিসনশিংদা ওপরেৎ তৌবা মতমদা ফিজিকেল ফিৎনেস, দিসিপ্লিন অমসুং কোওর্দিনেসন্দা অকনবা মীৎয়েং থমগনি।

এক্সরসাইজ অসিগী শরুক অমা ওইনা ভারতকি তেক্নোলোজি অমসুং দিফেন্স কম্পেনিশিংনা আত্মনিরভর ভারতকি ইনিসিয়েতিবকি মখাদা ইন্দিজিনস ইক্বিপমেন্ত অমসুং ইনোবেসনশিং উৎকনি, লৌশিং পিথোক-পিশিন তৌনবগী প্লেৎফোর্ম অমা পিগনি অমসুং দিফেন্স প্রদক্সন, ইনোবেসন অমসুং মশা-মরোমদোম লেপচবা ঙম্বাগী লমদা ভারতকি হেনগৎলক্লিবা তৌবা ঙম্বশিং অদু ফোঙদোক্কনি।

এক্সরসাইজ প্রগতি ২০২৬না মিলিতরী-তু-মিলিতরী কোওপরেসন মখা তানা মপাঙ্গল কনখৎহনগনি, প্রোফেস্নেল বোন্দশিং হেন্না চেৎশিলহল্লগনি অমসুং রিজনেল পার্ত্নরশিংগী মরক্তা কমন সেক্যুরিতি চেলেঞ্জশিং থেংননবা সেয়র তৌরবা এপ্রোচ অমদা মতেং পাংগনি হায়না থাজরি।

***