ભારતીય સ્પર્ધા આયોગ (CCI) એ અદાણી પાવર લિમિટેડ (Acquirer) દ્વારા GVK એનર્જી લિમિટેડ (Target) ની 100% શેર મૂડીના સંપાદનને મંજૂરી આપી છે.

સૂચિત સંયોજનમાં, ટાર્ગેટ (GVK એનર્જી લિમિટેડ) ના સંદર્ભમાં ઇન્સોલ્વન્સી એન્ડ બેન્કરપ્સી કોડ, 2016 હેઠળ શરૂ કરવામાં આવેલી કોર્પોરેટ ઇન્સોલ્વન્સી રિઝોલ્યુશન પ્રક્રિયાના અનુસંધાનમાં, સંપાદનકર્તા (Acquirer) દ્વારા ટાર્ગેટની 100% શેર મૂડી અને નિયંત્રણના સંપાદનનો સમાવેશ થાય છે.

સંપાદનકર્તા (Acquirer) ભારતમાં નોંધાયેલી પબ્લિક કંપની છે, જેના શેર BSE લિમિટેડ તેમજ નેશનલ સ્ટોક એક્સચેન્જ ઓફ ઇન્ડિયા લિમિટેડ પર સૂચિબદ્ધ (listed) છે. સંપાદનકર્તા ભારતમાં ખાનગી થર્મલ પાવર ઉત્પાદક છે અને તે ગુજરાત, મહારાષ્ટ્ર, કર્ણાટક, રાજસ્થાન, છત્તીસગઢ, મધ્ય પ્રદેશ, ઝારખંડ અને તમિલનાડુમાં ફેલાયેલા થર્મલ પાવર પ્લાન્ટ્સનું સંચાલન કરે છે, આ ઉપરાંત ગુજરાતમાં 40 મેગાવોટનો સોલર પાવર પ્લાન્ટ પણ ધરાવે છે.

ટાર્ગેટ (Target), જે એક પબ્લિક લિમિટેડ કંપની છે, જેની સ્થાપના GVK પાવર એન્ડ ઇન્ફ્રાસ્ટ્રક્ચર લિમિટેડની પેટાકંપની તરીકે કરવામાં આવી હતી. ટાર્ગેટ તેની પેટાકંપની AHPL દ્વારા ઉત્તરાખંડના શ્રીનગરમાં 330 મેગાવોટના હાઇડ્રોઇલેક્ટ્રિક પાવર પ્રોજેક્ટમાંથી વીજ ઉત્પાદનમાં કાર્યરત છે. AHPL ને ઓપરેશન અને મેન્ટેનન્સ સેવાઓ ટાર્ગેટ દ્વારા પૂરી પાડવામાં આવે છે.

કમિશનનો વિગતવાર આદેશ આ પછી જાહેર કરવામાં આવશે.

IJ/NP/JD

(રીલીઝ આઈડી: 2260445) મુલાકાતી સંખ્યા : 5