வடகிழக்குப் பிராந்திய மேம்பாடு மற்றும் தகவல் தொடர்புத் துறை அமைச்சர் திரு ஜோதிராதித்ய எம். சிந்தியா, சிக்கிமின் 51-வது மாநில தினக் கொண்டாட்டங்களில் பங்கேற்றார். குடியரசுத் துணைத்  தலைவர் திரு சி.பி. ராதாகிருஷ்ணன், சிக்கிம் ஆளுநர் திரு ஓம் பிரகாஷ் மாத்தூர் மற்றும் முதலமைச்சர் திரு பிரேம் சிங் தமாங் ஆகியோருடன் இக்கொண்டாட்டங்களில் கலந்துகொண்ட மத்திய அமைச்சர், வடகிழக்குப் பிராந்திய மேம்பாட்டு அமைச்சகத்தின் ஆதரவுடன் ₹223 கோடி மதிப்பிலான 21 வளர்ச்சித் திட்டங்களின் தொடக்க விழா மற்றும் அடிக்கல் நாட்டு விழாவிலும் பங்கேற்றார்.

நிகழ்ச்சியில் நேபாள மொழியில் உரையாற்றிய திரு சிந்தியா, சிக்கிமை “இயற்கை, கலாச்சாரம் மற்றும் அடையாளத்துடன் முன்னேற்றம் கைகோர்த்துச் செல்லும் ஒரு சமச்சீர் வளர்ச்சியின் முன்மாதிரி” என்று விவரித்தார். பிரதமர் திரு நரேந்திர மோடியின் தலைமையின் கீழ், சிக்கிம், நிலையான வளர்ச்சி, இயற்கை வேளாண்மை, சுற்றுலா சார்ந்த வளர்ச்சி மற்றும் சூழலியல் பாதுகாப்பு ஆகியவற்றில் ஒரு முன்னணி உதாரணமாக உருவெடுத்துள்ளது என்றும் அவர் குறிப்பிட்டார்.

இந்த நிகழ்ச்சியின் ஒரு முக்கிய சிறப்பம்சமாக, சிக்கிமை ஒரு சான்றளிக்கப்பட்ட இயற்கை உற்பத்தியாளர் நிலையிலிருந்து, உலகளவில் ஒருங்கிணைந்த ஒரு உயர்தர இயற்கை பொருளாதாரமாக மாற்றுவதை நோக்கமாகக் கொண்ட, ₹360 கோடி மதிப்பிலான ஒரு 'மிஷன் சிக்கிம் ஆர்கானிக்ஸ்' முன்முயற்சி தொடங்கப்பட்டது. ஒருங்கிணைந்த நிதி கட்டமைப்பின் ஒரு பகுதியாக, முக்கிய உள்கட்டமைப்பு, திரட்டு அமைப்புகள் மற்றும் திட்ட ஒருங்கிணைப்பு ஆகியவற்றிற்காக அமைச்சகம் ₹85 கோடி வழங்கும்.

மேலும் விவரங்களுக்கு இந்த செய்திக்குறிப்பை ஆங்கிலத்தில் இங்கே காணவும்:https://www.pib.gov.in/PressReleasePage.aspx?PRID=2261825&reg=3&lang=1

***

TV/RB/RJ