एप्रिल 2026 * साठी भारताची एकूण निर्यात (वस्तू आणि सेवा एकत्रित) 80.80 अब्ज अमेरिकन डॉलर्स  इतकी झाली असल्याचा अंदाज आहे. एप्रिल 2025 च्या तुलनेत ही 13.59 टक्के सकारात्मक वाढ आहे. एप्रिल 2026* साठी एकूण आयात (वस्तू आणि सेवा एकत्रित) 88.61 अब्ज अमेरिकन डॉलर इतकी अंदाजित आहे, ज्यामध्ये एप्रिल 2025 च्या तुलनेत 7.67 टक्के सकारात्मक वाढ नोंदवली गेली आहे.

वस्तू व्यापार

• एप्रिल 2026 दरम्यान वस्तूंची निर्यात 43.56 अब्ज अमेरिकन डॉलर्स  इतकी होती; एप्रिल 2025 मधील 38.28 अब्ज अमेरिकन डॉलरच्या तुलनेत यामध्ये वाढ दिसून येते.
• एप्रिल 2026 दरम्यान वस्तूंची आयात 71.94 अब्ज अमेरिकन डॉलर्स  इतकी होती; एप्रिल 2025 मधील 65.38 अब्ज अमेरिकन डॉलरच्या तुलनेत यामध्ये वाढ दिसून येते.  
• एप्रिल 2026  मध्ये बिगर -पेट्रोलियम आणि रत्न व आभूषणे-व्यतिरिक्त वस्तूंची निर्यात 31.64 अब्ज अमेरिकन डॉलर इतकी होती; एप्रिल 2025 मधील 28.66 अब्ज अमेरिकन डॉलर्सच्या तुलनेत यात वाढ दिसून येते.
• एप्रिल 2026 मध्ये बिगर पेट्रोलियम आणि रत्न व आभूषणे-व्यतिरिक्त (सोने, चांदी आणि मौल्यवान धातू) वस्तूंची आयात 45.87 अब्ज अमेरिकन डॉलर इतकी होती; एप्रिल 2025 मधील 39.75  अब्ज अमेरिकन डॉलर्सच्या तुलनेत ही वाढ दर्शवते.

सेवा व्यापार

• एप्रिल 2026* साठी सेवांच्या निर्यातीचे अंदाजित मूल्य 37.24 अब्ज अमेरिकन डॉलर इतके आहे; एप्रिल 2025 मध्ये  ते  32.85 अब्ज अमेरिकन डॉलर्स होते .
• एप्रिल 2026* साठी सेवांच्या आयातीचे अंदाजित मूल्य 16.66 अब्ज अमेरिकन डॉलर असून ते एप्रिल 2025 मध्ये ते  16.91 अब्ज अमेरिकन डॉलर्स होते.
• एप्रिल 2025 च्या तुलनेत एप्रिल 2026* दरम्यान सेवा निर्यातीत 13.36 टक्के वाढ होण्याचा अंदाज आहे.
• मूल्यातील बदलाच्या दृष्टीने पाहता, एप्रिल 2025 च्या तुलनेत एप्रिल 2026 मध्ये सकारात्मक वाढ दर्शवणारी शीर्ष 5 निर्यात स्थळे पुढीलप्रमाणे आहेत: सिंगापूर (179.18%), टांझानिया (157.63%), श्रीलंका (214.65%), बांगलादेश (64.16%) आणि हाँगकाँग (90.61%).
• मूल्यातील बदलाच्या दृष्टीने पाहता, एप्रिल 2025 च्या तुलनेत एप्रिल 2026 मध्ये वाढ दर्शवणारे शीर्ष 5 आयात स्रोत पुढीलप्रमाणे आहेत: चीन (20.85%), रशिया (18.21%), ओमान (246.42%), पेरू (315.56%) आणि सौदी अरेबिया (30.29%).

***

सुषमा काणे/राजेश शिरभाते/परशुराम कोर

*** 

सोशल मिडियावर आम्हाला फॉलो करा:@PIBMumbai    /PIBMumbai    /pibmumbai  pibmumbai[at]gmail[dot]com  /PIBMumbai    /pibmumbai