2026 మే 15న ఆంధ్రప్రదేశ్‌లోని శ్రీ సత్యసాయి జిల్లా పుట్టపర్తిలో పలు ఏరోస్పేస్, రక్షణ ప్రాజెక్టులకు శంకుస్థాపన, భూమిపూజ కార్యక్రమాల్లో రక్షణ శాఖ మంత్రి శ్రీ రాజ్‌నాథ్ సింగ్, ఆంధ్రప్రదేశ్ ముఖ్యమంత్రి శ్రీ ఎన్. చంద్రబాబు నాయుడు పాల్గొంటారు. ఇందులో భాగంగా ఏరోనాటికల్ అభివృద్ధి సంస్థకు చెందిన విమానాల తయారీ, వైమానిక పరీక్ష కేంద్రానికి శంకుస్థాపన చేస్తారు. విమానాల సమకలనం, పరీక్ష, ధ్రువీకరణ కోసం ఉద్దేశించిన ఈ కేంద్రం.. అధునాతన మధ్యస్థ యుద్ధ విమాన (ఏఎంసీఏ) అభివృద్ధి కార్యక్రమాన్ని మరింత వేగవంతం చేస్తుంది.

అనకాపల్లి జిల్లాలోని టి. సిరసపల్లి గ్రామంలో భారత్ డైనమిక్స్ కు చెందిన అత్యాధునిక నావికా వ్యవస్థల తయారీ కేంద్రానికి కూడా రక్షణ మంత్రి శంకుస్థాపన చేస్తారు. అధునాతన జల గర్భ ఆయుధ వ్యవస్థలు, నౌకాదళ యుద్ధ వ్యవస్థల్లో పెరుగుతున్న అవసరాలను తీర్చడం కోసం ఈ సముదాయాన్ని ఏర్పాటు చేస్తున్నారు.