انڈین فارماکوپیا کمیشن آئی پی سی وزارت صحت و خاندانی بہبود حکومت ہند نے آج نیشنل انسٹی ٹیوٹ آف فارماسیوٹیکل ایجوکیشن اینڈ ریسرچ نائپر حیدرآباد تلنگانہ میں نائپر حیدرآباد سینٹرل ڈرگز اسٹینڈرڈ کنٹرول آرگنائزیشن سی ڈی ایس سی او اور آئی ڈی ایم اے تلنگانہ چیپٹر کے اشتراک سے انڈین فارماکوپیا 2026 پر ایک سائنسی کانکلیو اور تعاملی اجلاس کا انعقاد کیا۔ کانکلیو کا موضوع ”ادویاتی معیار کو یقینی بنانے میں انڈین فارماکوپیا ریفرنس اسٹینڈرڈز اور امپیورٹی اسٹینڈرڈز کی اہمیت“ تھا۔

 

 

آئی پی سی، جسے ادویات کے معیار حفاظت اور معقول استعمال کو فروغ دینے کی ذمہ داری سونپی گئی ہے مسلسل ایسے اقدامات کر رہا ہے جن کا مقصد ادویاتی معیار کو مضبوط بنانا اور مریضوں کی حفاظت کو یقینی بنانا ہے۔ اس بات کو تسلیم کرتے ہوئے کہ ادویات کا معیار عوامی صحت کے تحفظ کا ایک اہم جزو ہے آئی پی سی سائنسی ریگولیٹری اور اسٹیک ہولڈر اشتراکی پلیٹ فارمز کے ذریعے ادویاتی معیار سے متعلق امور کو مسلسل حل کرتا آ رہا ہے۔ موجودہ کانکلیو کا انعقاد اس مقصد کے تحت کیا گیا کہ انڈین فارماکوپیا ریفرنس سبسٹینس آئی پی آر ایس اور امپیورٹی اسٹینڈرڈز کی ادویات کے معیار حفاظت اور افادیت کو یقینی بنانے میں اہمیت پر غور کیا جا سکے۔

کانفرنس کا باقاعدہ افتتاح پروفیسر شیلندر سراف ڈائریکٹر نائپر حیدرآباد نے کیا جنہوں نے ادویاتی معیار سے متعلق اقدامات کو آگے بڑھانے کے لیے تعلیمی اداروں کے ساتھ اشتراک پر آئی پی سی کی ستائش کی۔ انہوں نے کہا کہ این آئی پی ای آر حیدرآباد اور اس سے قبل این آئی پی ای آر احمد آباد جیسے ممتاز اداروں کے ساتھ یہ اشتراک ریگولیٹرز تعلیمی ماہرین اور صنعتی شراکت داروں کے درمیان سائنسی تبادلۂ خیال اور صلاحیت سازی کے لیے ایک اہم پلیٹ فارم فراہم کرتا ہے۔

 

 

ڈاکٹر وی کلائی سیلوان سیکریٹری کم سائنٹفک ڈائریکٹر آئی پی سی نے زور دیا کہ امپیورٹی پروفائلنگ اور سائنسی بنیادوں پر قائم فارماکوپیائی معیارات ادویاتی امپیورٹیز سے منسلک مضر اثرات کو کم کرنے کے لیے نہایت اہم عناصر ہیں۔ انہوں نے مضبوط فارماکوپیائی معیارات اور معیار کو یقینی بنانے والے نظاموں کے ذریعے "وکست بھارت" کے وژن میں تعاون اور ادویات کے معیار کے نظام کو مستحکم بنانے کے لیے آئی پی سی کے عزم کا اعادہ کیا۔

افتتاحی اجلاس میں آئی پی سی سی ڈی ایس سی او این آئی پی ای آر حیدرآباد اور فارماسیوٹیکل صنعت کے سینئر حکام نے شرکت کی۔ شری کے نریندرن ڈپٹی ڈرگ کنٹرولر انڈیا سی ڈی ایس سی او حیدرآباد نے بھی اجتماع سے خطاب کیا اور ادویات کے معیار کو یقینی بنانے میں ہم آہنگ معیارات اور ریگولیٹری نگرانی کی اہمیت کو اجاگر کیا۔

کانکلیو کی ایک منفرد خصوصیت فارماسیوٹیکل معیار اور کلینیکل شعبوں سے تعلق رکھنے والے اسٹیک ہولڈرز کی شرکت تھی۔ پہلی بار آئی پی سی نے ریگولیٹری تجزیاتی صنعتی اور کلینیکل پس منظر رکھنے والے ماہرین کو ایک پلیٹ فارم پر جمع کیا تاکہ فارماکوپیائی امپیورٹیز کے طبی اثرات پر غور کیا جا سکے جن میں مضر ادویاتی ردعمل اور مریضوں کی حفاظت سے متعلق ممکنہ خدشات بھی شامل ہیں۔ کانکلیو نے ان فارماسیوٹیکل صنعتوں کو بھی ایک اہم موقع فراہم کیا جو آئی پی آر ایس اور امپیورٹی اسٹینڈرڈز کی تیاری اپنانے اور نفاذ میں سرگرم کردار ادا کر رہی ہیں تاکہ وہ اپنے تجربات اور آرا کا تبادلہ کر سکیں۔

تکنیکی اجلاسوں کے دوران آئی پی سی سی ڈی ایس سی او تعلیمی اداروں اور فارماسیوٹیکل صنعت کے ماہرین نے فارماکوپیائی معیارات امپیورٹی کنٹرول ریگولیٹری تعمیل انڈین فارماکوپیا 2026 میں پیش رفت امپیورٹی ریفرنس اسٹینڈرڈز فارماسیوٹیکل معیار کی یقین دہانی رسک اسیسمنٹ کے طریقۂ کار اور فارماسیوٹیکل امپیورٹی مینجمنٹ و ریگولیٹری کنٹرول سے متعلق ابھرتے ہوئے عالمی خدشات جیسے عصری موضوعات پر تبادلۂ خیال کیا۔

کانکلیو کا اختتام ایک تعاملی کھلے مباحثے پر ہوا جس میں آئی پی سی سی ڈی ایس سی او اسٹیٹ لائسنسنگ اتھارٹیز تعلیمی ماہرین معالجین محققین اور صنعت کے نمائندوں نے فارماسیوٹیکل امپیورٹیز تجزیاتی طریقۂ کار ریگولیٹری توقعات اور نفاذ کے چیلنجوں کے مختلف پہلوؤں پر گفتگو کی۔

 

 

کانفرنس میں ملک بھر سے ریگولیٹرز، فارماسیوٹیکل صنعت کے ماہرین، ماہرین تعلیم، معالجین تجزیاتی سائنسدانوں اور محققین نے بڑی تعداد میں شرکت کی جس سے سائنسی بنیادوں پر مضبوط فارماکوپیائی معیارات کے ذریعے ادویات کے معیار کے نظام کو مستحکم بنانے اور عوامی صحت کے تحفظ کو فروغ دینے کے لیے آئی پی سی کے مسلسل عزم کی توثیق ہوئی۔

                                               **************

 

ش ح۔ ف ش ع

                                                                                                                                       U: 7133

 

(ریلیز آئی ڈی: 2261609) وزیٹر کاؤنٹر : 8