وزارتِ سیاحت نے “انکریڈیبل انڈیا ڈیجیٹل پلیٹ فارم (آئی آئی ڈی پی)” کے نئے اور بہتر ورژن کا آغاز کیا ہے، جو مسافروں اور شراکت داروں  کے لیے ایک جامع ذریعہ ہے تاکہ وہ ملک کے بھرپور ثقافتی ورثے، قدرتی حسن اور متنوع سیاحتی مقامات کو دریافت کر سکیں۔ یہ پلیٹ فارم صارفین کو ملک کے سیاحتی مقامات کا ورچوئل تجربہ فراہم کرتا ہے، جس میں ثقافتی، ورثہ، ایڈونچر، غذائی، فلاح و بہبود، فن و دستکاری، دیہی سیاحت وغیرہ شامل ہیں۔آئی آئی ڈی پیایک مصنوعی ذہانت (اے آئی ) سے چلنے والا ٹول استعمال کرتا ہے جو صارفین کے تجربے کو ذاتی نوعیت دیتا ہے، اور انہیں حقیقی وقت میں موسم کی معلومات، شہر کی سیر، اور ضروری سفری خدمات فراہم کرتا ہے۔ اس کے علاوہ یہ پلیٹ فارم ایک موادی مرکز بھی فراہم کرتا ہے جس کے ذریعے ڈیجیٹل مواد کو شیئر اور منظم کیا جا سکتا ہے۔

مزید برآں، اس پورٹل نے متعدد او ٹی ایز (آن لائن ٹریول ایجنٹس) اور دیگر شراکت داروں (اسٹیک ہولڈرز) کے ساتھ شراکت داری کی ہے تاکہ پروازوں، ہوٹلوں، ٹیکسیوں، بسوں اور اے ایس آئی (آرکیالوجیکل سروے آف انڈیا) کے آثارِ قدیمہ مقامات کے ٹکٹوں کی بکنگ کو ہموار اور آسان بنایا جا سکے۔ یہ پورٹل رجسٹرڈ ٹور آپریٹروں  اور ٹریول ایجنٹوں  سے متعلق معلومات بھی فراہم کرتا ہے۔اس کے علاوہ، اسے نیشنل انٹیگریٹڈ ڈیٹا بیس آف ہاسپیٹیلٹی انڈسٹری (این آئی ڈی ایچ آئی ) پورٹل کے ساتھ مربوط کیا گیا ہے تاکہ رجسٹرڈ ٹور آپریٹروں  اور ٹریول ایجنٹوں  کی معلومات تک بہتر رسائی ممکن بنائی جا سکے۔

یہ معلومات سیاحت اور ثقافت کے مرکزی وزیر جناب گجیندر سنگھ شیخاوت نے آج راجیہ سبھا میں ایک تحریری جواب میں فراہم کی۔

********

) ش ح ۔ ش آ۔م ش)

U.No. 7309